Ka Nupepa Kuokoa, Volume LXI, Number 26, 29 June 1922 — Ma Kawaiahao Ka Hookuku o na Papa Himeni Ma ka Po o Keia Poalima Iho e Loheia Ai na Puukani Himeni o na Mokupuni ME NA TIKIKI WALE NO E KOMO AI ILOKO He Hoike Kula Sabati Kekahi o na Papa Kula Sabati Like Ole ma ka Poaono [ARTICLE]

Ma Kawaiahao Ka Hookuku o na Papa Himeni

Ma ka Po o Keia Poalima Iho e Loheia Ai na Puukani Himeni o na Mokupuni

ME NA TIKIKI WALE NO E KOMO AI ILOKO

He Hoike Kula Sabati Kekahi o na Papa Kula Sabati Like Ole ma ka Poaono

Maloko o ka Luakini o Kawaiahao, ma ka po o keia Poalima iho, e malamaia ae ana lie mau hana hookuku himeni, e na papa himeni, o na mokupuni like ole, i hoea mai nei no ke kulanakauhale nei ma keia kau o ka ahahui Paeaina. He hana maa no keia i nialama mau ia i na wa ae nei i hala, e noho ai ka aha Paeaina ma Oahu nei, me ka piha ohohia o ka lehulehu i kela hana, no ia piha ohohia ia, aole no e nele ana ka piha oloko o ka luakini, i ka lehulehu 0 ka poe makaikai, i ake e lohe pono, i na himeni mai kela mau papa himeni mai. Ma keia hookuku liimeni ana nae, me na tikiki e hiki ai i ka lehulehu ke komo iloko, e hoolohe ai 1 na himeni, mai ka elua dala, ke dala hapalua ame hookahi dala o ke tikiki, he kaki nae i manaoia aole i poho, no lea mea e loheia aifa na himeni nani loa, mai na papa himeni like ole mai, a o na himeni e meleia mai ana, he mau himeni ia i lohe mau ole ia ka lohe ana ma keia kulanakauhale. Ma na mea i hoikeia mai i keia keena, o Tandy (Kaohu) MaoKenzie kekahi e himeni mai ana ma kela po, kela keiki Hawaii puukani e kaulana nei, nana i hoonaueue aku i ka puuwai o ko Honolulu nei poe, ma na ahamele ana i wehe ae ai maloko o ka Halekfcaka /; a o ka poe i lohe ole i kona himeni ana, e loaa ana keia pomaileai ia lakou, ma ka hoea kino ana ae, ma kela po hookuku o na papa himeni, ma ka po o keia Poalima. Ua manaoia, e piha ana oloko o Kawaiahao ma kela po, aka i wahi e maopopo ai na wahi noho, o ka eleu no ka lanakila, ma ka hele e ana ae e kii i na tikiki i keia manawa i na komite kuai tikiki ma Kawaiahao, a i ole e kelepona ae i ka Rcv. Akaiko Akana, mawaena o ka hora eiwa o ke kakahiaka, ame ka hora eha o ka auwina la. Ma ka Poaono ae, lulai 1, e malamaia ai na hana hoike Kula Sabati o na mokupuni like ole, maloko no 0 ka Luakini o Kawaiahao, e hoomaka ana na hana hoike ma ka hora eiwa me ka hapa o ke kakahiaka. Aole he kaki no ka hele ana ae e nana i na hana hoike ma ia la, ua noa i na mea apau, o ka hoea ae no nae i ka wa kupono, ka nani loa, 1 loaa na wahj kupono e noho ai, no ka mea e loheia ana no na himeni nani loa, mai na Kula Sabati niai, ma ia la. Ma ke Sabati ae hoi, lulai 2, e malamaia ae ana na hana hoomanao kenekulia o Kawaiahao, e hoomaka ana ma ka hapalua o ka liora umi o ke kakahiaka. He hoomanao ano nui loa keia, no ka mea o ka piha ana iho la keia o ka hookahi haneri makahiki o ke ku ana o keia luakini kahiko loa, ma liawaii nei.

LOS ANGELES, lune 20.—0 ka Rev. Donal Stewart, he mea hana hoole waiona, a o ke kanaka hoi i haawiia aku ka mahalo no ka hoopau ana i na apana i hookaawaleia maloko o kekahi mau kaona lehulehu o Kaleponi, a o ka mea hoi nana i haku i kekahi mele, "E hoolilo kakou ia Kaleponi i mokuaina ku-e waiona", ua liopuia oia ma k'a po aku la i hala. Ua hoopiiia ae oia no ka hewa mare lehulehu maloko o na mokuaia lehulehu me ka epa ana i kana mau wahine i kekahi mau kaukani dala lehulehu. LOS ANGELES lune 22,—Ua ol«. Io ae o Kebert Browne, o Donald Steward, kekahi inoa, he kahunapule i hopiiia no ka hewa mare lehulehu, ma ka ka po nei, aole i maopopo iaia, kana wahine ku i ke kanawai. Wahi ana, ua mare aku oia i kana wahine elua, mamua o ke kaawale ana mai kana wahine mua mai, a he elua ana mau wahine-i mare hou ai. lilLO, lune 24.—Ma ka po nei i pau ai ka home o Virginia Hucst i ike ahi. Aohe wai e hiki ai ke ki'nai aku i ke ahi. Ua hoomalamalama maoli ia ka aoao e huli kuaaina mamuli o kela ahi.