Ka Nupepa Kuokoa, Volume LXI, Number 23, 8 June 1922 — PO LEA O HALALII MA KANEOHE MA KA HULI KOOLAU. [ARTICLE]

PO LEA O HALALII MA KANEOHE MA KA HULI KOOLAU.

E weheia ana he ahamele mahina piha, maloko o ka hala halawai o ka Ekaleaia o Kaneohe, i ka po, o ka la apopo lune 9, he ahamele hoi, i komo mai ai na polopeka leomele, ame meakani, mai ke kaona mai. O keia ahamele e weheia ana i ka po o ka la apopo, o na loaa, e loaa mai ana no ka pomaikai no ia o ka ekaleaia, no ka hooponopono ana i kekahi mau hemahema apau, e alu like mai, ma ka hiki kino ana mai, i ka po, o ka la apopo. O keia ahamele e weheia ana, o kek&hi keia o na ahamele i ike ole ia mamua, oiai ehiki kino niai ana na loea meakaai mai ke kaona mai, a o ka oi aku he po mahina piha, e kuia ole ai na wawae a okupe. 0 na meakani o kela po, o ia no ka piano, waiolina, pila kuolo, leo kani pakahi, leo kaai me na pila, ame kekahi mau meakani e ae, e hele mai e lohe nou iho, mai kauka 'i a lohe pepeiao. He oluolu ka auhau, ho 50 keneka wale no, ina aole i loaa kau tikiki, ua hiki no ke loaa ma ka puka, no na opio a kakou he 25 keneka ka auhau, īna ka puka no e ohiia ai. Kou oiaio, JOSEPH CHAS. CORNEY,