Ka Nupepa Kuokoa, Volume LXI, Number 21, 25 May 1922 — E Ole ke Kuokoa Loaa Na Dala i Nalowale [ARTICLE]

E Ole ke Kuokoa Loaa Na Dala i Nalowale

Ma ka meahou i hoopukaia maloko o ka Nupepa Kuokoa nei, i loaa hpu ai na dala he kanalima o ka nalowale ana mai ia Mrs. Luke Edwards aku me ka manao aole oia e iko hou ana i kana mau dala, aka ua pomaikai nae oia, i kona wa i heluhelu ai a ike, i ka loaa ana o na dala he kanalima, maloko o ke keena o ka Meia Wilaon, a hoomanao ae la oia, o kela kanāmau dala, o ka haule ana mai iaia aku. Ma ka manawa o ka nalowale ana o na dala he kanalima mai ia Mrs. Luke Edwards aku, ua hoopau oia i kona manaolana no ka loaa hou o kela mau dala iaia, me kona manao maoli no ua haule ma ke alanui; nolaila aole oia i hookomo ae i kekahi hoolaha, a i ole, imi aku paha ma kekahi ano i ■wahi • e hoi hou mai ai kana mau dala. Mahope mai o kela nalowale ana o na dala he kanalima mai iaia aku, ua loohia iho la oia i kekahi ma'i, a iloko o kona wa e ma'i ana, i ninau ae ai dia, no kona makemake e heluhelu i ka nupepa, a na kana kaikamahine i haawi aku iaia he mau helu o ke Kuokoa, a iaia e noke ana i ka nana maloko 0 kela mau nupepa, ike iho la oia, 1 ka loaa ana he kanalima dala, maloko o ke keena o ka meia, a hoomanao koke ae la oia, o kela na dala ana o ka haule ana, oiii maloko oia o ke keena o ka meia ma kela la, o ka nalowale ana o kana mau dala. Ua hoomanawanui o Mrs. Luko Edwards, ahiki i ka oluolu ana o kona ma'i, ia wa "oia i hele ae ai e hui pu me ka Meia Wilson, a hoike aku la, oīa ka mea nana na dala he kanalima, o ka loaa &na maloko o kela keena, ia wa i hoihoi hou ia mai ai iaia ka bila dala o kanalima, a ma ka oleloia, ua hoole ka Meia Wilson, i ka lawe ana aku i kekahi makana mai ka ona aku nana kela mau dala. -*++ Ua hoopaneeia ke kuai ana aku i aa laulau a ka Ahahui Kokuft a Manawalea a na Poola a ka wa kupono e hoikeia aku ana mamuli o ka pilikia o na limahana na lakou e lawelawe ia hana.