Ka Nupepa Kuokoa, Volume LXI, Number 28, 13 July 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HUAKAʻI MAKAIKAI

                        NO KAUPO, MAUI

            (HOOMAUIA MAI.)

 

Poalima, Mei 5. I keia kakahiaka nui wale no ko maua ala ana ae, a hooponopono iho la i na mea liilii, e lawe ai ma ka huakaihele o ia la.

            Kani ka hora chiku, ai ko makou paina kakahiaka. Pau ka ai ana, ua hele aku o Joseph Marciel e hauhoa i na lio o makou, no ka hele ana i kai o Nu'u, no ka nana hou ana i na ki'i pōhaku. I kēia manawa no hoi ke ua li'ili'i nei. Kani ka hora eiwa; ha'alele o Keneki, Joseph Marciel ame k meakakau i ka hale maluna o na lio. Ia makou e hele nei, ua 'ōlelo mai ko maua hoa, aia he wahi ana, 'ā'ole no i mamao loa mai ka hale aku, kahi i kanuia ai ka poe moe leop o ke au i hala.

            Ua 'ōlelo aku o Keneki, e hele makou malaila, no ka mea, ua makemake oia e ike ia wahi. 'A'ohe i loihi ia hele ana aku, hiki ana makou i kahi o ua wahi ana nei. O Papa'akeana ka inoa o kēia wahi. Aia keia ana ma ka aoao o kekahi wahi ano kiekiena, kohu ano pu'u. Ua lele iho makou ilalo a naki'i na lio i ka la'au nahelehele. Ua alaka'i aku ko maua hoa i kahi o ka puka, ua paniia i ka pohaku, a ho'omaka makou e wehe mai i ka pōhaku. Ia makou e hana nei iloko o ka ua li'ili'i, hele mai ana he wahine me ke kane e pa'a ana he bebe li'ili'i maiuna o na lio, a kahea mai la ke kane ia makou heaha la ka makou hana malaila. Ua 'ōlelo aku o Joseph Marciel e nana ana makou i ke ana o ka peo lepo, a ua hele mai laua i ko makou wahi e hana ana, no ka nana pu ana i kēia ana.

            I ka pau ana ia makou o ka pōhaku i ka wehe, ua nana aku makou iloko o ke ana, e waiho mai ana na iwi o ia mau kini kama'āina me ka maikai, ame kekahi mau mea o ka hoomoe pu ia ana. He malumalu maikai keia o lakou, a e kali ana i ka ole a ka anela, no ka hoala hou ana mai i ka poe make.

            Pau keia nana ana, ua pani hou īho no makou i ka puka me ka pohaku, elike no me mamua. A pau no hoi keia wahī hana liʻiliʻi, ua hoʻomau aku makou nomua, a hele no hoi na kamaʻāina ma ko laua alahele no Kaupo. Ua hele mai makou ahiki i kekahi wahi o Keanawai ka inoa, mauka iho o ke alanui kokoke i ka puʻu. Maanei he wahi kahuahale nani, a ua lele iho o Keneki ama Joseph Marciel ilalo, no ka nana pono ana ame ke ana ana i keia kahuahale.

            He 43 kapuai ka loihi a he 20 kapuai ka laula o keia kahuahale a ua haliiia me ka pohaku iliili maikai o kahakai. O ia mau no ka maikai o ka waiho ana o keia kahuahale, ame he mea la i nehinei no ka hanaia ana. ʻAʻole makou i loihi loa naanei a hele hou no. I ko makou hiki ana mai ilalo o ka puu, mahope mai o Nuu, ua haalele iho makou i ke alanui e hele pololei ana i kauhale, a hele aku la makou ilu… o ke a-pele no ka nana ana i ke alanui hele pa-ala a kahiko i hana ai. ʻAʻole loihi o ia hele ana aku hiki mai makou iluna pono o ua alanui hele nei.

            O keia alanui, ua hoomaka mai ke awapae mai i ke komohana, a e holo ana i ka hikina i Nuʻu ponoi, i kahi o kauhale. He hapalua mile paha a oi ka loihi o keia alanui, a he ehiku kapuai ke akea, a ua hiki hoi ke holoia e ke kaa lio. Ua haliiia keia alanui me ke a-pele ka pohaku pa-ala maikai.

