Ka Nupepa Kuokoa, Volume LXI, Number 21, 25 May 1922 — E Haawiia Ana na Mahalo e Pono Ai [ARTICLE]

E Haawiia Ana na Mahalo e Pono Ai

Ke haawi nei keia pepa, i na mahalo kiekie ana i ka Hope Makai Nui Asch, ka mea e noho mai nei i keia mau la ma ke kulana makai nui, no ke Kulanakauhale a Kalana o Honolulu nei, no ke keehina ana i lawe ae ai, ma ke kapae ana i kekahi makai, i hoomaopopoia, kona pili i.ka hewa, ma ke komo pu ana iloko o ka hana hakihaki kanawai, o ia ka malama opiuma. He mau kekahi' o kela ano, o ka wa ae nei i hala, i lawe maoli ia ae ko lakou mau hihia imua o na aha hookolokolo, no ke ku-e i ke kanawai, eia nae ua *eia aku no lakou e paa i ka lakou oihana, e ka Makai Nui Rose, me ka ohi mau i na dala o ko lakou uku mahina, a mamuli wale no o ka lawe maoli ana ae o na komisina makai, i ka mana iloko o ko lakou lima, i kapaeia ae ai kekahi mau makai. O na keehina nae a ka Hope Makai Nui Asch, i lawe ae ai, ma ke kapae ana i keia makai, he hana ia, e haawiia aku ai na mahalo kiekie ana a ka lehulehu, no ka mea aole o l<akou makemake, i na luna o kela ano, oiai e hooko ana i ke kanawai, e lilo pu oia i mea hakihaki kanawai; ua kupono kona kapaeia ana aku la, a ina no ka hiki ke hooiaia kona pili i ka hewa, imua o na komisina makai, alaila e hoopauia oia mai ka oihana aku e pono ai. / « ! Aia iloko o ka oihana makai, elike no hoi me ia iloko o na oihana arpau, he poe hoopono; a he poe hoopono ole ma ka lakou mau hana, o na makai t ikeia ana, ko lakou komo pu ana iloko o na hana hakihaki kanawai, a kokua aku i ka pcfe ku-e kanawai, aole i makemakeia lakou e noho liana iloko o kela oihana, o lilo auanei ko lakou hoomauia aku ma ka hana o ka lehulehu, i kumu, e hoomahuahuaia aku ai na hana hakihaki kanawai, a e hele lanakila ai hoi ka poe kolohe.