Ka Nupepa Kuokoa, Volume LXI, Number 24, 15 June 1922 — HE KANAENAE ALOHA NO KUU HANAU MUA JOSEPH EMMSLY UA HALA. [ARTICLE]

HE KANAENAE ALOHA NO KUU HANAU MUA JOSEPH EMMSLY UA HALA.

E ka Lunahooponopono o ka Nupepa Kuokoa, Welina pu kaua: —E oluolu mai oe i kkaehi wahi kaawale o ka hiwahiwa a ka lahui; e hookomo iho i keiā kanaenae aloha no kuu hanaumua heleloa. Ua ike iho au ma ka Nupepa puka ahiahi Honolulu Star Bulletin 0 ka la 22 o Mei, i ka haalele ana mai o ko'u hanaumua Joseph EmmBly i keia ola honua ana ma ka la 17 o Mei, 1922. Auwe no hoi ko maua luuluu ia oe, e ko maua hanaumua ike ole ia kou kino lepo. Eia maua ame kou hanaumua kaikaikuahine i . Honolulu nei, i ka aina hookama, aina lewa i ke kai; ua okiia kakou e ke kai, kaawale olua me ka olua mau lei, kaawale hoi makou ka ohana, ike ole i kou aho hope loa. Auwe lihaliha wale ia oe e kuu kaikuaana heleloa, haalele mai la ia makou ka ohana ame kana wahine ame na lei e paiauma aku nona ma keia ao mauleule. Ua naha ke kiaha gula o ke ola, ua hoi ka lepo 1 ka lepo, o ka uhahe, ua hoi mo ka Mea Nana i hana; e hoomaikaiia ke Akua mana loa, Nana no i haawi mai a Nana no 1 lawe aku. Welina aloha ia'u ka uka o Wai« opua la, kuu pua a'u i iini ai e kii, a e lei lioi o; eia ka na ka make ana ka hoi e lei, leupouli ke aloha 0 Kanehoa, aolie e u i ka hana lokoino a ke aloha ole, ua oni wale 1 ke kula o Mailohune; huna na maka pe 'a īia lima i ke kua, o ka nahele anoano aloha mauka o Huliwale e; ke huli noi au ia oe e kuu | kaikuaana kuu minamina pau ole a.

Ke ulaia ia nel hoi au a maewaewa ko aloha 010, kuewa hoi i ko ala me ka waimaka; me he makamaka puka la ko aloha ke hiki mai, hiki mai ko aloha, e uwe no au auwe kuu kaikuaana, kuu aloha pau ole ia oe e.

Kuu kaikuaana mai na pali alolua o ua aina nei, mai ke awawa kuhoho lipolipo onaona o ka palai, hoopalaimaka wale ka hele ana a kuu kaikuaana, huna na maka la nalo i ke aouli; waiho i ka luuluu na'u e mili, i lei a-i hoapili no'u no ka po me ke ao; hiaa mau ka po moe 010 ia, kaunu hewa ke s kuko me ka li'a i ke aumoe, o kuu hiamoe nui he mea ole ia, paa ole ka waimaka hoopulu mau i ka lihilihi. Auwe kuu kaikuaana kuu minamina pau ole ia oe al Ke hooki nei au i keiu kanaenae aloha o kuu kaikuaana heleloa; ke hui pu aku nei maua me ko maua hanaumua, ka waliine i hooneleia i ke kane, na lei noi i hooneleia i ka makuakane, iloko o ka luuluu mo ke kaumaha; ke pule a ke noi | ae nei maua i ka oluolu o kti Makua Lani, e hoomama mai i na kaumaha I mai ia oe ame na lei a kakou ame ka ohana. Nana no i haawi mai a Nana 110 i lawe aku; e hoomaikaiia Kona inoa. O maua iho no ko laua mau pokii me ke aloha. DAVIID M. KEPANO, MRS. K. KEPANO, 661 Queen St. Honolulu. '