Ka Nupepa Kuokoa, Volume LXI, Number 24, 15 June 1922 — E HOLO KAAPUNI HOU ANA KA MOKUAHI NO MOLOKAI. [ARTICLE]

E HOLO KAAPUNI HOU ANA KA MOKUAHI NO MOLOKAI.

puni ia Molokai ma ke Sabati iho nei i hooholo ai ka Hui Mokuahi holo piliaina e holo kaapuni hou ma ka la 4 o lulai ae nei, a ma kahi o ka mokuahi Kilauea o ka mokuahi Mauna Kea ke hooholoia aku ana ma ia la mamuli o ka nui 0 na rumi moe o ka Mauna Kea no ka pono o na ohua mamua o ko ke Kilauea. "Ua loaa mai ia makou i nei manawa kekahi mau ninau lehulehu ina paha e hoolalaia ana kekahi huakai makaikai hou ia Molokai ma ka la'4 o lulai nolaila ua noonoo makou a ua hooholo no kekahi huakai kaapuni hou ia Molokai. Ma ka olelo a ka poe apau i holo ai ma ke Sabati iho la i hala he huakai waiwai loa kela, ua ikeia na wahi apau o Molokai, a o kekahi poe lehulehu i holo ai e holo hou aku ana no lakou ma ka la 4 o lulai,," wahi a Stanley Kennedy, ka lunahoohana o ka hui mokuahi c ka hoike ana ae ma ka Poalua nei. No ka nani o na- hiohiona o kela huli Koolau o Molokai o ka poe i noho mau mar Hawaii nei a i ike ole i kela aoao o Molokai ua hookahahaia ko lakou naau i ka ike ana aku i ka nani o na wahi apau, ma Hawaii nei no kekahi poe o ka hanauia ana a o ka make wale aku no koe akahi no a ike i kela huli Koolau o Molokai, aole manawa mamua i holo kaapuni ai, o ka makamua loa iho la no kela. Ua lehulehu ka poe i hele mua ae e hoopaa 1 ko lakou mau inoa me ka hui mokuahi i loaa ka rumi maluna o ka Mauna Kea.

WAKINEKONA, lune 9.—0 ka bila uku manuahi i hookomo koke ia aku i ke senate a e hoakaka ana maloko o ia bila ka uku ana aku i na koa o ka Puali Kiai Lahui Hawaii, na koa i hookomoia mai ai iloko o ka Puali Kiai Lahui iloko 0 ka manawa kaua. Eia nae o ia uku no ka manawa wale no ia mawaena o ka manawa i hookomoia ae ai iloko o ia puali ame ka manawa 1 hoopauia ai o ke kaua, elike me ia i hoakakaia ma ka Pauku 111 o ke Kanawai Hoopakele Lahui.