Ka Nupepa Kuokoa, Volume LXI, Number 26, 29 June 1922 — E NOII PONO IA KA OIAIO [ARTICLE]

E NOII PONO IA KA OIAIO

Ua.hoike ae nei ka Lunakiai Eben Low, kekahi lala o ke komite o ka papa lunakiai o ke Kulanakauhale ,a Kalana o Honolulu nei, 110 ka noii pono ana i ke kulana o ka makeke kulanakauhale, aia kekahi mau lawelawe hana hemahema ma ka aoao o ka poe na laku e malama nei i ka makeke, ina o kei ka mea pololei maoli, alaila he kuleana nui ko ka lehulehu e ike ai i na mea apau, me ka lawelawe ole ia o na hana hoopilimeaai, oiai ke kau aku nei na manao o ka lehulehu, maluna 0 keia makeke, ma ke ano he wahi ia e kuai hooliloia aku ai na waiwai, a ko kakou poe hookuonoono, a malaila pu no hoi e loaa ai na kumukuai makepono, i ka lehulehu. Ua makemake kakou, e oili ae na mea oiaiō e lawelaweia mai nei, aole o na mea oiaio ole, a koho wale aku; a ina e hiki ana ke hooiaioia, no ka lawelaweia o na hana epa ma ka makeke kulanakauhale, no ka pomaikai wale no o ka poe, na lakou e hoohana nei i kela makeke, alaila ua hoea mai, i ka manawa e hoopauia aku ai ka poe pololei ole, a e hoonohoia aku ai, ka poe kupono ma ia wahi. Aia he mau kumu kupono loa, no ka huli pono ia aku o na mea oiaio, e pili ana i ka hoohalahala a kekahi makaainana o Maui, no kana mau kakini huamoa i houna mai ai i ka makeke kulanakauhale. Oka poe hookuonoono o kakou, i hoolilo nui 1 ko lakou manawa ma ka hooulu ana i ka lakoil mau meaulu, a ma ka hanai ana paha i ka lakou mau holoholona, ua kauka'i mai lakou, no ka pono o ia mau mea, malalo o ka hoohana ana a ka makeke kulanakauhale, nolaila, aia a loaa na hooia ana, e loaa ana he pomaikai ia lakou ma ka hoouna ana mai i ka makeke kulanakauhale, alaila hiki ia lakou ke hoomau aku i ka ]akou mau hana mi pomaikai ina aole pela, alaila ua oi ae ko lakou huli ana aku, i na wahi e ae, e lilo aku ai ka lakou mau waiwai. Ua kukuluia ka makeke kulanakauhale, no ka makee aku i ka poe hookuonoono, a no ka imi ana, i alahele, e hoemiia mai ai no hoi na kumukuai, o na meaai, i papalua a i papakolu iho ko lakou mau kumukuai, e hooliloia mai ai i ka lehulehu ,e ka poe hoopukapuka, i nana wale no i ko lakou pono, nolaila, aia wale no, a honohoia ae ka poe, i Aiakee i ka pono laula, o ka lehulehu, alaila, liiki e ku keia makeke ma ke kulana nolomua, ina aole pela, ua aneane maoli e makehewa ke ku ana, he makeke o keia ano, malalo. o na hoolilo o ke aupuni kulanakauhale. ICe waiho nei he hihia hewa, no kekahi mea, i noho hana mua no keia makeke; aole kakou i makemake, e mau aku ke ku ana anie ka hoohanaia ana o keia'makeke, ma ke ano epa; no keia kumu la, ua ili iho ke ko'iko'i maluna o ka papa o na lunakiai ame ka meia, ka huli ana aku i ka mea oiaio loa; a ina no ka pili i ke ano epa i'o na hana e lawelaweia mai nei, e kapae aku i ka poe kupono ole, a e paniia ae na makalua o ia poe, e ka poe hou; a ina no hoi, aole i pili aku ka hewa ia lakou, alaila e hoauhee loa ia ae na kumu hoohalahala apau mai ia lakou ae. He hookahi mea ano nui, a ano heu no hoi, iloko o keia noho ana, o ka aha paeaina i keia kau ma Oahu nei, o ia- no ka hoomanao kenekulia, no ka luakini o Kawaiahao, e hoomaka ana ma keia Sabati iho. I mea nae e hoohuikau ole ia ai ka manao o na Hawaii no keia hoomanao kenekulia, aole ia no ka luakini e ku nei i keia wa, aka no ka luakini mua, i kukuluia ma ke kahua o ka luakini e ku nei, he elua makahiki, mahope iho oka pae ana mai o na misionari mua loa no Hawaii nei. He mea ano nui loa keia, ma ka moolelo o na hana pili hoomana maanei nei, e pono ai e hoomanaoia e na Hawaii, ma ka hoea k*ino ana ae, no ke komo pu ana ma na hana e malamaia ana no keia hana hoomanao kenekulia.

Ua hoopau mai nei ka papa lunakiai o Hawaii i kekahi mau limahana o ke kalana no ka hoemi ana mai i na hoolilo, o ke aupuni, he hana kupono no kela, pela no ka pokepoke hou ana mai i na ukuhana, o kekahi poe. E lilo ka hana*a ke kalana o Hawaii, i kumu hoohalike na na kalana e ae, iloko o ka manawa e ikeia ana, ke kulana kupilikii o na kalana o kakou.