Ka Nupepa Kuokoa, Volume LXI, Number 25, 22 June 1922 — Nuhou Kuloko [ARTICLE]

Nuhou Kuloko

Eia ka Makai Nui Sam Pua ame Mrs. Sam Pua i ke kulanakauhale nei i keia mau la, no ka ho&hala ana i kekahi manawa. Ma ka Mauna -Kea o ka Poalua nei i hoea mai ai laua. I kulike ai me na hoike i loaa mai i keia kulanakauhale mai Wakinokona mai, ke hoolala mai la ka Elele Baldwin ame kana aliiwahine ,e huli hoi mai no Hawaii nei, iloko o keia pule. Ma ka la 27 o keia mahina e wae ae ai ke Komisina Home Hawaii, i na ohana mua, a lakou e haawi aku ai i ka pono ,e hoi maluna o na aina hoopulapula o Kalamaula, ma | Molokai. j Ua hele na onoki o ke Kuokoa a j pihaku'i ma keia kelepa, no ia kumu, i hiki ole ai ke hooiliia aku kekahi mau manao i kakauia mai e na makamaka; aka e hoomanawanui mai no a loaa kā wa kupono. Ma ka Poalima aku la i hala i hoouna aku ai ka Peresidena Harding i ka inoa o ka Loio R. J. o'Brien i ka aha senate, no ke apono ana mai i lunakanawai kaapuni elua, no ka aha kaapuni o ka mahele kaapuni ekahi. Ma ka la 1 ae nei o ka mahina o lulai e hoomaka aku ana o Chee Wo See, he Pake kuai poi, o ka Helu 1209 Alanui Liliha, e kuai hoemi i kana poi, ma ka 20 paona no ke dala, ke kii ae ma kona halekuai poi, a he 16 paona no ke dala, ke laweia no na home. He leka ka ke komisina makai o ka hoouna ana aku i ka Hope Makai Nui Asch, e kauoha aku ana iaia e hoopau i ka Makai Ben Lauahi, mai ka oihana makai aku, mamuli o ko' lakou ike ana, ua pili k«a howa iaia, 0 ia ka hooko pono ole i ka hana a ka makai. Maloko o ka Halekeaka Liberty, jna ka auwina la o keia Poaono, e haawi hou ae ana o Tandy (Kaohu) Mackenzie, he ahamele, no ka hoolawa ana aku i ka makemake o ka poe 1 hiki ole e komo iloko o kela hale, e lohe ai i kona himeni ana, ma ka auwina la o ka Poaono i hala.

No ke komo pu ana iloko o ka papaaina a ka Haku, e malamaia ae ana ma ka ckalesia makua o Ewa, ma keia Sabati, i makemakeia ai na hoahanau apau o kela ekalcsia e hiki ae ma kela la, a no kekahi mau manao ano nui no hoi kekahi, e noono.oia ana ma ia manawa hookahi. Ma keia kakahiaka e ku mai ai na mokuahi na lakou e halihali mai ana i na hoa o na hui malu o Amerika no Hawaii nei; eia koonei poe ua makaukau e hookipa mai i kela mau malihini hanohano, ma na hana apau e hoohauoliia ai ko lakou manao oiai e hoohala ana maloko nei o ka Paredaiso o ka Pakipika. — • ■4- » — — HE LETA MAI NA ATNA B MAI. Mr. Dick Kekona, aloha kaua a nui loa:—Eia ka mea e hai aku ia 09, ua halawai mai au me kau leta i ka la 8 i hala aku la, a ua ike iho no hoi i na manao i piha me ke aloha. Eia no au i Belina nei e noho nei, a e hana ana makou i Luna Park nei i keia la no ka hana ana upau ke kau hooilo, a komo iloko o Sepatemaba. Eha mahina e hana ai i Luna £ark. He nui no ke aloha o ke Akua mana loa i na lahui kanaka, e auana hele nei r ke ao nei. Eia kekahi manao hou e hai aku ia oe, no ka ilina o Kaimaua Kekona, na'u e malama, a nana pu nku no hoi, a e kuai ana au i kiahoomanao, no Kaimana Kekona, kuu pokii aloha, No ko makou noho ana, he maikai no, a he maikai pu no me na ola kino. Ke pule nei au i na la apau, no ka la o kakou « hui hou ai. Eia hou ko'u kekahi manao nni ia oe e ko'u makua o ka aina hanau; e oluolu hoi oe ina e hiki ia oe, e nana, a huli hoi oe i ko'o ohana ponoi, aia iakou i Kailua, Koolaupoko Oahu, o Julia Kapahu ko'u makuahine, o David Nahale ko'u kaikuaana ame Mele ko'u kaikuahine. E haawi aku oe i ko'u aloha a nui loa ia lakou apau loa, a e olelo aku oe e kakau mai i wahi leta na'u i Belina nei. Ke mahalo aku nei au ia oe e papa, no kou lokomaikai ana mai a'u. Ua lawa paha kaua maanei. Haawi aku i ko'u aloha a nui loa i na ohana, me oe pu no hoi kekahi. Owau me ka haahaa, ko'u wahi noho maanei. JOSEPH K. NAHALE, 17 Liesēnstrasse Berlin, N. 39 Germany, C|o C. Bondermann. /