Ka Nupepa Kuokoa, Volume LXI, Number 26, 29 June 1922 — HOEMIIA MAI NA UKUHANA E KA AHAOLELO LAHUI [ARTICLE]

HOEMIIA MAI NA UKUHANA E KA AHAOLELO LAHUI

Elike me kekahi poka pa-hu i kiolaia mai iwaena o kekahi puulu ka- j naka, pela iho la ke ano o ka hoike i loaa mai, no ka hoemiia ana o ka ukuhana o kekahi mau luna oihana federala ekolu ma Honolulu nei, ma 0 ke kanawai la i hooholoia mai nei e ka ahaolelo lahui. Ma ke kanawai i hooholoia mai nei, ma ka la 1 o lune aku la i hala, maloko o ka ahaolelo lahui, e hoemi ana ia i ka uku o ka ioio Amerika, ka ilamuku Amcrika, ame ke kakaupokole o ka aha. o S. C. Huber ka mea e paa nei 1 ke kulana loio Amenka maanei nei, a o kona uku kahiko, he elima kaukani o ka makahiki, ua hoemiia iho nae ia, ma o ke kanawai hou la, o ka hooholoia ana mai nei, a i ka eha kaukani dala no ka makahiki. O ka uku o ka ilamuku Amerika mamua, ho elima kaukani no ka makahiki, o Oacar P. Cox ka mea e paa nei i keia kulana i keia wa, ua hoemiia mai nae kona uku i ka ekolu kaukani o ka makahiki; o ka uku hoi o ke kakaupokole o ka aha mam.ua, he ekolu kaukani dala, ua hoemiia mai i keia wa a i ka hookahi kaukani me elua haneri dala no ka makahiki. Maloko o ke Kanawai Home Hawaii ,ua hoomahuahuaia ka uku o na luna oihana federala maanei nei, ame na luna oihana Teritore, e komo pu ana ka uku o ke Kiaaina, ke kakauolelo o Hawaii nei ame ka uku o na lunakanawai kaapuni m® federala ,eia nae, he ekolu wale no mau luna oihana federala i komo mailoko 0 keia kanawai hou ,i hoemiia mai ko lakou uku o ka makahiki. E hoomaka ana keia hoemi ukuhana o kela mau luna oihana federala ae la, ma keia Poaono iho, ka la 1 o lulai. Ma kela kanawai hookahi no hoi, 1 ua hoomahuahuaia ae ko Mr. D. K. Kahaulelio uku, mai ka ewalu haneri dala mai o ka makahiki a i lia hookahi kaukani dala, me ka nui no nae o na hana i haawiia mai e hooko, a o keia paha ke kumu, o ka hoomaliuahuaia ana ae o kona ukuhana. } He nuhou hookahaha loa keia o ka loaa ana mai ,aolo wale no i na luna oihana federala ekolu, i pili loa aku ia lakou, leela hoemi ukuhana, aka i ka pohai pu kekahi o na luna oihana aitpuni ,no ka mea he mau kulana ano nui maoli ko kela poe e pono ai no ke hoomauia aku ko lakou mau ukuhana mua, a ina hoi no ka hoemiia, alaila e hoemiia mai na ukuhana ,0 kekahi mau luna oihana e ae. Ma keia Sabati iho e malamaia ae ana ke anaina hoomanao kenekulia 0 ke ku ana o ka luakini o Kawaiahao, ka luakini kahiko e ku nei 1 ma na kapakai o Hawaii nei