Ka Nupepa Kuokoa, Volume LXI, Number 26, 29 June 1922 — Manaoia o John Lane Aku Ana ka Makai Kiekie Pau ka Hookohu o ka Makai Kiekie W. P. Jarrett ma ka Poaono Aku La i Hala MAU NO NAE KONA PAA IA KULANA OIHANA Ma ka La 1 o ka Mahina o Augate e Kaawale Mai Ai Oia Mai Kona Kulana Mai [ARTICLE]

Manaoia o John Lane Aku Ana ka Makai Kiekie

Pau ka Hookohu o ka Makai Kiekie W. P. Jarrett ma ka Poaono Aku La i Hala

MAU NO NAE KONA PAA IA KULANA OIHANA

Ma ka La 1 o ka Mahina o Augate e Kaawale Mai Ai Oia Mai Kona Kulana Mai

No ke pani ana aku i ka makalua, e hoohakahakaia iho ana, mamuli o ka pau ana o ka manawa o ka' Makai Kiekie William P. Jarrett, ka makai kieki eo ke Teritorc, i ka nana aku o John C< Lane, ka meia mua 0 ke kulanakauhale a kalana o Honolulu nei, ke hookohuia aku ana ma ia wahi. Aole he mea maopopo loa i keia manawa, no kona hookohuia aku i makai kiekie aka nae, mamuli o ke kakooia ana o kona inoa, e ke komite kuwaena Teritore mua aku nei 1 pau, a pela no hoi ka manao o ke komite kuwaena hou, o ka aoao Rcpuhalika, e ku aku no ka mea, i kakooia e ke komite mua, pela wale no i manao ai na alakai kalaiaina, o ke kanaka ia a Kiaaina Farrington, e hookohu aku ana. Ma ka Poaono aku la i hala, i pau ai ka manawa, maloko o ka hookohu o Jca Makai Kiekie W. P. Jarrett, aka nae, ua haawi aku ke Kiaaina Farrington, i ke kauoha iaia, e hoomau aku no oia i ka paa ana i kela kulana ahiki i ka la 1 ae nei o ka mahina o Augate, i hiki ai iaia ke hoomakaukau i ka hoike o na hana apau i pili aku i kona keena oihana, mnmua o ka waiho ana aku i na hana, na kona hope e lawelawe aku. Ua lilo nae ke kaawale ana mai 0 W. P. Jarrett, mai ka noho mak&i ana, no ke Teritore, i raea kamailio nui ia iwaena o na alakai kalaiaina, o na aoao a olua iloko o kela mau la, no ka mea ua nana mau aku kekahi mahele nui o na Demokarata ia Mr. Jqrrett ma ke ano, oia kekahi kanaka hiki ke huki nui 1 na baloka, o na Hawaii, mai na Demokarata a na Repubalika. He elua mau kulana oihana ano nui, i akeia aku ai e lilo o Mr. Jarrett, i mea paahae, no ka aoao Demokarata, o ia ka elele iahui i Wakinekona, ame ka meia no ke kulanakauhale a kalana o Honolulu nei. Ina nae no ka holo moho elele lahui o Mr. Jarrett, ma ke kau koho baloka wae moho e hoea mai ana, me kona wae ole ia, alaila ua maopopo loa, e kukuluia ae ana oia i moho no ke kulana meia, no ka liolo ku-e ana i ka Meia Wilson, a ua paa loa ka manao o ka liapanui o na mana koho, o Mr. Jarrett ka mea o laua e waeia ae ana. Ma ka wa nae i ninauia aku ai ka Makai Kiekie Jarrett, ina paha e holo ana oia he moho no ko kulana elele lahui, ua hoole ae oia, i kona noonoo ana i kekahi mea iloko o keia manawa, e pili ana no kona holo moho, aka e noonoo ana oia, mamua o kona hoike ana ae i ke akea, i kana mea e hana ai. Ma ka hoakaka a Kiaaina Farrington, no na mea e pili xma i ke kanaka e pani ae ana, ma ke kulana makai kiekie no ke Teritore, aohe'ana mea i hookohu i keia manawa, aka nae, me he niea la, e hookohu aku ana oia, mamua ae o ka manawa e waiho loa iho ai o Mr. Jarrett, i ka noho makai kiekie ana no ke Teritore.