Ka Nupepa Kuokoa, Volume LXI, Number 23, 8 June 1922 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

AOAO NO NA MANAO PEPA                                           NA MOOLELO HOONANEA, NA NUHOU KALAIAINA

SOLOMON HANOHANO, LUNAHOOPONOPONO                                             ME NA NUHOU O KA MANAWA

 

NEPEPA KUOKOA HONOLULU, T. H. POAHA, IUNE 8, 1922.

 

Ka La o Ka Na‘i Aupuni Kamehameha I.

            Ma keia Sabati iho, ka la 11 o ka mahina o Iune, ka la o Kamehameha. Ua hoomanao mau ia keia la, ma ke ano o ka la hanau ia o ka Na‘i Aupuni Kamehameha I ma Hawaii nei a o ia hana maa, o ka kakou ia e lawelawe aku ana ma keia makahiki. He mea maa no hoi i na ahahui Hawaii apau ka malama ana i anaina haipule hoomanao no ka mea nona keia la kulaia ano nui, ma ke Sabati, mamua iho o ka la 11 o Iune, ma keia makahiki nae ua kupono loa kela la, i kee Sabati, nolaila ua kohu ka hana hoomanao, e lawelaweia ma ke ano kui‘o, a kanaka makua e kakou i keia makahiki. Maloko o ka luakini o Kawaiahao, ke anaina pule hoomano ma keia Sabati, malalo o na hooponopono ana a ka Ahahui Kamehameha, o na ahahui Hawaii kekahi i kono pu ia e hoea ae ma ia anaina; o ka keia pepa e hoeueu aku nei, e hoopiha ae na ahahui o na Hawaii i ka luakini ma keia Sabati. Aole he anaina haipule oi ae o ke kupono, no lakou, elike me keia, no ka mea ua kupono i ko kakaou moi ka mea nana i hoolilo i na mokupuni o Hawaii nei i hookahi. Aole nae ma ke anaina haipule hoomanao wale no maloko o Kawaiahao i makemakeia ai na Hawaii e lokahi ma ka akoakoa ana ae aka ma ke kaihuakai kekahi o ka Poakahi ae ka la kulaia aupuni i hoopaneeia mai, no ka malama ana i na haiolelo ame na himeni no ka mea nona ka la hanau. O keia ka la no na Hawaii, ua ili iho ke ko‘iko‘i maluna o kakou na Hawaii, ka hoikeike ana ae, ma ka kakou mau hana, no ka makee ; keia la, aole a ka la kulaia o na lahui e, ilaila iho la kakou e ohohia aku ai, o na mahalo ana nae, maluna o ka poe na lakou, na hooikaika ana, e hoolilo ia la ame na hana hoomanao, i mau mea ano nui. Aia he mai kumu maopopo loa na kakou e hoolilo ai i ka la o ka Na‘i Aupuni i la ano nui iloko o ko kakou ola ana, no ka mea mamuli o kana mau hana, oiai no nae he au pouliuli kela o keia lahui kanaka, ke ohi nei kakou i na pomaikai, o kana mau hooikaika ana. He mea ano nui ka la hanau o na kanaka ko‘iko‘i o na aupuni e, i ko lakou mau lahui, e hana ana lakou i na hoohiwahiwa hihimanu, o kela ame keia ano ; e hoike ana ma ka lakou mau hana, a ma ka lakou mau olelo, i na manao makee no ka poe no lakou ia mau la hanau. Aole nae a kakou hoohalikelike ana aku me ka hana a ia mau lahui kanaka, ua ku ka hana ia lakou, no lakou ponoi iho ke aupuni, ame na mea apau; aka nae, o ka hana hiki ia kakou, o ia ka hoakoakoa ana ae, ma kekahi mau hana kupono, e laa ke komo ana iloko o ke kaihuakai ame ka malama ana i anaina haipule hoomanao. He poe kakou i ikemaka ole i ka Na‘o Aupuni Kamehameha, he manaoio nae ko kakou, no kona mau ano maikai a kilakila he nui, mamuli o ia manaoio, e ku mau aku kakou, a hoike i kela manaoio, me na hana kui‘o, no ka hanohano o ka mea nona ka la hanau. He heluna mahuahua loa o na Hawaii i komo iloko o ko kakou mau ahahui, o lakou ka i makemakeia, e komo iloko o ke kaihuikahi, a e hoolilo aku i na lahui e, o lakou ka poe makaikai, aka e ikeia na Hawaii iloko na Hawaii iloko o na anaina i hookaawaleia no kakou.

