Ka Nupepa Kuokoa, Volume LXI, Number 23, 8 June 1922 — PIHOLO HE KEPANI MA KOKO HEAD A MAKE. [ARTICLE]

PIHOLO HE KEPANI MA KOKO HEAD A MAKE.

Ma kekahi la o ka pule aku la i hala aku la he Kepani lawe hana aelike, o T. Kurashita ka inoa, no Kamoiliili, a oia pu hoi kekahi iwaena o kekahi mau Kepani lawai'a o elima ko lakou nui, i laweia aku e ke kai mai na laeaa aku o Koko Head a piholo a make. Ua huliia kona kino aohe nae i loaa. O ke kolu iho la keia o na Kepani i make ma kela wahi. Ma ka Poaono o ka pule aku la i hala keia halawai ana me ka make.