            Ua 'ōlelo mai ko maua hoa i kona lohe na kekahi aliʻi i hana keia alanui. Ua kuhikuhi mai ʻoia ia maua … kahi o ka wai a wau, a ʻōlelo mai eia aia a hoi mai mākou, no laila ko mākou alahele makaikai. Maanei huli hou makou ihope mā keia alanui no, ahiki mai i kauhale. E hiʻa upena ana ia mau kamaʻāina, a o ke aloha wale no ka i haʻawi aku, a hele loa no ma kahakai aku, ahiki i kahi o ke kakai pali pohaku. Nakii na lio maanei, a hoomaka no ka hana.

            O keia wahi, ua kokoke loa i ke kai, mai ka 50 a 75 kapuai ka mamao. Mai ka 10 a 20 kapuai ke kiekie o keia kipapali phaku. He pohaku paakiki loa keia, ua like me ka pohaku kukulu hale o Honolulu nei, ano a-al, ʻaʻole he pohaku pele.

            He nui loa ke kiʻi maanei, he 100 paha a oi ka nui. He 150 kapuai paha o ka pali i paa i ke kii, a he nui aku no paha ke kiʻi ma kekahi mau wahi aku o keia kipapali, ʻaʻole nai makou i hoao e huli papa aku.

            O kekahi mau kili ua kalaiia i ka pali he 6 a 7 kapuai ke kiekie mai ka honua ae, e hiki ole ai hoi i kamalii e hana pela, in a kakou e ʻōlelo ae, na lakou i hana keia mau kii.

            Ma kekahi wahi, ua elieli iho makou he eono iniha iloko o ka lepo, a loaʻa he kii malaila. Ina paha he mau kapala ka makou, a e eli a hohonu loa ilalo, o ka manao o ka meakakau, e laoaʻa no he mau kii hou aku. O keia loaʻa ana o ke kii ilooko o ka lepo, hoike ana mai ia, ua paa keia mau kii i ka lepo mailuna mai o ka pali, i ka wa paha e ua ai, a nolaila ua kahiko maoli keia mau kii.

            He nui loa na kii i penaia me ka alae, a o kekahi mau kii, ua kali wale ia iho no. He hookahi kii i kimomoia. He mua kii kahiko loa kekahi ma ke ano ke nana iho, a o kekahi mau kii, ʻaʻole no i ano kahiko loa. He hookahi kii nui loa, he 15 iniha paha ke kiekie. O ke kii kanaka ka nui a penei ke ano: he kanaka e ano holo heihei a kukini ana paha, kanaka i ke kula hakaka a lua paha, kamaka me ke o iʻa, he lawaiʻa paha, kanaka e haa ana i ka hula, he kumu hula paha, kii ilio, kii peʻa o kahakai, kii ano puhi, kii lupe hihimanu, ame kekahi mau kii o ae i maopopo ole ia makou ko lakou ana. He mau kahakaha kekahi i like me ka hua Pake a i ole Kepani. Ua poho iho makou i keia mau kii a paa i ke poho paʻi ke kii.  (ʻAʻole i pau)

Ka ʻ u me Aloha he wahine ua hala.

            Mr. Solomon Hanohano, Luna hoo ponopono, o ke Kuokoa, aloha oe: - E ʻoluʻolu mai ʻoe noʻu kauwahi kaawale o ka kaua hiwahiwa, ka ipukukui pio ole i na kau a kau, ka mea nana e uwila aku apuni na moku, i ike mami ai oʻu mau kini lehulehu e noho ana mai ka la puka, mai ma Kumukahi, a kiei aku i ka mole o Lehua, no kaʻu mea aloha he wahine.

            Ua haalele mai kuu wahine aloha iaʻu ame na keiki a maua, i ka la 10, o ka mahina o Iune, 1922.