 

E Kokua Ake Ma Ka Hana Maikai

Eia me kakou iloko o keia mau la o Tandy Mackenzie, ke keiki Hawaii puukani e kaulana nei i ka himeni, a ma ka Poalima‘ae nei, ka Poaono, ame ka Poalua, o keia pule ae, e lohe ai ko ke kulanakauhale nei poe i kona leo, maloko o ka Halekeaka Liberty. O na ahamele e weheia ana iloko o kela maula ekolu, aole ia no kekahi hana e ae, aka no ka imi ana no ia i kekahi waihona, e kokua aku ai, ma ka hoomahuahua ana ae i knoa huli ana i ka ike himeni. Ua waeia ae keia keiki Hawaii maiwaena mai o na puukani himeni ma Amerika, e na poropeka kaulana ma ia hana, ma ke ano, oia kekahi o na kanaka opio, i hanauia mai me ke kalena kiekie loa ma ka himeni; no keia kumu, i lawe ae ai ka Ahahui Hoeueu Hawaii, i ke ko‘iko‘i o ka imi ana i kekahi waihona, elike me ka hiki e loaa ana, no ke kokua ana aku ma ka waiho ana aku iaia, malalo o ke a‘o ana mai a na kumu akamai loa i ka himeni. Ua hoike ae ko Honolulu nei poe, i ko lakou mau manao ohohia o ke kokua, ma na po, o ka malamaia ana o ka ahamele a ka Ahahui Hoeueu Hawaii, ma ka hoopiha ana i kela hale, a ua nui no hoi na hala, i loaa ma ia mau ahamele, no ka waihona kokua ia Mackenzie; ma na ahamele nae e haawiia aku ana, maloko o kela halem e ike maoli aku ana kakou, i kona helehelena, a e lohe aku ana hoi i kona leo; nolaila e oi ae ko kakou mau manao ohohia e pono ai, ma keia mau ahaleme, ma ia ano auanei, ua hoikeike ae kakou i na manao e haawi aku i na kokua ana no ka hoea aku o na hooikaika ana a keia keiki Hawaiii, i ka pahuhopu o kona iini, e lilo i kanaka kaulana me keia mua aku. Ma ke Kula Kamehameha ae nei no kahi i hoonaauaoia ai o keia opio; a malaila no oia i hoomaamaa ai i na anuu mua loa, o ka ike himeni; a mamuli o ka holo ana aku no Amerika me kona mau hoa, i ikeia mai ai ka maikai ame ka nani o kona leo; a oiai he ilihune no oia, elike me ka hapanui o na kanaka opio o Hawaii nei; he hana kupono loa na kakou, na na Hawaii, a na ka poe o Hawaii nei, me ka mana ole ma ka lahui, e oinou aku ai iaia imua, ma o na kokua pili dala la, ahiki i kona papahi ana i ka inoa hanohano loa iwaena o na puukani, ke "Caruso o Hawaii nei." Ua haawi aku lakou , i na kokua ana i kekahi mau hana, i koiia mai ai ka kakou mau kokua. o ia mau hana nae, us kaokao aue ia mai keia mai, no ka mea o keia kiki Hawaii auanei hookauia aue ai o Hawaii uuku ma ka helu kiekie loa, ma ia no uku pono ia mai ai kakou , a oi aku imua, o ka mea hiki e kuaiia me ke dala, o ia no ka hookaulanaia o ko kakou aina me keia lahui. He ekolu no mau ahamele i hookaawaleia, i manawa no ka lehulehu e lohe ai i kona leo himeni, nolaila aole he wa na lakou e hoopiha ai i ka Halekeaka Liberty, a e haawi aku hoi na kokua, no ka hoolana ana i ka manao o keia opio Hawaii, o ka holomua o kana misiona huli, i na makaukau ma kana alena i haawiia mai iaia, ma o kona leo la. No ka maumaua o na hana powa a na koa i ike mau ia maluna o na kiakaa otomobile o keia kulanakauhale o na manawa ae nei i hala, pela me kela pule aku nei; e loaa na haawina a‘o maikai loa i na kiakaa; e malama lakou i na pu panapana, i na wa apau, a in a no ka oi o ka palekana, alaila mai ae aku i na koa e kau mai maluna o na kaa, i ka wa poeleele; o halawai no auanei me ka poino. E lawe i na kulana makaala apau, in a no ia he mea e konoia aku ai kekahi kiakaa okoa aku a mau kokua e ae paha, no ka hele pu ana.

