Ka Nupepa Kuokoa, Volume LXI, Number 23, 8 June 1922 — E HOOLOLIIA AKU ANA KA MAUNA KEA NO MAUI. [ARTICLE]

E HOOLOLIIA AKU ANA KA MAUNA KEA NO MAUI.

Ma ka halawai a ka papa komisina o na awapae o ka noho ana ma ka Poalima o ka pule aku la i hala, ma ia halawai i hoikeia ae ai kekahi manao e hoololiia aku ana ka holo ana o ka mokuahi Mauna Kea ma keia kupulau ae i ka manawa e hoea mai ai o ka mokuahi nui hou o ka liookahi miliona dala ka hoolilo, e holo aku ana ka Mauna Kea mawaena o Honolulu ame Maui a o ka mokuahi hou e hiki mai ana ke holo aku ana mawaena o Honolulu ame Hilo. Oiai ka uwapo o Kahului ke hanaia mai la no i nei manawa e hookaawaleia ana kekahi wahi no na mokuahi lawe ukana nui mai Kapalakiko mai e pili mai ai ma ia uwapo a e hookaawaleia ana kekahi wahi o ia uwapo no ka Mauna Kea e pili mau aku ai, i hiki ai i ka Mauna Kea ke hoolele a ke hooili mai i kana mau ukana.