Ka Nupepa Kuokoa, Volume LXI, Number 23, 8 June 1922 — NUI NA KEIKI O KE KULA KIEKIE O HAWAII I PUKA. [ARTICLE]

NUI NA KEIKI O KE KULA KIEKIE O HAWAII I PUKA.

No ka elua o ka manawa, i hookuuia mai ai na keiki o ke Kula Kiekie o Hawaii nei a o ka papa i hookuuia i keia makahiki, me na degere, no ka hana akamai, i a'oia, ma kela ame keia hana, ka oi loa aku o ka nui o na haumana; aka he hoomaka wale ana no keia, no na papa, e hookuuia aku ana ma keia mua aku. O ka poe makaikai i hoea aku no ka ike ana i na hana hope o ke kula, ma ka auwina la o ka Poakahi nei, ka nui loa i hoomaopopoia, ma kahi o na haneri, ke hele la, a lawa pono ole i na noho i hoomakaukauia, ua hoike aku ka poe makaikai, i ko lakou mau manao ohohia, ma ka haawi ana i na pa'ipa'i lima, i ka wa e haawiia ae ai ka palapala hoomaikai, i kela ame keia haumana i puka i keia makahiki. He iwakalua, ka nui o na haumana o keia papa i hookuuia i keia makahiki, me ka loaa o na palapala hoomaikai, ame na degere no ka lakou mau hanapike akeakamai i koho ai. Ma ka hora eha o ka auwina la o kela Poalua, oiai ka poe makaikai, o nonoho ana mamua pono mai o ka halekula, malalo o kekahi halepe'a nui, *a oiai hoi ka Bana Hawaii, e hoonanea mai ana i ka lehulehu, me na leo mele, ua kani ae la ka pu o-le kahea, o ka -wa ia i oili mai ai kekahi mau keiki a'o koa o ke kula, me ka. hae o ke Kula Kiekie o Hawaii, ame ka hae Amerika, mailoko mai o kekahi hale okoa aku, a ka'i mai la noluna o ka lanai o ka halekula, a kukulu ae la i na hae a elna, ma na wahi t hookaawaleia no laua.

O keia ka hoomaka ana o ka papakuhikuhi o na hana o kela auwina la, a paani mai la ka bana i ke mele lahui, me ke ku ana o ke anaina iluna, me ke mele p uana inai o ke kalapu himeni o ke kula i kekahi himeni, me ka nui o ka pa'ipa'iia. Mahope o kela himeni, i -paani hou mai ai ka bana, alaila ka'i mai la na kumu o ke kula, iloko o ko lakou aahu oihana, me ke komo pu ana mai o na kahuwaiwai o ke kula, a mahope loa mai na haumana o ka papa e puka ana, me ko lakou

mau aahu loloa, me na papale, o ke kula kiekie. Ua ka'i mai la ka huakai, a nolio ae la na poropeka ame na kumukula ma ko lakou mau wahi i hooma'kaukauia, pela hoi na keiki e puka ana, ma ko lakou mau noho i hookaawaleia. I ka noho hoola'i ana iho o na mea apau, i kalokalo ae ai ka Makua Stephen, o ka ;ioomana Kakolika i kekahi mau huapule i ke Akua, e hoomalu mai i na hana *o kela anaina, a e alakai hoi i na keiki e hemo ana, 'ma na alahele apau e lilo ai lakou i mau makaainana maikai. Mahope o ka pule, i mele ai ke anaina i kekalii himeni, i alakaiia e ke kalapu himeni o ke kula; a i ka pau ana o kela himeni, i hoolauna mai ai ka Peresij3ena Dean ia Kiaaina P. R. Parrington, ma ke ano iaia ka haioie)io ano uui o ka la. Mahope o ka haiolelo a ke kiaaina i paani mai ai ka bana ia Hawaii Ponoi, me ke ku ana o na mea apau iluna, alaila ku mai la ka Peresidena Dean iluna, me ke kahea pakahi ana mai i na inoa o na keiki e puka ana, me ka haawi ana mai i na palapala hoomaikaj, iloko o na pa'ipa'ilima ana a ke anaina. I ka pau ana o kela hana, i haawi mai ai ka Peresidena Dean, lie haiolelo pokole imua o na keiki i puka, e a'o ana ia lakou, e hele aku imua o ke ao nei, a e lawelawe i na hana e kaulana ai lakou, a e kaulana pu ai hoi ko lakou kula, a o ka mea oi loa aku, e hoolilo ia lakou, i mau makaainana maikai. Mahope iho o ke ku ana o ke anaina iluna, a mele i ka himeni 0 ke kula, ua lulumi aku ka lehulehu, e haawi i na lululima, o ka hoomaikai i ka poe i puka, me ka hele ana o kekalii poe, e makaikai 1 ke kahua o ke kula.