 

He Mea Hookahaha Maoli i ka Manao

Maiwaena mai o na haumana o ke Kula Kiekie o Hawaii, hookuuia i keia makahiki ka elua hoi o na manawa, o ka puka pono ana mai o na haumana mai kela kula mai, he ekolu wale no mau keiki Hawaii; o ka nui he poe keiki Pake, Kepani ame Haole; he mea keia e hookahahaia ai o ko kakou manao, no ka haule ino o na Hawaii, ma ka huli ana i ka naauao ame ka ike. Ua pomaikai maoli kakou ma Hawaii nei, i ke ku ana he kula kiekie maanei, elike me na kula kiekie ma Amerika, ma ka hooemiia mai o na hoolilo, o ka hoouna ana i na keiki no kela mau kula kiekie; nolaila o kakou na Hawaii, ka i hoopomaikai loa ia, no ka laweia mai o ka ike ame ka naauao a koko ke imua o ko kakou alo; o ka mea apiki nae, he keu aku kakou a ka poe haule hope loa, ma ka ike ana i keia pomaikao; o na Pake na Kepani ame na Haole, ke hoouna nei i ka lakou mau keiki iloko o ke kula kiekie o Hawaii, me kela manaoio, aia a hookuuia mai kela kula mai, me na degere hoohanohano no ka lakou mau hana akeakamai i hooikaika ai, alaila e hiki pono auanei ia lakou ke lawelawe aku i na hana no lakou e pono ai, me ka holomua, aole me ke kulana hookuanui o ke ola ana. Aole kakou na Hawaii i nele i na kaikimahine opio ame na keiki opio, e hele nei ma na kula elike me Kamehameha, Sana Lui ame Punahou; o ka pilikia wale no, i ka manawa e hookuu pono ia mai ai kela poe keiki, mai keia mau kula mai, o ka pau iho la no e huli i na hana, oiai nae, o ka hana pono a lakou e hana ai, o ia no ke komo hou ana aku iloko o ke Kula Kiekie o Hawaii; maloko o kela kula,, e a'oia mai ai ma ka hana ike a pili akeakamai, a ke keiki e koho ai. O ke koikoi nui loa ma ka hoomau ana aku o na keiki a kakou i ka huli ana i ka naauao, ma ka manaoio o keia pepa, aia no ia ma ka aoao o na makua, i ko lakou ku ole aku mahope o ke kua o ka lakou mau keiki, a haawi aku i na kokua ana elike me ka hiki, no ka hoopau pono ana ae o na keiki, i ka huli ana i na ike kiekie, i kokoke imua o ke alo. Aole makou e hoole ana, aia kekahi pilikia ma ka aoao o na keiki, o ia ka paupauaho koke i ka huli ana i ka naauao ame ka ike, me he mea la nae, ua emi iho na ahewa ana maluna o lakou, no ke kulana e ikeia nei i keia manawa, mamua o na ahewa e hookauia aku maluna o na makua. Pehea, e ae aku anei kakou, i ko kakou kulana emi hope, o ke ano aku ia o ka nee ana o keia lahui kanaka? E ku wale aku anei kakou, a nana i na keiki o na lahui e ae, e holomoku ana i ka imi naauao ana, me ko kakou hooikaikia ole i ka kakou poe keiki iho, e hoouna ma na kula hoonaauao? I ka nana aku, e lokahi ana kakou ma ka pane ana ae aole o kakou makemake ia kulana; in a pela, e ku iluna me ka malo'elo'e,, a e lilo na makua i poe hooikaika, i ka lakou keiki, e huli nui i ka naauao; a e lilo no hoi na keiki i poe makemake, me ka iini ia mea he naauao, ka mea i oleloia, ka makua o keia mua aku.

