Ka Nupepa Kuokoa, Volume LXI, Number 23, 8 June 1922 — E Kokua Aku Ma Ka Hana Maikai [ARTICLE]

E Kokua Aku Ma Ka Hana Maikai

Eia me kakou iloko o keia mau la o Tandy Mackenzie, keiki Hawaii puukani e kaulana nei i ka himeni, a ma Poalima* ae nei, ka Poaono, ame ka Poalua, o keia pule ae, e lohe ai ko ke kulanakauhale nei poe i kona leo, maloko o ka Halekeaka Liberty.O na ahamele e weheia ana iloko o kela mau Ia ekoiu, aole ia no kekahi hana e ae, aka no ka imi ana no ia i kekahi waihona, e kokua aku ai, ma ka hoomahuahua ana ae i kona huli ana i ka ike himeni. Ua waeia ae keia keiki Haw&ii maiwaeiia mai o na puukani himeni ma Amerika, e na poropeka kaulana ma ia hana, ma ke ano, oia kekahi o na kanaka opio, i hanauia mai me ke kalena kiekie loa ma ka himeni; no keia kumu, i lawe ae ai ka Ahahui Hoeueu Hawaii, i ke ko'iko'i o ka imi ana i kekahi waihona, eljke me ka hiki e loaa ana, no ke kokua ana aku ma ka waiho ana aku iaia, malalo o ke a'o ana mai a na kumu akamai loa i ka himeni. Ua hoike ae ko Honolulu n$i poe, i ko lakou mau manao ohohia o ke kokua, ma na po, o ka malamaia ana o ka ahamele a ka Ahahui Hoeueu Hawaii, ma ka hoopiha ana i kela hale, a ua nui no hoi na dala, i loaa ma ia mau ahamele, no ka waihona kokua ia Mackenzie; ma na ahamele nae e haawiia aku ana, maloko o kela hale, e ike maoli aku ana kakou, i kona helehelena, a e lohe aku ana hoi i kona leo; nolaila e oi ae ko kakou mau manao ohohia e pono ai, ma keia mau ahamele, ma ia ano auanei, ua hoikeike ae kakou, i na manao e haawi aku i na kokua ana no ka hoea aku o na hooikaika ana a keia keiki Hawaii, i ka pahuhopu b kona iini, e lilo i kanaka kaulana ma keia mua aku. Ma ke Kula Kamehameha ae nei no kahi i hoonaauaoia ai 0 keia opio; a malaila no oia i hoomaamaa ai i na anuu mūa ]oa, o ka ike himeni; a mamuli o ka holo ana aku no Amerika me kona mau hoa, i ikeia mai ai ka maikai ame ka nani o kona leo; a oiat he ilihune no oia, elike me ka hapanui o na kanaka opio o Hawaii nei; he hana kupono loa na kakou, na na Hawaii, a na ka poe o Hawaii nei, me ka nana ole ma ka lahui, e onou aku ai iaia imua, ma o na kokua pili dala la, ahiki i kona papahi ana i ka inoa hanohano loa iwaena o na puukani, ke "Caruso o Hawaii nei." Ua haawi aku kakou, i na kokua ana i kekahi mau hana, 1 koiia mai ai ka kakou mau kokua, o ia mau hana nae, ua kaokoa ae ia mai keia mai, no ka mea o keia kiki Hawaii auanei e hookauia ae ai o Hawaii uuku ma ka helu kiekie loa, .ma ia nno e uku pono ia mai ai kakou, a oi aku imua, o ka mea hiki ke kuaiia me ke dala, o ia no ka hookaulanaia -o ko kakou aina ame keia lahui. He ekolu no mau ahamele i hookaawaleia, i manawa no ka lehulehu e lohe ai i kona leo himeni, nolaila aole he wa hou aku a kakou, e kakali ai aka e lilo kela mau manawa, i wa na kakou e hoopiha ai i ka Halekeaka Liberty, a e haawi aku hoi i na kokua, no ka hoolana ana i ka manao o keia opio Hawaii, no ka holomua o kana misiona huli, i na makāukau ma kana kalena i haawiia mai iaia, ma o kona leo la. V No ka maumaua o na hana powa a na koa i ike mau ia maluna o na kiakaa otomobile o kela kulanakauhale o na manawa ae nei i hala, pela ma kela pule aku nei; e loaa na haawina a'o maikai loa i na kiakaa; e malama lakou i na pu panapana, i na wa apau, a ina no ka oi o ka palekana, alaila mai ae aku i na koa e kau mai maluna o na kaa, i ka wa poeleele; o haIawai no auanei me ka poino. E lawe i na kulana makaala apau, ina no ia he mea e konoia aku ai kekahi kiakaa okoa aku a mau kokua e ae paha, no ka hele pu ana.