Ka Nupepa Kuokoa, Volume LXI, Number 25, 22 June 1922 — Hooku'iia Ae he Pukiki e ke Kaa Oto a Make Loa Holo Mahuka ka Mea Nona ke Kaa Oiai e Hapaiia Ana ka Mea Poino no ka Halema'i PIHA KA MEA NONA KE KAA I KA MAKA'U Noke ia Nae Oia i ka Huli e na Makai me ka Maopopo Ole o Kona Wahi i Pee Ai [ARTICLE]

Hooku'iia Ae he Pukiki e ke Kaa Oto a Make Loa

Holo Mahuka ka Mea Nona ke Kaa Oiai e Hapaiia Ana ka Mea Poino no ka Halema'i

PIHA KA MEA NONA KE KAA I KA MAKA'U

Noke ia Nae Oia i ka Huli e na Makai me ka Maopopo Ole o Kona Wahi i Pee Ai

Ma ka hora ewalu o ke kakahiaka o ka Poalua aku la i hala, i hooku'iia ae ai he Pukiki elemakule nona ka inoa o Joe Antone Vierra ka inoa, e ke kaa otomobile, e hookeleia ana e kekahi haole koa luina, nona ka inoa o Cosgrove, ma ke alanui Kula, e kokoke ana i ke alanui Liliha, a hp mau minuke helu wale no, mahope iho o ka hoihoiia ana ae o kela Pukiki, maloko o ka halema'i o na poino ulia, i lele loa ae ai kona aho hope. 0 ka mea apiki nae, oiai e hapaiia ana kela Pukiki noloko o ka halewai, ua holo mahuka iho la kela haole koa luina, nona ke kaa o ka hooku'i ana aku i ka mea poino, me kona loaa ole mahope mai, i ka wa i huliia aku ai e na makai, ame na makai o ka oihana koa. 1 kulike ai' me ka hoakaka a na makai, e hele ana kela Pukiki ma kona aoao akau, ma ke alanui Kula, e kokoke aku la i ke alanui Liliha, 0 ka manawa ia i hooku'iia aku ai e ke kaa otomobile, e hookeleia ana e CoBgrove a hina ilalo, me ka pii ana aku o na huila o ke kaa otomobile maluna ona. Ua hoopaaia ka holo o kela kaa otomobile, me ka lele ana iho o ke koa luina ilalo, no ke kokua ana i ke Pukiki poino. Aia hoi mahope pono aku o kela kaa, he kaa otomobile e ae, e hookeleia ana e Ed. Chain, ua hoopaa oia i ka holo o kona kaa, a oia ka mea i kau aku maluna o ke kaa o ke koa luina, nana i hooku'i 1 ke Pukiki, mamuli o ko kono a ka luina, aole e hiki iaia ke hookele i kona kaa, mamuli o kona piha loa i ka haalulu. I ka hoea ana o kela kaa no ka halema'i o na poino ulia, a oiai hoi ka poe o ka halewai e hapai ana i ka mea poino noloko o ka halema'i o ka wa ia o kela koa luina, i holo ai, me ka haalele ana i kona kaa otomobile, i ka huliia ana aku ka hana, aole he loaa iki o kela koa, ahiki i ke ao ana ae ma nehinei. Ma ka huli pono ia ana aku o ka ona nona ke kaa otomobile, ua loaa mai la ka ike, he kaa kela i hoolimalimaia aku i kekalii koa luina okoa, a na kela koa i haawi mai ia Cosgrove. He mea okioki pipi o Cosgrove noluna o ka U. S. S. Haneoek, e ku nei ma Puuloa, aole nae i huli hoi aku kela koa noluna o ka mokukaua, mahope iho o kela nalowale ana mai ka halewai aku, a ua hoounaia na makai o na koa, no ka huli ana iaia, a ina no kona loaa, e hookolokoloia ana oia, no ke karaima, ana i hana ai, ma o ka make ana o kela Pukiki.