 

Ke Kulana Kalaiaina o Keia Mau La

Ke hookokoke loa mai nei ka manawa, no ke koho baloka waemoho, no na hoa o ko kakou ahaolelo kulono, a no ka elele lahui i Wakinekona. Ma kekahi olelo ana ae, eia ka ipuhao kalaiaina, ke paila nei i keia mau la, e komo hou aku ai kakou, i na paio hahana ana. Ma keia po ke koho baloka, o na lunanui o na kalapu Repubalika, ame na hoa o ka ahaelele hana kahuahana; ma na mahele koho, i ikeia ai ke kulana paonioni; o ka poe e kohoia ae ana a puka i mau lunanui no na kalapu, e kaa aku ana ke koikoi, o ka hookele ana o na paio kalaiaina iloko o ko lakou mau lima, nolaila i manao na Repubalika e aha'i hou i ka lanakila, o ke alahele wale no e hoea aku ai ia hopena, e hoonoho aku i poe kupono a pololei o ka lakou mau hana, i mau lunanui, e kapae aku i ka poe ikeia ka lakou mau hana o ka wa ae nei i hala, na lakou i hookomo aku i na manao hoowahawaha iloko o na mana koho. Ke ike e ia aku nei no ka oolo-ku iloko o ka aoao Demokarata, ma o ke komite kuwaena la, ma o ka waiho ana aku o Mr. Geo. Kekoa Ah Nee, i ka noho kakauolelo ana, no ke komite, pela hoi ka Hope Makai Nui Asch, ma ke anao he lala no ke komite;  aole keia malalo o na kumu e ae, ma ka nana aku, aka no na hoailona maopopo no ia e kau mai ana imua o ke alo, no ke ku kou ae o L. L. McCandless imua, he he mea paahae no kela aoao kalaiaina pela maoli ka mea oiaio, aia wale no a noho aku o Mr. McCandless ihope loa, alaila ike aku kakou i ka aoao Demokarata, ma ke kulana oni imua, aka i mau no kona alualu ana i ke kulana elele lahui, alaila ua hoakaka mua mai ka Palapala Hemolelo i ka hopena penei "O ka ohana i mokuahana iaia iho, aole ia e mau."

 

OHOHIAIA NA HANA HOIKE-IKE MA AALA PAKA

Mai ka weheia ana o na ipuka ma ke kahua hoikeike fea a na ahahui malu Na Keiki o na Ululaau ma Aala Paka, ma ke ahiahi o ka Poaono o ka pule aku la i hala, ahiki i keia wa, e ike mau ia ana na kaoo kanaka i ka momoku no ia kahua, he mau kahoaka, e hoike mai ana no ka nui hialaaiia o na hoikeike e wehe mau ia nei malaila. Eia malaila kekahi haole nona ka inoa o Jansen( ka mea i kapaia "Jansen ka Hookalakupua," a ma na mea i hoikeia mai e ka poe i ikemaka i kana mau hana, he aiwa-iwa maoli no, e @ ai ke dala ke naue malaila e ikemaka ai noo iho. Ma ke ku ana mai nei o ka mokuahi Maui, i hoea mai ai kekahi bea nui, no ka hakoko ana me ka poe apau i makemake e hakoko me ia, a in a o ia e hina ana, e loaa no kekahi makana ia mea. O kekahi wahi piha mau ia ma kela hoikeike, o ia no kahi o na le'ale'a kaulio. E piha mau ia ana kela wahi no ka ike ana i na laeula ma ia hana ame kahi ukulii o umikumamakahi makahiki o ka hoea ana mai nei ianei, a o keia wahi ukulii he hookalakupua maoli no kana mau hana. He nui na hanakeaka hoopahaohao o ka hoea ana mai nei, a eia ke hoikeikeia nei ma kela fea i keia mau po, a no na uku komo uuku loa i like ole me ko na wa ae nei i hala.

 

UA PALUA KA NUI O KA HANAU MAMUA O NA MAKE.

No na hanau i hoikeia ae i ka buro hoopaa papahelu o na mare, hanau ame make o ka papa ola teritore no ka apana o Honolulu no ka mahina o Mei i hala iho la, ua palua a oi aku ka nui o na hanau mamua o na make iloko o ia mahina i ko ka makahiki i hala. O ka huina nui o na hanau i hoikeia ae he 359, a no na make he 154. He 10 mau keiki akahi no a hanau i hoikeia ae no ia mahina. O Ka huina o na mare no ka apana o Honolulu no ka mahine o Mei he 123. Nui keia mau paamare, pehea ana la ka loihi e noho pu ai ke kane me ka wahine a hookomo ia ae he hoopii okimare. No na make i hoikeia ae no ka mahina o Mei ma na lahui elike ia me malalo nei: Na Hawaii piha komo pu me na hapa-Hawaii, he 50; na Kepani he 43; na Pake he 20; na Amerika, he 15; na Pukiki he 11; Pilipino, 6; Paniolo, 3; Korea, 2, Pelekane, 1; Kilibati, 1; Poto Riko, 1; Lahui Suedeua, 1; Huina 154. No na kahunapule na lakou i awaiaulu i na paamare ua kaa ia Rev. K. Miyao ka helu ekahi, he 17 ka nui o kana mau paamare o ka hipuu ana, elike me ka hoike i komo ae i ka Papa Ola; i ka Rev. V. Classen ka helu elua, he 13 a ia S. K. Kamaiopili i ka helu ekolu, haule o Kamaiopili i ka helu ekolu i keia mahina o Mei oiai nae oia ke kahunapule helu ekahi o ka nui o na paamare i na mahina mua aku i hala. No na kahunapule A. W. Palmer ame Phillip Blom ua like a like ka nui o ka laua mau paamare o ka hipuu ana he 8 pakahi, malalo aku ka hapanui o na kahunapule.

