Ka Nupepa Kuokoa, Volume LXI, Number 26, 29 June 1922 — Pakele ka Pau o Kekahi Makai Mai ka Hana Mai Haawi Hou ke Komisina Makai ia Jseph Lii i Manawa e Hookupono Ai Iaia NO KA ONA KE KUMU I HOOPIIIA AI OIA Ae Okoa ka Makai i Kona Hewa me Kona A'oia Ana Mai Aole e Hana Hou [ARTICLE]

Pakele ka Pau o Kekahi Makai Mai ka Hana Mai

Haawi Hou ke Komisina Makai ia Jseph Lii i Manawa e Hookupono Ai Iaia

NO KA ONA KE KUMU I HOOPIIIA AI OIA

Ae Okoa ka Makai i Kona Hewa me Kona A'oia Ana Mai Aole e Hana Hou

Ma ka po o ka Poaha o ka pule aku nei i hala, i hoopuka ae ai ke komiaina makai i kana olelo hooholo, e kapae ana i ka Makai Joseph Lii, mai ka hana aku, mai ka la 13 mai nei o ka mahine o lune, ahiki i ka pau ana o keia mahina, a mahope aku o ia manawa, e hoi hou aku ai oia i ka hana. 0 ko kumu hoopii hoohalahala i waihoia ae imua o ke komieina makai, e ku-e ana ia Joseph Lii, o ia no kona ona, oiai ma kana oihana, Sabati, ka la 11 o lune, ma ka hora umi o ke kakuhiaka. Ma ka oleloia, ua ona ka Makai Lii, me kona hoohaunaele pu, ma ke alanui Moi, e kokoke ana i ka pauma ma Kapalama ae nei, a i ka waihoia ana aku o kela lohe i ka Makaf Nui Asch, ua kapae aku oia i ka makai ona, me ka waiho ana ae hoi i ke kumu hoopii lioohalahala t imua o ke komisina makai. Ua hoea ae ka Loio James K. Jarrett, imua o ke komisina makai, ma kela po, no ke kupale ana i ka makai i hoopaiia; me kona hooia ana aku, ua pili ka liewa ona ia Joseph Lii, aka nae ua uwalo aku oia imua o ke komiaina, me ka olelo ana, o kela ka manawa niua loa, i ikeia ai ka ona o kela maleai, no ia kumu, e liaawiia mai iaia he mau a'o ana, a ina oia e hana hou ana i kela hewa no ka elua o ka manawa, alaila ia wa e hoopau loa aku ai iaia. Ua hooikaika no ka pono o ka makai i ho'opiiia, nio' ka hoakaka pu ana aku, he ewalu makaliiki a Joseph Lii, o ka noho hana ana iloko o ka oihaua makai, a iloko o leela mau makahiki, ua malama pono, a ua hooko oia i na hana apau i pili i kana oihana. Ua hooiaioia mai kela mau hoakaka a Mr. Jarrett e Kapena S. B. Poaha, o ka oihana makai, a o i|r. D. Kahaulelio kekahi i olelo ae, no kona kamaaina i ka Makai Lii mai kona Ava opiopio mai, o kela no nae ka manawa mua loa ana i ike ai i kona hooko pono ole i kana liana. O Mr. Kahaulelio, ka mea nana i waiho ae i na kumu hoohalahala no na hana a kela makai imua o ka Makai Nui Asch. Malalo iho la o kela mau oleloike, no ke ano o ka moolelo o ko Joseph Lii paa ana i ka oihana, i kukakuka ai na komisina makai, a hooholo, e kapae wale aku no i ka makai i hoopiiia mai, ahiki i ka la hope o keia mahina o lune, me ka haawiia ana aku nae o na a'o ikaika ana i kela makai, aole oia ō liana hou aku i kela ano hewa hookahi, ma keia mua aku.