Ka Nupepa Kuokoa, Volume LXI, Number 26, 29 June 1922 — HE MAU HOAKAKA KU I KA NAAUAO [ARTICLE]

HE MAU HOAKAKA KU I KA NAAUAO

Eia me kakou ka Loea Elwood Mead, ke poo o ka papa hookuonoono aina o Kaleponi, iloko o keia mau la, o kona hoi ana mai nei no ia, mai kana huakai makaikai aku nei i na aina hoopulapula ma Hawaii, me kona makaikai pu ana i na aina hookuonoono ma Waiakea. 0 na manao hoakaka o keia loea hookuonoono aina, aole ia i hookahuaia malalo o na kumu oiaio ole, aka no kona ike mai, e pono ai i ko Hawaii nei poe, ke nana aku, a lawe mai ia mau me na manao hiipoi. Ua kaokoa loa na manao hoakaka o keia loea, no ke kumu i holomua ole ai o ka poe e noho mai nei ma na aina hookuonoono, me ko kakou mau alakai kalaiaina maanei nei, a malia e ike i'o aku ana kakou i ka hopena holomua, ke laweia mai kana mau hoakaka e kakou, a hana aku i na hoololi ana, i ko kakou kanawai hookuonoono e ku nei i keia manawa. 1 wahi e holomua ai ka hana hookuonoono ma Hawaii nei, wahi ana, e hololiia ke kanawai hookuonoono elike me keia: 1. E hoololiia ke ano oka haawi ana ina aina hookuonoono, aole ma ka huki helu ana, elike me ia i hana mau ia maanei, aka ma ka haawi maoli ana aku no i ka poe i ikeia, a i manaoia ko lakou kupono. , 2. E hoemiia mai na eka aina e haawiia ika mea hookuonoono, ma ia ano e hiki pono ai iaia ke malama i ka aina, e waiho ole mai ai kekahi mau eka aina nui, me ka hiki ole e hoohanaia aku. 3. E haawi aku ke aupuni i dala i ka mea hookuonoono, ma ke ano kokua, i hiki ai e loaa ka holomua iaia, aole o ka waiho wale aku iaia, e lilo i mea noho aie, malalo o ka mahiko, a o ka hanako hoopukapuka dala paha. • Malalo o ke kumu ekahi, wahi a ka Loea Elwood Mead, mamuli o kela ano kahiko o ka huki aina ana, ua aeia aku kela ame keia mea, e huki aina hookuonoono, me ka nana ole ia, ina paha he makemake i o lakou i na aina hookuonoono, a i ole ua makemake wale aku no paha ma ke ano hoopukapuka. Ua haawiia aku na aina hookūonoono i ka poe nui o ke dala, a hooneleia aku la he heluna nui o ka poe ilihune, oiai nae o lakou ka poe i manaoia, e holomua ma kela mau aina hookuonoono. Ma ka manao maoli o keia loea hookuonoono aina, e hoopau loa ia kela hana huki ma ka helu, aka e haawi maoli ia aku no na aina, i ka poe e ikeia ana, o lakou ka i kupono e hoi a hana aku i kela mau aina, aole o ka poe i kauka'i aku, na ha'i e hana mai, nfamuli o ka ukuia aku i C:e dala. Mai ka umi a ka um-kumamalima ka nui o na eka e pono e haawiia i ka mea hookuonoono, o keia ka heluna eka i kupono nona, o ka haawi ana aku a oi mamua o kela heluna eka, e konoia ana ka mea hookuonoono, e waiho aku i kona aina, malalo o ka hoolimalima na ha'i e hana mai, ina pela iho la ke ano o ka haawi ana aku i na aina i ka poe hookuonoono, wahi a keia loea, aole ia he hookuonoono. I wahi nae e holomua ai ka mea hookuonoono, e lilo ke aupuni, i mea kokua aku iaia, ma ka hoolako ana i ke dala, aole hoi o ka hookuu wale aku no i ka mea hookuonoono e hana nona iho, o keia ke kumu pilikia, a holomua ole o ke ano o ka hookuonoono ana e ikeia nei i keia manawa ma Hawaii nei. He mau manao hoakaka keia i loaa ole ka ike i ko Hawaii nei poe, o keia ka pilikia nui, i holomua ole ai o ka hana hookuonoono; a ina e laweia mai keia mau manao hoakaka, a hookoia aku e koonei poe, alaila he hookahi wale no alahele e hiki ai, o ia ka hoololiia ae o ke kanawai hookuonoono, e ku nei i keia manawa, ma ia ano auanei, e loaa maoli ai ka poe : makemake i'o i mau home hookuonoono no lakou, me ka noho e hana kino i ko lakou mau aina, aole o ke kauka'i aku, ma ka hooiimalima ana i na Kepani, a i na lahui e ae, «e loaa mai ai na pomaikai ia lakou.