 

Nuhou Kuloko

Ma ka moolelo o ke kula o sana Lui, o ke kiekie loa o kekahi papa, ma ka nui o na haumana i puka mai kela kula mai, o ia no ka papa o keia makahiki. Ua hele no na palapala a na makamaka o ka hoouna ana mai no keia keena a kupa'i, e hoomanawanui mai no, a loaa kahi kaawale o ka pepa, alaila hoopukaia aku. Maloko o ka Iuakini o Kawaiahao ke anaina haipule hoomanao no ka la o Kamehameha, ma keia Sabati iho, ua makemakeia na ahahui Hawaii, e akoakoa ae ma ia anaina hoomanao. E wehe hou ae ana na opio o ka ekalesia Hawaii o Ewa, he ahamele me tabalo, maloko o ka Hale Kiionioini Pearl City, Manana, ma ka hapalua o ka hora ehiku o ka po o ka la apopo, Iune 9, 1922. Piha mau o Aala Paka i keia mau po i ka poe makaikai, i na hana hoikeike ame hoohauoli a na Keiki o na Ululaau. e pau ana kela mau hana, ma ke aumoe, o ka po o keia Poakahi ae, Iune 12. Ua makemakeia na lala apau o ka Ahahui Kaahumanu e hele ae i ka pule ma Kawaiahao i keia :apule iho, Iune 11, 1922. E akoakoa ae na mea apau maloko o ka pa o ka luakini, ma ka hore 10 a. m. Ke hawi aku nei o Mrs. Ho-a Inaina, i kona hoomaikai palena ole i ka peresidena ame na lala o ka Ahahui Kalama, no ka lakou makana i haawi ae ai iaia, o kana leo kalokalo na ke Akua e hoomaikai mai ia lakou apau. Ua makemakeia na lala apau o ka Hui Kokua a Hookuonoono o na Oiwi Hawaii e hele ae i Kawaiahao ma ka hora 9 ponoi o ke kakahiaka Sabati, Iune 11, a e hele pu ae hoi ma ke kai huakai ma ke kakahiaka o ka Poakahi, ka la o Kamehameha, Iune 12. E malamaia ana he halawai e ka ahahui pa ilina o Kalaepohaku ma kahi o Dan Maunakea ma ka hora 2 p.m., o keia Sabati iho, Iune 11, a ua makamakeia na lala apau o ia ahahui e akoakoa e no ka noonoo ana i kekahi kumuhana ano nui e pili ana i ka pono o ia pa ilina. Ma ka huli hoi ana mai a ka Lunakanawai Robertson, ma ka Poalua iho nei, mahope o ka hoohala ana i kekahi mau pule ma Amerika, i hoike ae ai oia, aia wale no ka manaolana no ka bila hoopae limahana iloko o ka aha senate, aole iloko o ka hale o na lunamakaainana. Mahope o ka hoohala ana i ke kahi manawa ma Nu Ioka, no ke a'o ana i ka ike himeni, ame ka pakaia ana mai o kona leo, i huli hoi mai ai o Mrs. A. G. M. Robertson ma ka Maui o ka Poalua nei, a ua hoohauoli loa ia oia i ka hehi hou ana o kona mau wawae i ka lepo o Hawaii. He kaa otomobile nui ka i loaa aku ua haule i ka pali, mawaho ae nei o Daimana Hila, ma ke kakahiaka o ka Poalua i hala aku la, me ka pau i ka nahaha He kaa kela o ka aihueia ana ma Aala Paka ae nei, a ua koho wale ia, ua manao maoli no ka poe aihue, e hoopoino i kela kaa. E alawa ae e na lala o ka Ahahui Kokua ame Manawalea o na Poola, i ka hoolaha e puka aku nei ma kekahi wahi o keia pepa, no ke kauoha a ka ahahui e hele na lala i ka pule ma Kawaiahao ma ke kakahiaka o keia Sabati, no ke komo pu ana aku iloko o ke anaina haipule hoomanao, no ka Na'i Aupuni Kamehameha I, a no ke komo pu ana ma ke ka'ihuaka'i ma ka Poakahi ae. Ua makemakeia na lala apau o ka Ahahui Kamehameha e akoakoa ae ma ko lakou hale halawai mamua ae o k ahora eiwa o ke kakahiaka o keia Sabati iho no ka hoomakaukau ana no ke ka'i ana aku no ka Luakini o Kawaiahao, a ma ka Poakahi ae, ma ia hora hookahi no, ua makemakeia lakou e akoakoa hou ae no ma ia wahi no ke ka'i ana aku no Aala Paka no ke komo pu ana aku ma na hana ka'ihuaka'i o ia la no ka hoomanao ana i ka la hanau o ka Na'i Aupuni, ka Moi Kamehameha.

