Ka Nupepa Kuokoa, Volume LXI, Number 21, 25 May 1922 — Malamaia Kekahi Hoolewa Nui no Joe Kawaha [ARTICLE]

Malamaia Kekahi Hoolewa Nui no Joe Kawaha

Mahope iho o ka loaa ana mai o ka lono mai Hilo mai ma ke Kelekalapa, no ka haule ana o Joe Kawaha, kekahi o na makai o Hilo, tna ke Sabati nei, ua loaa r»ai la he lono hou mai Hilo mai no e hoakaka ana no kona make ana ma ka wanaao o ka Poakahi nei, a ma ia auwina la Poakahi no ka malamaia ana o kona hoolewa, a e hoakaka ana ka lono mai Hilo mai o kona keleahi o ua hoole.wa nui i ikeia maloko o ke kulanakauhale Hoaka o Hilo. Ma ke Sabati aku kona haule ana mailuna mai o ke kaa otomobile oiai ia kaa e holo heihei ana maluna o ke alanui Kuhio, a ma ia haule ana ona o kona poo ka i iho mua a pa i ke alanui konakalika paakiki, a me ka pau o kona ike i hoihoiia aku ai oia noloko o ka halema'i ma Hilo, a mai ka manawa i hoihoiia aku ai ilaila ahiki wale i .kona make ana aku la aohe ona manawa i lana mai ai. Ua hoaoia ka e paiia ke kii ma ka X-Ra7, eia nae, aohe i holopono mamuli o ka oni o ke poo. Ua ikeia ma ke kahaia ana ua naha ka iwipoo ma kahi o ka hono, o ia ke kumu o kona make ana. Ua kaulana o Joe Kawaha no kona nui, a ua manao pu ia hoi oia j ke kanaka ikaika loa ma ka Mokupuni o Hawaii. He 6 kapuai kona kiekie me 3 iniha, a he 230 paona kona kaumaha. He makai oia no ka puali makai o Hilo mai ka 1917 mai, a iaia. i make aku la ua haalele iho oia i kana wahinekanemake me eha mau keiki ma i keia ao e kanikau mau aku nona. He manawa ko na mea apau a e hahai mau ana ke aka o ka make | mahope o kela ame keia mea i na 1 m&nāwa apau.