Ka Nupepa Kuokoa, Volume LXI, Number 23, 8 June 1922 — Ke Kulana Kalaiaina o Keia Mau La [ARTICLE]

Ke Kulana Kalaiaina o Keia Mau La

Ke hookokoke'loa mai nei ka manawa, no ke koho baloka| waemoho, no na hoa o ko kakou ahaolelo kulono, a no ka elele i lahui i Wakinekona. Ma kekahi olelo ana ae, eia ka ipuhao kalaiaina, ke paila nei i keia mau la, e komo hou aku ai kakou, i na paio hahana ana. Ma keia po ke koho baloka, o na lunanui o na kalapu Repubalika, ame na hoa o ka ahaelele hana kahuahana; ma na mahele koho, i ikeia ai ke kulana paonioni; o ka poe c kohoia ae ana a puka i mau lunanui no na kalapu, e kaa aku ana ke koikoi, o ka hookele ana o na paio kalaiaina iloko o ko lakou mau lima, nolaila i manao na Repubalika t aha'i hou i ka lanakila, o ke alahele wale no e hoea aku ai ia hopena, e hoonoho aku i poe kupono a pololei o ka lakou mau hana, i mau e kapae aku i ka poe i iKeia ka lakou mau hana o ka wa ae nei i hala, na lakou i hookomo aku i na manao hoowahawaha iloko o na mana koho. Ke ike e ia aku nei no ka 0010-ku iloko o ka aoao Demokarata, ma o ke komite kuwaena la, ma o ka waiho ana aku o Mr. Geo. i Kekoa Ah Nee, i ka noho kakauolelo ana, no ke komite, pela hoi me ka Hope Makai Nui Asch, ma ke ano he lala no ke komite; aole keia malalo o na kumu e ae, ma ka nana aku, aka no na hoailona maopopo no ia e kau mai ana imua o ke alo, no ke ku hou ae o L. L. McCandless imua, he he mea paahae no kela aoao kalaiaina pela maoli ka mea oiaio, aia wale no a noho aku o Mr. ,McCandless ihope loa, alaila ike aku kakou i ka aoao Demokarata, ma ke kulana oni *mua, aka i mau no kona alualu ana i ke kulana elele lahui, alaila ua hoakaka mua mai ka Palapala Hemolele i ka a hopena penei "O ka ohana i mokuahana iaia iho, aole ia e mau."