Ka Nupepa Kuokoa, Volume LXI, Number 23, 8 June 1922 — Paa i ka Hopuia No Ke Ku-e i Na Luna Oihana Kailiiia ka Omole Rama Mai ka Makai Aku e Kekahi Mau Haole Koa Luina HOPU PU IA KA MEA NONA MAI KA RAMA Nui ka Poe Maloko o ka Hale i ka wa i Komo ai na Makai e Kuai Rama [ARTICLE]

Paa i ka Hopuia No Ke Ku-e i Na Luna Oihana

Kailiiia ka Omole Rama Mai ka Makai Aku e Kekahi Mau Haole Koa Luina

HOPU PU IA KA MEA NONA MAI KA RAMA

Nui ka Poe Maloko o ka Hale i ka wa i Komo ai na Makai e Kuai Rama

Ma ka po o ka Poakahi nei elua mau luina, no laua na inoa o ka hoike ana ae o Hqnry W. Flynn ame E. Dougherty, i paa ae i ka hopuia a noho ana i ka halewai, a e ole ko laua bela ana ae i ka huina o $500 pakahi pela i hookuuia aku ai laua.' O ko laua hewa 0 ka hopuia ana a hookomoia ae he hoopii no laua o ia ko laua komo ana mai e akeakea i ka hana a ka makai ma ka manawa e hooko ana i kana hana. He hoopii keia 1 ulu ae mamuli o ka hoao ana e kaili mai i kekahi omole okolehao mai ka lima mai o ka makaikiu Apana i ka manawa ana ame ka makaikiu Henry K\ialii e kakali ana o ka mai o ke kaa makai mahope iho o ko laua komo ana iloko o kekahi hale ma kahi kokoko i ka Honolulu Iron Works, a maloko o ia hale i loaa aku ai kekahi omole okolehao, a ma ka m'oolelo he umikumamalua poe e ae maloko o ka hale mawaho ae o ka ona hale, he poe luina wale no, ma ka manawa o ka hopuia ana o ka ona hale. Ma ka oleloia o Mrs. Rose Kukahiko ka ona o ia hale,* a ija hoopiiia ae oia no ke ku-e i ke kanawai hookapu waiona, a mamuli o kona belaia ana ae e Arthur M. Brown ,kona loio $500 i hookuuia ae ai oia no kona hoea ana ae mamua 0 ka aha ma ka manawa e noho ai ka aha e hoolohe ia hihia. Ma ka Poaono o ka pule aku la 1 hala ka loaa ana ae o kekahi hoopii i ka Maleaikiu McDuffie no ke kuai okolehao ame ka piha mau 0 kela hale o Mrs. Kukahiko 1 ka poe ona. Na kekahi kanaka o ka oihana kaua i hookuuia mai ka hana mai i hoike ae i ka makaikiu no ka lilo ana o $300 mai kona pakeke aku maloko o kela hale, no kekahi mau manawa ka mamua aku o kona kipa mau ana ae ia hale e kamau wahi leiaha okolehao ai, a iaia i lilo ai i ka moe no ka ona ua manao oia ua laweia kana mau dala mai kona poli aku ia manawa.

No keia kumu i hoounaia ae ai na makaikiu Apana, Kualii ame Antonio Louis no ka hele ana ae e komo a' e hopu i ka mea a mau mea ku-e kanawai maloko o kela hale, a ua paa io ka mea ku-e kanawai ma ia hele ana ae a lakou. Me kekahi dala i hoailonaia, wahi o ka hoike a na makaikiu, i holopono ai ka lakou kuai ana i kekahi omole okolehao, a i ka manawa a ka makaikiu Antonio Louis e kelepona ae ana i ka halewai no ke kaa makai a e paa ana hoi ka makaikiu Apana i ka omole okolehao, ka hoike ma ka aoao o ke aupuni i manaoia no ka lawe ana ae imua o ka aha, ka hoike oiaio no ia hana ku-e kanawai a ka ona nona ka hale, 0 ia ka manawa i lele mai ai na luina i hoikeia ae nei na inoa maluna e aumeume me Apana no ka omole okolehao ahiki i ka lilo ana aku ia laua a pau i ka wawahiia. O Flynn, kekahi o na luina ka 1 lele mua mai e aumeume me ka makaikiu Apana no ka omole okolehao me ka hooikaika mau o Apana e hoopakele a no ka lele ana mai o Flynn e paa i ka umauma o ka makaikiu Apana o ia ka manawa o kekahi o na luina i hopu mai ai i ka omole a wawahiia. No kekahi mau luina e ae ka he umi aohe lakou i komo pu mai me na luina e aumeume ana me ka makaikiu Apana, ku wale mai no ka lakou e nana, a i ka ike ana o na luina ua nahaha ka omole ua pau no hoi ko laua hana hou ana mai i kekahi hana hoopilikia ia manawa, a he mau minuke ma ia hope iho hoea aku ana ke kaa makai, o ka ona hale Mrs. Kukahiko ame na luina i hoao mai ai e akeakea i ka hana a na makai ua laweia ae a ka halewai,.a»malaila i hookuuia aku ai mahope o ka bela ana ae.