Ka Nupepa Kuokoa, Volume LXI, Number 21, 25 May 1922 — Na Wahine Koho Baloka ame ke Kalaiaina [ARTICLE]

Na Wahine Koho Baloka ame ke Kalaiaina

Maloko o ka hale waiho buke o ke aupuni, ma keia po Poaha, c malama ae ana ka Ahahui o na Wahine Koho Baloka, i kekahi halawai, no ka hoonaauao ana i na wahine, no na mea e pili ana i ke kalaiaina. Aia he mau loina ano nui iloko o na hana kalaiaina, a kakou i ike ai maanei nei, o ia mau loina nae, he mau mea malihini loa ia i na wahine; aka nae e loaa aku ana ka ike ame ka naauao ia lakou, i ka manawa e hoakakaia aku ai imua o lakou, na hana ano nui i makemakeia aku ai kda wahine ame keia wahine. Ke hoeueu aku nei keia pepa i na wahine Hawaii, me ka nana ole ma ka lakou aoao kalaiaina, e hele ae ma ka hālawai a kela ahahui, ma keia po, no ka mea, e hoakakaia mai ana na mea pili i na kalapu ko lakou mau lunanui, ame ka lakou mau hana; pela hoi ka lilo ana o kela mau kalapu, i mau mahele ko'iko'i iloko o na hakoko kalaiaina kuloko o kakou e hoea mai ana. * E komo kakou'iloko o-na hana kalaiaina e pono ai, ,mai na kane a na wahine; i wahi nae e loaa mai ai ka ike ame ka naauao na ke kalaiaina oiaio, e pili aku me na kalapu o kakou, ina no ia he Demokarata a Repubalika- paha; aole o ka hoomamao mailaila mai, o lilo auanei ko kakou hoohemahema, i kumu e lanakila ai na hana kolohe, a lea poe i makee wale no i ko lakou pomaikai, iho, aole hoi i ko ka lehulehu mau pono. He mau mahina helu wale no koe, alaila hoea mai i ke kolfo baloka wae moho; aka nae iloko kokje ae nei no o ka mahina 0 lune, e hoomaka ai ka hoonee ana o na iliili konane kalaiaina, ma o ka noho ana mai o ka ahaelele a ka balika, e hoomakaukau i ke kahuahana kalaiaina a kela aoao;a i wahi no kakou e kuleana pu ai, i ka noonoō ame ka hooholo ana i kekahi kahuahana kupono; e loaa ke khleana ia kakou e wae ae ai, a e koho aku ai i na elele, ma ko kakou lilo ana, 1 mau lala no na kalapu. Ua ku kaokoa no na rula hooponopono o ko kakou maU aoao kalaiaina kuloko, o kekahi mai kekahi mai; a no keia like ole o ka hoohana ana a ko kakou mau aoao kalaiaina, i ka laua mau hana, pela i kupono loa ai, ka hele ana ae o na wahine apau, ma ka halawai o keia po, a ina no he poe kane kekahi i makemake, e loaa aku na ike laula,.no na aoao kalaiaina a elua, mai hoohemahema, i ka hele ana ae, no ke ku&ia mai, pela wale no e loaa ai ka makaukau anīe ka naauao. O ke kumu hoopilikia i na #neakanu apau, ina e ikeia ana ka haula mai o ka lau, aia no ia ilalo o ka hua, a ma ke ka paha elike me ke ano o ia meakanu; nolaila oka pilikia i holomua ole ai, a i ulu nui ole ai na ekalesia o kakou, aia no ia ilalo o ke kumu ame na lala o ia mau ekalesia.. Xia a hoopauia ae ke kumu o ka pilikia, e oili mai auanei na hua ohaha, e hoohauoliia ai ka manao o ka mahiai