Ka Nupepa Kuokoa, Volume LXI, Number 24, 15 June 1922 — MAKE KA PROF. A. F. GRIFFTHS MA KALEPONI. [ARTICLE]

MAKE KA PROF. A. F. GRIFFTHS MA KALEPONI.

I kulike me ka hoakaka a ka lono kelekalapa uweaole o ka loaa ana ae ia Frank C. Atherton ma ka Poalua nei mai a Mrs. Griffiths mai ka Prof. A. F. Griffiths, ka peresidena hoohanohano o ke Kula Nui o Kapunahou a i noho no kekahi mau makahiki aku nei i hala a i hoi aku ai hoi i Kapalakiko ma kekahi manawa aku nei i hala, ua pauaho mai la oia i keia ola ana maloko 0 ke Kulanakauhale o Kapalakiko, no ka mea, oia ka ma'i nana i hoonawaliwali iaia no kekahi manawa 1 hala aku. Ma ka la 19 o Aperila i hala kona haalele ana mai ia onolulu nei me Mrs. Griffiths, mahope o kona waiho ana mai i ka hana ana i paa ai ma ke ano he peresidena no ke Kula Nui o Kapunahou no na makahiki he 20, me ka manao e huli aku i ka pono o kona ola ma Kapalakiko. Ua hanauia oia ma Eichville, Nu loka, ma ka la 16 o Sepatemaba, 1878, a iaia i moe aku la ua piha iaia na makahiki lie 44. Maloko o ke kulanakauhale Kichville i hoonaauao mua ia ai oia a mahope mai maloko o ke kula Kiekie o St. Lawrenco kahi ana i puka pono mai me ke degere Bachelor of Arts. Mahope o kona puka ana mai ke Kula Nui mai o Harvard ua noho kumupoo oia no ke Kula Hui o Richville mai ka 1897-8. Oia no ke kumupoo o ke kula ahiahi Shepard Masakuseta o Cambridge, ahiki i ka 1899, a mahope .iho ua hele ak i oia i ke kula St. George ma Nupotd, Eoda Ailana, kahi ana i noho ai ahiki i ka 1902.

Mai Nupota ka Prof. Griffiths i holo mai ai i Honolulu nei me kana wahine i ka 1902, a ma ia makahiki no i hoonohoia aku ai oia i peresidena no ke Kula Nui o Kapunahou. Ua mareia oia me Mrs. Griffiths i ka 1901 ma Worcester, Masakuseta. O Miss Helen Alsy kona inoa mamua o kona mare ana. Ua haalele mai la ka Prof. Griffiths i kana mau mea aloha ma keia ao, he wahine kane-make ame ke kaikamahine e u mau aku nona, he mau makua e noho mai la ma Richville, Nu loka, ame elua mau hoahanau e noho mai la no ka ma Nu loka.