Ka Nupepa Kuokoa, Volume LXI, Number 23, 8 June 1922 — Nuhou Kuloko [ARTICLE]

Nuhou Kuloko

Ma ka moolelo o ke kula o Sana Lui, o ke kiekie loa o kekahi papa, ma ka nui .o na haumana i puka mai kela kula mai, o ia no ka papa o keia makahiki. Ua hele no na palapala a na makamaka o ka hoouna ana mai no keia keena a kupa'i, e hoomanawanui mai no, a loaa kahi 'kaawale o ka pepa, alaila hoopukaia aku.

Maloko o ka luakini o Kawaiahao ke anaina haipule hoomanao no ka la o Kamehameha, ma keia Sabati iho, ua makemakeia na ahaliui Hawaii, e akoakoa ae ma ia anaina hoounanao. E wehe hou ae ana na opio o ka ekalesia Hawaii o Ewa, he ahamele me tabalo, maloko o ka Hale Kiionioni Pearl City, Manana, ma ka hapalua o ka hora ehiku o ka po o ka la apopo, lune 9, 1922. i Piha mau o Aala Paka i keia mau po i ka poe makaikai, i na hana hoikeike ame hoohauoli a na Keiki o na Ululaau. E pau ana kela mau hana, ma ke aumoe, o ka po o keia Poakahi ae, lune 12. Ua makemakeia na lala apau o ka Ahahui Kaahumanu e hele ae i ka pule ma Kawaiahao i keia Lapule iho, lune 11, 1922. E akoakoa ao na mea apau maloko o ka pa o ka luakini, ma ka hora 10 a. m. Ko hawi aku nei o Mrs. Ho-a Inaina, i kona hoomaikai palena ole i ka pere»idena ame na lala o ka Ahahui Kalama, no ka lakou makana i haawi ae ai iaia, o kana lōo kalokalo na ke Akua e hoomaikai mai ia lakou apau. Ua makemakeia na lala apau o ka Hui Kokua a Hookuonoono o na Oiwi Hawaii e hele ae i Kawaiahaō ma ka hora 9 ponoi o ke kakahiakā Sabati, lune 11, a e hele pu ae hōi ma ke kai huakai ma ke kakahiaka o ka Poakahi, ka la o Kamehameha, lune 12. E malamaia ana he halawai e ka ahahui pa ilina o Kalaepohaku ma kahi o Dan Maunakea ma ka hora 2 p. m., o keia Sabati iho, lune 11, a ua makemakeia na lala apau o ia ahahui e akoakoa e no ka noonoo ana i kekahi kumuhana ano nui e pili ana i ka pono o ia pa ilina.

Ma ka huli hoi ana mai a ka Lu- i nakanawai Bobem«ii, ma ka Poalua iho nei, mahope o ka hoohala ana i kekahi mau pule ma Amerika, i hoike ao ai oia, aia wale no ka manaolana no ka bila hoopae limahana iloko o ku, aha senate, aole iloko o ka hale o na lunamakaainana. Mahope o ka hoohala ana i kekahi manawa ma Nu loka, no ke a'o ana i ka ike himeni, ame ka pakaia ana mai o kona leo, i huli hoi mai ai o Mrs. A. G. M. Bobertson ma ka Maui o ka Poalua nei, a ua hoohauoli loa ia oia i ka hehi hou ana o kona mau wawae i ka lepo o Hawaii. He kaa otomobile nui ka i loaa aku ua haule i ka pali, mawaho ae nei o Uaimana Hila, ma ke kakahiaka o ka Poalua i hala aku la, me ka pau i5 ka nahaha He kaa kela o ka aihueia ana ma Aala Paka ae nei, a ua koho wale ia, ua manao maoli no ka poe aihue, e hoo.poino i kela kaa. E alawa ae e na lala o ka Ahahui Kokua ame Manawalea o na Poola, i £a hoolaha e puka akū nei ma kekahi wahi o keia pepa, no Ike kauohā a ka ahahui, e kele na lala i ka pule ma Kawaiahao ma ke | kakahiaka m,o keia Sabati, no ke komo pu ana aku iloko o ke anaina haipule hoomanao, no ka Na'i Aupuni Kamehameha I, a no ke komo jpu ana ma ke ka'ikuaka'i ma ka Poakahi ae.

TJa makemakeia na lala apau o ka Ahahui' Kamehameha e akoakoa ae ma ko lakou hale halawai mamua ae o k ahora eiwa o ke kakahiaka o keia Sabati iho no ka hoomakaukau ana no ke ka'i ana aku no ka Luakini o Kawaiahao, a ma ka Poakahi ae, ma ia hora hookahi no, ua makemakeia lakou e akoakoa hou ae no ma ia wahi ao ke ka 'i ana aku no Aala Paka no ke komo pu ana aku ma na hana ka'ihuaka'i o ia la no ka hoomanao ana i ka la hanau o ka Na'i Aupuni, ka Moi Kamehameha.

DECAUTUR Neb., lune 2.—Ua powaia ka banako Decautur i keia la a holo aku na powa me $30,000. Ua hahaiia aku na powa e na makaainana, elua o lakou i hoehaia a paa pio no hoi ka puali holookoa o ka. po® powa.