Ka Nupepa Kuokoa, Volume LXI, Number 22, 1 June 1922 — E HOEA MAI ANA NO KA HOLO MAKAIKAI ANA. [ARTICLE]

E HOEA MAI ANA NO KA HOLO MAKAIKAI ANA.

Mamuli o ka poloai a Gcorgc P. Cookc, ka lunahoomalu mana hooko o ke Komisina o na Home Ilawaii. he huakai o ka hapanui he mau hoa no ka ahaolelo Teritorc ka i holo aku i Molokai ma ka Poalua iho nei, no ka makaikai ana i na aina e noho ia aku ana e na Hawaii ma Molokai, na aina i haawiia mai n oka mahi ana aku malalo o ke kanawai home. Iloko o kela huakai o ka holo ana aku no Molokai he mau keonimana kiekie kekahi mai ka Mokupuni mai o Hawaii; ma ke kakahiaka Poaono aku la i hala ka hoea ana mai o ka Lunamakaainana Norman K. Lyman mai Maui mai maluna o ka mokuahi Mauna Kea, Julian B. Yates, kekahi hoa o ka papa o na lunakiai o Hawaii a he hoa mua hoi no ka ahaolelo kuloko mai Hawaii Komohana mai; ka Lunamakaainana Emil M. Muller o Hawaii Komohana ame Samuel K. Tua, ka makai nui o ko Kalana o Hawaii ame kekahi poe e ae. Ma ka Poalima o keia pule ae, lune 9, a ma ka Poalua aku, iune 13, e himeni ae ana o Tandy Maekanzie, kekahi o na keiki Hawaii puukani e kaulana nei hoi ka Hawaiian Caruso, maloko ka Halekeaka Liberty, e hoomaka ana ma ka hora 8:15 p. m., a ma ke ao o ka Poaono, lune 10, ma ka hora 2:30 p. m.