 

            DECAUTUR Neb., Iune 2. --Ua powaia ka banako Decautur i keia la a holo aku na powa me $30,000. Ua hahaiia aku na powa e na makaainana, elua o lakou i hoehaia a paa pio no hoi ka puali holookoa o ka poe powa.

 

Nuhou Kuwaho

           

            MEXIA, Texas, Iune 2--Hookahi kanaka ili keokeo i hoikeia mai ua pepehiia a make a he ekolu mau haole e aku i hoehaia e na Paele ma kekahi aina hanai holoholona a mahiai ma kahi kokoke i Kirvin, Texas. He kanaka hana no ke kelepona ma Kirvin ka i olelo ae he 75 mau Paele i komo aku maloko o ia aina mahiai a ku-e aku i na haole ili keokeo, na haole i kelepona ai i Corsicana i mau poka. Eha mau Paele i liia iluna o ke kumulaau ma kahi kokoke i Kirvin. Ua hoohuoiia o lakou pu kekahi i komo pu ma ka pepehi ana a make i kekahi wahine.

 

            LADANA, Iune 2. --Ua hooponoponoia e ke aupuni ka uku ana aku i 25,000,000 paona dala Pelekane ka ukupanee maluna o ka aie a Pelekane i aie ai ia Amerika ma ke kau haulelau i hala, ua hoikeia ae ia mea i keia la. I kulike me na buke heluwaiwai o ke keena puuku o ke aupuni, ua aie o Pelekane ia Amerika ma ka la 1 o Aperila $4,166,318,358 ma ke kumupaa,  a ma ka ukupanee $500, 137,742. Ua hookaaia e Pelekane no ka ukupanee ka huina o $247,844,685.

 

            HILO, Iune, 2.--He meha wale no ma ka po aku la i hala ma na wahi apau e hoopuni ana i ka Luapele. O ka a ana ame ke kahe ana a ka pele ma kekahi manawa i hala koke aku nei i ka nana aku me he mea ia ua pio loa, eia nae he lehulehu no o na kanaka e makaikai nei i ka luaopele no ka nana ana i ka hopena o ka hana a ka pele maloko o Halemaumau. He koa ka i ka peke a haule i ka pali ma Uwekahuna ma keia auwina la, a ua nui ka eha i loaa iaia. O ke kumu o kona haule ana no ka haki ana o ka pohaku kahi ana o ke ku ana ma k ekae o ka pali.

 

            WAKINEKONA, Iune 5.--He pualikoa uuku o na koa AMerika ke hookoeia aku ana maloko o Coblenz, Kelemania, mahope aku o ka la 1 o Iune, ka la i hookaawale ia no ka haalele ana aku o na koa Amerika ia Coblenz,o ia ka mea i hoikeia ae i keia la i ke keena kaua, mamuli o na noi mai Kelemania mai a mai na aupuni huiia e ae kekahi. O ka Mekia Kenerala Henry Allen ame elua mau bataliona o ka puali helewawae 8 ke noho ana, eia nāe, o ka loihi o ia manawa o lakou e noho aku ai aole i hooholoia.

 

$1400 O PHIIA E NA LALA O KE KE‘A ULAULA

 

I kulike me ka lono i hoikeia ae mai ke keena kikowaena ae o ka ahahui Ke‘a Ulaula, aia ka mawaena o ka $1200 ame ka $1400 i ohiia e na lala o ia ahahui mai na lala mai ma ka Poaono i hala aku la. Aole i pau loa na hoike a na lala i ka hoihoiia ae, o na lala i koe o ka ahahui i hookaa ole ae i ko lakou auhau makahiki hookahi dala ma keia pule iho la e hookaa ae ai.

