Ka Nupepa Kuokoa, Volume LXI, Number 21, 25 May 1922 — Halawai Elua Mau Limahana me ka Make Pakele Aku ke Ola o ko Laua Hoa ma ka Apua me ka Nui o na Poino i Loaa Iaia PA-HU KE GESOLINA PELA LAUA I POINO AI Ma Mahukona, Kohala, i Loaa ai Kela Ulia Poino i Kekahi Mau Limahana Ekolu [ARTICLE]

Halawai Elua Mau Limahana me ka Make

Pakele Aku ke Ola o ko Laua Hoa ma ka Apua me ka Nui o na Poino i Loaa Iaia

PA-HU KE GESOLINA PELA LAUA I POINO AI

Ma Mahukona, Kohala, i Loaa ai Kela Ulia Poino i Kekahi Mau Limahana Ekolu

Ma Mahukona, Kohala, Hawaii, ma ka Poalima aku nei o ka pule i hala, i halawai ae ai he elua mau kanaka me ka make ulia, mamuli 0 ke pa-hu ana o kekahi kula gesolina, a pakela mahunehune aku hoi ke ola o ke kolu o na kanaka, me !ka nui nae o na palapu i kau aku maluna o kona kino, a ma ka apua wale no kona pakele ana. 0 na kanaka elua i halawai me ka make, i kulike ai me ka nuhou 1 hoikeia mai i keia kulanakauhale mai Hilo mai, oia o John Bush ame K. Iriguchi; a o ka mea hoi i pakele mahunehune aku kona ola, oia o Dan Kapaona. 1 kulike ai me ka moolelo o ka make ana o kela mau kanaka elua ma ke ano ulia, e hana ana kela poe ekolu, ma kekahi luawai maloo, o Dan Kapaona ma ka waha o. ka luawai, a o Bush ame Iriguchi na mea iloko o ka lua. Na na kanaka elua ilalo o ka luawai e nookomo ana i na pohaku liilii iloko o kekahi kapu, alaila huki ae la o Dan Kapaona iluna; aia hoi ma ka waha <0 kela luawai, e ku ana kekahi kula aila gesolina, a ma kekahl ano ulia, ua hihia ae la kela kula aila i ke kaula, 0 ka haule aku la no ia iloko o ka luawai a V# kauaka ety*,e hana ana. He kukui helepo ka Iriguchi e paa ana ilalo, i ka wa 0 ka haule ana aku o ke kula aila gesolina, ua hoomaka ae la e p4-hu mamuli 0 ka a aia 0 ka aila i ke kukui, a na kela pa-hu ana 0 ka aila i hookau koke aku i ka make maluna 0 Iriguchi, a no John Bush hoi, ua hele oia a papaa i ke alii, a ua make aku oia maloko 0 ka halema'i ma ka po 0 kela Poalima. I ka wa thoi i ike aku ai o D. Kapaona i ka poino 0 kona mau hoa, Ua hoao aku la oia e hoopakele ia laua, eia nae ua holapu mai la na ula 0 ke ahi i kona lole, mo ka nui o na. palapu i loaa iaia ma kona kino, me kona hoihoiia ana aku noLoko o ka halema'i, a ma ka nanaia ana o kona mau wahi i poino, ua ikeia e ola ae ana no oia me kona make ole.