Ka Nupepa Kuokoa, Volume LXI, Number 26, 29 June 1922 — HE HOOMAIKAI. [ARTICLE]

HE HOOMAIKAI.

E na hoahanau o ka ekaleaia o Wananalun, Hana, na hoapaahana pu, iloko o ka hana a ke Akua na hoaloha na makamaka ame na ma kua puuwai aloha, Mr. ame Mrs. Sam Pupuhi, pela pu hoi me oe e D. K. Wailehua, no oukou ko'u aleha pau ole, ame na hoomaikai nui loa Hna. O makou o ka ohana,, iloko o ka luuluu amo ko kaumaha , ke haawi nku nei i hoomaikai palena ole, a makou e poina ole nei i ka nui o ka oukou mau hana, maikai i hana mai ai, no ka makou mea aloha, a'u hoi a ko oukou makuahine i hooneleia i ka hoapili, kuu leialoha, e poina ole nei, no na hana aloha a oukou i hana ai, e hoao ana hoi me ka ikaika, no ka palekana o ke ola, o ka haiolelo a oukou i aloha ai. Nolāila e na lunakahiko, na hoihanau aloha o ka ekalesia o Wananalua, ka Ahahui. Kula Sabati, ame kona Ahahui C. E. Sr., e oluolu e lawe aku i ka makou mau hoomaikai a hoopili aku ma ko oukou mau puuwai pakahi, a mai hoopoina i ka ike ana mai i ko oukou makuahine nei, iloko o ka ke Akua hana no ka mēa o ke aloha, ka mea i oi aku mamua o na mea apau. E kuu mau -makua aloha Mr. ame Mrß. Sam Pupuhi, na makua, na laua i pulama niaikai i kuu kane aloha, ke kuikui malamalama o kuu. ola ana, ma ko olua "home i pauaho mai ai, kuu.lei (laimana i keia ola ana, a niau palanehe aku la ka hele ana a kuu aloha, a waiho iho la ia'u mahope nei, me ka naau, mokumokuahua o ke .aloha, me na lei a maua, no olua ko makou, hoomanao pau ole, e oluolu e lawe aku, i ka makou hoomaikai palena ole, ame ko makou aloha, a hoopili aku me olua, o ka'u e noi aku nei e hoomau i ka ike mai ia'u i ka olua kakamahine iloko o ka hana a ko kakou Haku. E ka hoapaahana, ka hoahele o kuu kano o na la pokole i ke komo kauhale, e ha'i ana i ka olelo a ke Akua, A. K. Wailehua, nou au e poina ole nei, i kau mau liana maikai o ke aloha oiaio, e oluolu e lawe aku i ka'u mau hoomaikai me oe, a na ke aloha o ke Akua e liookupaa ia oe, no ka oiaio, e hoomau i ka liana maikai, no ka pono o ka ekalesia aloha o Wananalua. Ia olua e kuu mau kaikaina aloha, Mr. ame Mrs. Hanuna no olua ka'u hoomaikai palena ole, no na hana kokua aloha a olua i hana mai ai ia'u no kuu mea aloha i hala aku ma kela ao maha mau, e oluolu e lawe akuā ka makou mau hoomaikai a hoopili aku ma ko olua puuwai. E na makamaka, na hoaloha ame na hoapaahana apau i akoakoa pu mai me a'u, no ke kiai pu ana me a'u i ke kino puanuanu o kuu kane, no oukou ko'u hoomanao pau ole, e oluolu hoi e lawe aku i ka makou hoomaikai, a hoopili aku me oukou, pela pu hoi me ka poe i haawi mai i ka lakou mau makana pua, no ka hoowehiwehi ana iaia, me oukou ko makou hoomaikai pu. Aole ilaila pau ka'u hoomaikai aka ke haawi pu aku nei makou i ko makou hoomaikai palena ole i ka poe no apau i haawi ma i ka lakou mau kokua, pela hoi me ke kaa, no ka lawe ana mai i kuu kane no ka uwapo o Hana ame ka poe no apau i ukqli pu mai me a'u ahiki i ka uwapo a hoi mai la au me kuu leialoha, maluna o na ale auiui o <ka moana me ka luuluu. E Hana i ka Ua Lani Haahaa, me ka Ua Apuakea, E Kauwiki i ke kai e', Punahoa i ke kai nehe i ka aeone, e ka Ekalesia aloha o Wananalua, aole oukou e ike hou ana i ka haiolelo a oukou, Edward Makia Kapoo, ua hala, ua pau kana hana ma keia ao, ua kuu ka luhi,

e kali ana i ka pu a ka anela eliko me ka hoakaka a ka Palapala Hemolele, no oukou ko makou hoomaikai palena ole, ame ke aloha no ka wa mau loa, aole he hiki ia'u ke hoopoina ia oe e Hana, a no ka mea, malaila i kailiia ae ai ka hauu ola mai kona kino ae, nolaila aia me oe kuu aloha pau ole. Ko ao la ka mea i hoakakaia ina ka Palapala Hemolele: "0 ka mea i hanauia e ka wahine, ua hapa kona mau la, a ua piha me na popilikia he nui." "E hoomaikaiia o lehova, he malu ma ka honua he aloha i kanaku. Me .ke aloha ia oukou apau lor» O makou iho no ka ohana me ka luuluu. MRS. L. E. M. KAPOO, D. K. KAPOO, ELIZ., K. N. KAPOO, EMMA M. K. KAPOO, EDDIE K. M. KAPOO, WILLIE H. HOOMALU JR, MK. & MRS. J. HOOMAI.U, MRS. K. HOOMALU,