Ka Nupepa Kuokoa, Volume LXI, Number 24, 15 June 1922 — HE 12 MAU KUMUKULA I HAALELE I KE KULA MAKINILE. [ARTICLE]

HE 12 MAU KUMUKULA I HAALELE I KE KULA MAKINILE.

No Mias Sejler ame Miss Amiek, e holo mua aku aaa laua no ke Komohanā-Akau ma kekahi huakai makaikai mamua o ko laua huli hoi ana aku no ko laua mau home. He hakahaka nui keia o ke kula Makinile e lawa ole ai na kumukula ke hoopiha ae i na "wahi hakahaka ilo* ko o ka manawa pokole.

0 ke emi loa he umi-kumamalua mau kumukula e haalele ana i ke

a'o kula hou ana ma ke Kula Kiekie Makinile aole e hoi hou ae ana ma ka hoomaka ana o ke kula ma ka mahina o Sepatemaba'. E hoi aku ana kekahi o lakou no ko iakou mau home ma Amerika, o kekahi c hoi aku ana no ka home no ka mare ana, a o kekahi e holo aku ana no na aina e, a no ka hana okoa aku kekahi poe. No Miss jLaura Kunr e holo aku ana oia ma kana huakai kaahele makaikai honua, a ina no ka halawai me ka ulia laki, e a'o kula aku ana oia ma kekahi wahi ma ka Hikina loa ma keia makahiki ae. No Miss Edna Lowrey, e holo aku ana oia no Nu loka, kahi a kona ohana e noho mai la, aole oia i hooholo i kana hana e lawelawe aku ana. No Miss Virginia Steller e hoi aku ana oia no kona home no ke komo ana aku ma kekahi hana me kona kaikunane ma ka oihana k,auka. No Miss Elsa Klugel aohe i maopopo kana wahi ame kana hana e lawelawe aku ana . No MisB Asta McKitrick, e hoi aku ana oia no kona home maloko 0 kekahi o na mokuaina no ka mare ana aku i kekahi kanaka i hoopalau me ia. No Miss Eleanor Burdoff, na lonolonoia ae kekahi mea e pili ana nona me he mea la e lawe pu aku ana oia i ke keehinahana elike me Miss McKitrick, aka nae aole i maopopo loa. No Miss Jennie Clayton aole oia 1 hoohoio i kona manao no ka hoi hou mai e ao &ula ma keia haulelau ae. No Miss Margaret Knepper e hoi aku ana oia no Amerika a hoi loa aku no kona home. No Miss JoBephine Hurehinson e hoohala ana oia i kona hoomaha ma ka Hikina loa a mahope aku o ia manawa e hoi hou mai ai oia no Honolulu nei a hoolilo ae iaia i alakai no ke kalapu a na kaikamahine maloko o Honolulu. # O Mr. Greenley wale no ke kumukula kane e haalele ana i ke a'o kula ana ma ke Kula Makinile i keia makahiki, o na kumukula kane e ae apau e hoomau aku ana no lakou i ke ao ana.