 

NA MARE

 

James Maunahea ia Helen Kalawe, Mei 13. Geo. P Rosario ia Helen Allen, Mei 22. Sam Leong Lum ia Millie Kaaihue, Mei 29. Peter Kelein ia Esther Pouli, Iune 3. John G. Fallan ia EMily Mehan, Iune 3.

 

NA HANAU

 

Na Benju: Kaleiopu âme Hattie Aukai, he kaikamahine, Mei 18. Na Kealoha Oba and Elsie Akana, he kaikamahine, Mei 19. Na John Kawai ame Cecilia Kelekolio, he kaikamahine, Mei 22. Na A. O. Kealohapauole ame Annie Guerrero, he kaikamahine, Iune 1. Na Fred McVarthy ame Louise Crowell, he keikikane, Iune 1. Na Roy MeCune ame Elizabeth Kaapuiki, he keikikane, Iune 4. Na Eli Akana ame Lucy Manae, he keikikane.

 

NA MAKE

 

Lahapa Alapaki Lasua, ma ke Alanui Moe, Mei 30. ANna Kawelo, ma ke alanui Kamehameha IV, Mei 30. Mary Lono Kalai, ma ke Alanui Pauoa, Mei 31. He bebe na Neyler, ma ke alanu‘ Matlock, Iune 1. Mary Apam ma ke alanui Auwai olimu, Iune 2. Joseph B Kaili, ma ke alanui Auld, Iune 2. Edna Lum Pok, ma ke alanui Vineyard, Iune 3. Hannah Kaleiopu, ma ka Halema‘i Kepani, Iune 4. J. K. Laemoa, ma ka Halema‘i Moiwahine, Iune. 4.

 

UA HALA O AKIOKA

MR, AKIOKA (PAKE)

 

Mr. Luna hooponopono o ka Nupepa Kuokoa, Aloha kaua:--E oluolu mai i kekahi kowa kaawale o kou nupepa, no ka makou mea aloha he makua ua haalele mai ia makou kana mau keiki ame kana wahine, ua niau palanehe aku la ma kela aoao mau o na mea apau. Ua loaa oia i ka ma‘i pehu, ua kiiia na kauka aka, aole oia i oluolu mai a hala aku la. Ua hanauia ko makou papa ma ka aina pua o Kina, i ka la 30 o Novemapa M. H. 1851, a haalele mai la ia makou i ka la 18 o Mei, M. H. 1922, ua puha iain na makahiki he 71 a oi. Ua haalele aku oia ia Kina i ka 29 o kona mau makahiki. Ua hiki mai oia i Hawaii nei, i ka elua huakai o ka hoopae limahana Pake. Ua hiki mai oia i Waipio nei, a noho hana aku malalo o Ah Hapa & Co., no kekahi mau makahiki, a mamuli o ke koloheia ana e kona mau haku hana, ua lilo oia i kana ka ilihune. Ma ia loaa ana o ia haawina poino iaia, ua kuko ikaika ae kona manao e panai aku i ka ino no ka ino. Nolaila; ua ui aku oia i kekahi o kona mau hoa lahui i mau kokua, o ka mea nae i loaa mai iaia hele pela. Aole oia i haawipio. Ua hele hou aku oia imua o L. Akaka, ka mea e paa ana i ka hooli. Lima o Waipio nei, mai ka Bishop Estate mai, e noi ana i kana mau kokua. Ua ae mai o L. Akaka,  penei nae e lawe o Akioka i na mea apau ana e makemake aim a i ka wa w loan ai kana dala, e hookaa polilei aku oia i kona aie. Ua hookumu aku oia i knoa ala nuihele ma ka mahi ana k kekahi apana aina, i ikeia nia ka inoa Manuhi, e hana ana me ka @ manawanui i kela ame keia ahiki i ke oo ana o kana kalo. He wahi hoku hookahi kona e lawe ana i kana mau pa‘iai i Ke kuihaele, a hala loa aku i Waimea, me kona puu ana ma ka @, No kekahi mau makahiki oia i @ manawanui ai me ia ano,ua loaa iaia ka holomua. Ma ia lona ana iaia o ka holomua, ua kuai hou @ oia i mau hoki ame lio, a ua loaa pu mai la na kanaka hana. O ka panina hope anai han @ ua hoopaipai aku oia i ka hui ana i noho ai, a i puehu ai kana mau hala a ua poho ka hui. Ma ke kulana ku‘i me ka pohaku kana i hookumu mua ai i kana hana a ka mikini e hookaaia ana e ka wai o Hiilawe, a ma keia makahiki iho la he kakaiian kana o 12 lio iaika huki, e wili ana ia 200 @ iloko o 1 hora me hapa. Ehoolawa ana ola ia Hawaii @ kina ma kekahi mau wahi a e @ maona ana oia ia Hawaii Komohana ma kekahi mau wahi. No ka hoopau ana ae i keia ke haawi aku nei makou i na makamaka ame na hoaloha i ko makou aloha nui, i ko lakou hui pu ana mai me makou i ko makou hora o ka ehaeha, ame ka hele pu ana me makou ma kana huakahi hope loa. O makou iho no o ka ohana MRS. A. AKIOKA, MR. & MRS. E. AKIOKA, M. .E AH KAM, MISS NORA MUN, Waipio, Hawaii, Iune, 1922. Ma ka Poakahi ae nei, ka la 12 o Iune, e malamaia ai na hana hoomanao i ka la hanau o ka Na‘i Aupuni Kamehameha I. E ka ‘ihuaka‘i ana na ahahui Hawaii mailale mai o Aala Paka, noloko o ke kahua o ka pa‘lii, ma ke kakahiaka o kela la.

