Ka Nupepa Kuokoa, Volume LXI, Number 23, 8 June 1922 — NA HANA HOOMANAO KAUPUA MA KA PAILINA O PUUOMAO. [ARTICLE]

NA HANA HOOMANAO KAUPUA MA KA PAILINA O PUUOMAO.

(Kakauia e J. K. Mokumaia) Kuu Solomon Hanohano: —E oluolu mai no kou ahonui 1 keia poomanao e kau ae la maluna, i ike mai ai na kupa ame ka poe i kuleana i ka pailina i haiia ae la maluna, a o ka makamua no hoi o na hana i lawelaweia ai ma kela, wahi, a i lilo hoi i mea e hoomanao mau ia aku ai ma keia mua aku, i na hanauna hou e pii ae nei. I ka o ana mai o na kukuna o ka la ia kakahiaka, ua hoike mai na paia lani i ka malie ame ke ko ana mai o kahi aheahe makani mai ke kai mai, e lawe mai ana i na ea kai ame ke ala o ka limu, oiai aia keia pailina i kahi kiekie loa, e ahuwale ai na wahi apau. Oiai kou meakakau nei e hoomakaukau ana i na mea e pono ai ia la poina ole, a na aupuni nui o ka lionua o lioomanao ana i ka poe i haalele maij. keia ola ana, aia pu no hoi ka poe ilihune e hoomanao pu ana no hookahi no, o, ia ke aloha ana i ka poe i hala aku; a i ke kani ana ae o ka manamana kuhikuhi i ka hora umi a. m., i akoakoa ae ai na makua ame na keiki ma kahi e ku ana o ka pou hae, oiai o na hana ano nui i hoomakaukauia, o ia no ka hukiia ana

0 ka hao i lilo lioi ia i mea e ku mau ai i mca hoomanao na keia hanauna e pii ae nei; oiai na keiki kula e alakaiia ana e Mrs. J. K. Mokumaia, a e hoopuni ana i ka pou hae, a i ka hukiia ana o ka hae i kau ae ai ka lima c na keiki ma ka aoao akau ma ke kauoha a Mrs. Mokumaia, a i ke kau pono ana i ka palena pau o ka pou i puana like ae ai na keiki i ka rula maamau no ia mea. He hae nou makou a mau, ame na himeni ame ka leo pule mai ka makua maikai mai Kaaiakamanu ame ka himeni hou ana, i emi iho ai ka hao i ka hapalua like, a kau malie iho la ia, e welo haaheo ana 1 ka makani ame na kaulima hiou aua ma ka akau, i hoi aku ai ke anaina i ke kahua i hoomakai}kauia ai, a noho iho la maluna o na noho i hoomakaukauia ai. Oiai na mea apau e hookupono ana ia lakou iho, i lawe ae ai kou meakakau nei, i ka noho lunahoomalu ana, no ka mea aia no maluna o'u ka hana nui, ua piha no hoi ke kahua ke nana,mai ma ka'u nana mai o na malihini ka nui, a o ka poe no lakou ke kuleana i manaoia ai, aole he nui, aka o na opio ka nui ma ka'u nana mai, a o na malihini ano nui i hiki ao i manaoia, i mau olelo paipai kupono no ia la oia no ka makua maikai Kaaiakamanu, "Mr. Holi, Mr. A. K. Ar* nold, ame Mr. Chaa Lake. 0 lakou na haiolelo nui o ka la

ame ke ano i hiki mai ia. . Mamua o ko'u hoonee ana aku i na hana imua i heluhelu aku ai au i ka mea i hanaia ai no no ka pa ilina i oleloia, ame ka mea e pili ana i ka apana aina hou, elike me ka mea e ikeia nei, oiai o ka mau loa keia o ka lawelaweia ana o keia hana ma keia kahua, a he mea pono e lilo ia i mea e hoomanaoia ai. (Aole. i pau)

Ma ka Poakolu o keia pule ae, lune 14, e .malama ae ana ka Ahahui Kaahumanu i ka halawai makahiki ma Kaw>;-- -ao, e hoomaka ana ma ka hora ekolu o ka auwina la, no ke koho ana i na lunanui hou no ka ahahui, ma ia a. Ua makemakeia na lala apau o ka ahahui e hooa ao ma ia hnlawai.