Ka Nupepa Kuokoa, Volume LXI, Number 25, 22 June 1922 — MAKE KEKAHI KOA I KOKA MANAWA I LUU AI. [ARTICLE]

MAKE KEKAHI KOA I KOKA MANAWA I LUU AI.

E h<jakaka ana kekahi meahou o ka hoikeia ana ae i ka Adverti»er mai ka Pakoa mai o Leilehua ma ke Sabati iho nei no ka make ana o kekahi koa olaila nona ka inoa o Robert Berry, a nona na makahiki he 23, he koa no ka puali pukaa 13, mamuli o kona piholo ana iloko o ka wai ma ka auwina la Sabati iho nei, nia ka manawa ana e auau ana me kekahi mau koa e ae ma kekahi kahawai malalo o ka owawa mauka ae o Leilehua. 0 keia iho la ka lua o na koa i make inaloko o ke kiowai ma keia makahiki. I kulike me ka hoakaka a ka poe lehulehu i ikemaka no ia poino ana o ia koa ua lelo o Berry mai kekahi papa mai me ke kulou poo ana a ua manao wale ia me he la ma kela manawa ana o ka lele ana mai ua hooku'i kona poo i ka pohaku. Ua lehulehu ua koa i hoike ae no ko lakou ike ana aku ia Berry i ko aea ana ae iluna o ka iliwai, aole nae lakou i haawi aku 1 ka lakou noonoo hou ana nona, mamuli o ko Berry manaoia ho kanaka akamai oia i ka au mawaena 0 kona mau hoaloha. Aole i noonoo hou ia aku ia koa a hala kekahi manawa ma ia hope mai, mahope o ka hoi ana ae o na koa apau 1 hai a ike aku la i ka waiho mai o ka aahu koa o Berry iloko o ka hale komolole. Ia manawa akahi no a ala ae ka haohao nona a hoomaka koke ia ka huli ana, a no kekahi manawa ka huli ana o na koa e ae ahiki i ka loaa ana aku o ke kino o Berry e waiho ana malalo o ke kiowai. I ka hapaiia ana ae a kau i kula ua haawiia na ko kua mua nona, eia nae, he hana hua ole no ka mea, ua make mua loa oia. Ma ka la 21 o Novemaba o ka makahiki i hala kona komo ana :ie me ka puali pukaa 13 o ka oihana kaua, a ma ka mahiua o Dekcmaba ka hoea ana mai i Honolulu nei. O kona onehanau aia ma ka mokuaina o Wisconsin. Aole i hoakakaia ka mea e hanaia iho ana no kona kino, eia nae, me he mea la e puhiia ana a i ole e hoihoiia aku ana no paha me ke puhi ole ia o kona kino i kona ohana ma Wisconsin.