 

THE HAWAIIAN CARUSO

Tandy Mackenzie

EKOLU MANAWA E HIMENI AI MA KA

HALEKEAKA LIBERTY

IUNE 9 AME 13 MA KA HORA 8:15 P. M.

IUNE 10, MA KE AO, HORA 2:30 P.M.

UKUKOMO $1.00, $2.00, $3.00.

 

NEW PALAMA THEATER

Sabati, Iune 11.--Bert Lytell ilk o "A Trip to Paradise"; Final Chapter of "The Flaming Disk."

Poakahi, Iune 12---Thomas Meighan iloko o "APrince There Was"; "A Woman's Wish."

Poalua, Iune 13.--"Just Around the COrner"; " the Lamplighter"' "King of the Circus No. 15."

Poaha, Iune 15.--Alice Brady iloko o "Hush Money"; "Fantoman No. 8."

Poalima, Iune 16.--Hoot Gibson iloko o "Sure Fire"; Buster Keaton iloko o "Neighbors."; Mutt and Jeff.

Poaono, Iune 17.--Tom Mix ilk o "The Big Town Round Up"; Art Acord ilk o "The White Horseman No. 8."

Hoikeike ao: 5, 10, 20 Keneka; Po. 10, 15,20, 30 Keneka.

 

LIBERTY THEATER

Sabati, Poakahi, Poalua, Poakolu, Iune 11, 12, 13, 14.

Betty Blythe, Lloyd Hughes, Joseph Kilgour ame Claire MeDowell iloko o "Mother o' Mine." "Seashore Shapes." Pathe News Weekly.

Poaha, Poalima, Paono, Iune 15, 16,17.

Marion Davies ilk o "The Bride's Play"; "A False Alarm." Pathe News Weekly.

Ukukomo: 25, 40 Keneka; Noho i hookaawaleia, 60c.

 

EMPIRE THEATER

Sabati, Poakahi, Poalua, Iune 11,12,13.

Clara Kimball Young ilk o "The Yellow Passport."

Eddie Polo ilk o "King of the Circus." Fox News Weekly.

Poakolu, Poaha, Poalima, Poaono, Iune 14, 15, 16, 17.

Eileen Perey ilk o "Maud of the West."

Art Acord in the last chapter of "The White Horseman."

Ukukomo: 15, 25, 40 Keneka; Ukula ka auhau kaua.

 

STRAND THEATER

Sabati, Poakahi, Iune 11, 12.

Frank Mayo ilk o "Doctor Jim." 2 reels Western Comedy. "Old Dynamite."

Poalua, Poakolu , Iune 13, 14.

Constance Binney in "First Love."

Eileen Sedgwick iloko o "The Diamond Queen No. 11."

Poaha, Poalima, Poaono, Iune 15, 16, 17.

Dorthy Dalton iloko o "Fool's  Paradise."

"Fantomas No. 11." "Mutt and Jeff."

Ukukomo: 15, 25, 40 Keneka; ukuia ka auhau kaua.