Ka Nupepa Kuokoa, Volume LXI, Number 23, 8 June 1922 — Hooku'iia e ke Kaa Otomobile he Korea a Make Hiki Ole ke Pale ae i Kela Ulia Poino Mamuli o ka Holonui o ke Kaa NUI NO KEKAHI MAU ULIA E AE I IKEIA Pakele Wale Aku no Nae na Ola ma ka Apua Mamuli o na Haawina Laki [ARTICLE]

Hooku'iia e ke Kaa Otomobile he Korea a Make

Hiki Ole ke Pale ae i Kela Ulia Poino Mamuli o ka Holonui o ke Kaa

NUI NO KEKAHI MAU ULIA E AE I IKEIA

Pakele Wale Aku no Nae na Ola ma ka Apua Mamuli o na Haawina Laki

Ma ka hora 12:30 p. m., o ka auwina la Poakahi i lele loa ae ai ke aho hope loa o P. K. Pai, he Korea, maloko o ka Halema'i Moiwahine, elua hora l ahope iho o kona hookuiia ana e ke kaa otomobile e kalaiwaia ana e ke Konela Patrick W. Guinney, t> ka puali o ka puuku. Ma ke kihi o na alanui Beritania ame Moi kahi o kela hooku'iia ana. Ma ke kihi e ke alanui ke Korea kahi i ku ai kakali no ke kaa uwila, a i kona ike ana aku 3 « i ke kaauwila i ka holo mai holo aku la oia no ka manao e kau i ke kaa uwila a ma ia holo ana aku ana i kaa pono ai oia mamua o kahi o ke kaa otomobile o ke Konela Guinney e liolo mai ana a hina oia ilalo. Ua laweia ae oia no o na poino ulia a mailaila ae a ka halema'i Moiwahine, a malaila i make loa ai. Ma ia kakahiaka he kanaka hana no ka mahiko o Ewa >o John Texeira ka inoa a nona hoi na makahiki he 32, ua make liikiwawe loa oia mamuli o ka pa ana i ka uwila ma kahi e kawiliia ai ke konakalika. He "wahine kane-make kana o ka haalele ana iho la ma keia ao me elua keiki. He keiki uuku nona na makahiki eono, a nona hoi ka inoa o W. D. Calistro aia oia ke waiho mai la maloko o ka halema'i o na kamalii me ka nawaliwali loa no ka nui o ka "eha i loaa iaia mamuli o kona hooku'iia ana e ke kaa otomobile e ana. e Miss Giddle. Mai kekahi aoao aku o ke alanui ia keiki o ka holo ana aku no kekahi aoao, a iaia i kaa ai i ka hapalua like o ke alanui a mamua pono hoi 0 ke alahele a ke kaa otomobile e holo mai ana ua hooku'iia mai la oia a hina ilalo, o kahi o ka laki aole i make koke ia manawa, ua nui nae ka eha i loaa iaia, a no ia eha 1 laweia ae ai no ka halema'i o na kamalii, a ma ka olelo ka a na kauka o ka hoike ana ae e ola ana no ia keiki.