Ka Nupepa Kuokoa, Volume LXI, Number 25, 22 June 1922 — HOOHOLOIA NA KUMU AELIKE O KA HOOLIMALIMA. [ARTICLE]

HOOHOLOIA NA KUMU AELIKE O KA HOOLIMALIMA.

He halawai ka ka Papa Aina Aupuni o ke Teriore o lea noho ana ma ke kakahiaka o ka Poalua aku la ka pule i hala, ma ia halawai i hooholoia ai na kumuaelike ame ka loifii o ka manawa e'hoolimalima aku ai i kela aina ma Wailua, Kauai. He hapa keia aina no ka mahiko o Lihue ma ke kapakai hikina o ka mokupuni o Kauai, a e waiho ana hoi mawaena o na apana o Hanamaulu ame Olohana. I ka manawa e pau ai ia aina i ke anaia e kuaiia aku ana ma ke kudala no ka manawa o 15 makahiki. O kekahi o na aina o ke keena ana aina o ke Tprioro e noho mai la ma Kauai i nei mapnawa ka i kauohaia aku e ana hou ia aina a o hoomakaukau i palapala aina me ka hoohakalia ole. O ke kumuaelike i hooholoia e ka papa no ka mahi ana 3255 eka kupono i ka mahi i ke ko ame 4271 eka i manaoia he aina kupono i ka hanai holoholona he panoa, a i ole $120 no ke tona. Ina e kuaiia ana ke kopaa a oi aku maluna o ka $120 no ke tona, alaila e uku ae ka mea hoolimal'ima mai i ka puuku o ke teritore i kekahi uku lioolimalima pakui o 20% no na dala oi aku maluna o ia huahelu. No ka hoakaka ana e mohala ai keia, ina e pii ae ana ke kumukuai o ke kopaa i hoomaemae ole ia 6.5 keneka no ka paona ma Nu loka, a i ole $130 no ke tona, alaila e hoohuiia iho me ka uku hoolimalima makahiki o $25,000 he 25% pakeneka hou, o ia hoi he $10, ka like ole mawaena o ka $120 ame $130, a i ole $2 hou iho maluna o ke tona e loaa ana ma Wailua. Ina kek»lii o na aina i kauia ma ka papa he aina hanai holoholona a aina waiwai ole e kanuia ana i ke ko, e huawiia aku ana ia wahi i kanuia i k;i mea hoolimalima no ka mahi an.i no hookahi makahiki me ka auhuu ole ia aku no ia wahi i mahiia, aka nae, i ka pau ana o ka makahiki haa'wi wale mua, e kakiia aku ana $ō no ka eka no ka makahiki, a elike me ka nui o na eka i mahiia a o hoomauia aku ana ka mahi, ana pela ka palima aku o ka uku hoolimalima. O ka poe e koho ana no keia hoolimalima e koiia aku ana lakou e waiho mai i bona o $50,000 no ka hooiaio ana i ka hookoia o na kumu aeliko elike me ia a ka papa aina 0 ka hooholo ana. E komo pu tyha maloko o na pono hoolimalima o ka aina o Wailua na pono wai. Ua apono pu ka papa no ka waiho ana aku no ke kuai kudala akea 1 kekahi apana aina aupuni ma ke kihi o na alanui Mila ame Lusitania nona ka iliaina he 15,295 kapuai kuea; uku hoolimalima i makemake

ia. he $8094. Pela pu me kekahi apana aina e waiho nei ma ke kihi 0 na alanui Papu ame Kuakini. Ua apono pu ka papa i ke kuai ana aku ma ke kudala i ka hooH'malima 15 makahiki o kela aina hanai holoholona nona ka nui 140 eka ma Waiahole ma &a uku hoolimalima haahaa he 50 pakeneka no ka eka no ka makahiki, ame ka hoolimalama 21 makahiki o kela aina o Kahikinui, ma Maui, nona ka ili he 12,000 eka, no ka uku hoolimalima he 10 keneka no ka eka no ka makahiki. Ua apono pu ka papa i ke kuapo ana i kekahi mau aina no ka hana ana i alanui. O ka manawa e kudalaia aku ai o keia mau hoolimalima mahope iho no ia o ka pau ana i ke ana ame ka hana ana 1 ka palapala aina ame ka hoopukaia ana aku o na hoolaha. O na hoa o ka papa aina i akoakoa ae ma keia halawai oia ke Komiaina Aina Aupuni C. T. Bailey, A. D. Castro, Edgar Henriques, Albert Hortter ame J. W. Waldron.