            Ua hanauia kaʻu wahine aloha Mrs. Hattie Kaaihue Kanekoa, ma Kipahulu, Maui, i ka la 10, o Maraki, 1898, mai ka puhaka mai o Kaaihue Lepo (k) ame Akahi Keala (w), nolaila ua piha iaia na makahiki he 24 ame na mahina ekolu o kona hanu ana i ka ea huʻihuʻi o keia ola ana.

            Ua hoohuiia maua ma ka berita maemae o ka mare i ka la 11 o Ianuari 19911.

            Mailoko mai o ko maua puhaka i hanau mai ai he elima keiki, hookahi keiki i hala mua ma kela ao, he kaikamahine ka maua hiapo, a koe mai eha e ola nei, he mau keikikane wale no.

            Ua hanau mai oia i ka maua keiki hope loa, i ka la 14, o Mei 19922, iloko o kona mau la nawaliwali.

            Ua hoomailo ka maʻi maluna on a, mai ka mahina mai o Maraki, ahiki wale no i kona hele ana aku la.

            He wahinealoha ʻohana; he puuwai hamama i ka poe apau e kipa mai ana i ko maua home.

            He wahine hoomauawanui iloko o ka hune ame ka nele.

            He wahine hoopono, he lala oia no ka ekalesia o Iesu Kristo o ka Poe Hoano o na La Hope nei; a he hoa kuka oia no ka hui Manawaleʻa, he kumukula no hoi no na pokiʻi o ke Kula Sabati.

            Ua lilo oia i mea nui i ka poe apau i kamaʻāina iaia; mamuli o koaa ano maikai he nui, ua lilo kana mau hana maikai i mea naʻu e poina ole ai i na la apau o koʻu ola ana.

            Nolaila ke haawi aku nei au i koʻu hooomaikai, i na hoaloha ame ka ʻohana, no ka lakou mau makana pua i lu iho maluna o kaʻu mea aloha, a i puulu pu me aʻu ia mau hora o ka luʻuluʻu ame ke kaumaha.

            Ke pule nei au i ke Akua, Nana no e hoomama mai i koʻu mau luuluu apau, ma ka inoa o ko kakou Haku aloha, Iesu Kristo, amene.

            Maluna o ka Lunahooponopono koʻu aloha hope ame kona mau keki honohohua kepau o ka papapaʻi koʻu welina pau ole.

            Owau iho no, ke kaue wahinemake me na keiki.

            CHAS. K. KANEKOA SR.,

            CHAS. K. KANEKOA JR.,

            WILLIE K KANEKOA,

            SAMUEL K. KANEKOA,

            JOHN K. KANEKOA,

Nahiku, Maui, T. H.

 

HE MANO HOAKAKA.

 

            I ka Lunahoʻoponopono o ke Kilohana o ka Lahui; ʻOluʻolu mai ʻoe no kau wahi owili lei lehua, kekahi wahi kaʻawale o ka kaua hiwahiwa, i hʻokahi pu hoi ka lei like ana o na mokupuni apau, a ohuohu like hoi i ka lehua kaulana o Panaʻewa.

            E na mana koho baloka, e noho ana mai ka la welo ae i Lehua, a ka la puka mai ma Kumukahi, kahi hoi o ka moho elele, a kou meakakau e nanea ana i ka Ua Kani lehua, mamuli o koʻu ike ana iho i na manao wehewehe o kekahi makamaka ma ka Nupepa Kuokoa o ka la 15 o Iune, e wehewehe ana i ke kulana o ka moho elele kupono e alualu ai i ke kulana Elele.

            Ua nui koʻu mau manao mahalo no kau mau manao wehewehe mahalo no kau mau manao wehewehe e D. K. Kaonohilani nolaila ke waiho haʻahaʻa aku nei hoi au, i ka inoa o Nomana Kalanilehua Laimana i moho elele na kaua no keia kau e hiki mai ana, ke manao nei au no keia inoa aʻu e waiho aku nei imua ou, a imua o ka lehulehu, oia kekahi o na inoa kupono loa, oiai o kekahi mau mahele ano nui iloko o kau mau kukulu manao ana, ua loaʻa ia i ka mea nona ka inoa aʻu i hoakaka ae la maluna, o ia keia, he kanaka oia i noho iloko o na hana kaukanawai o ko kakou ahaolelo, no kekahi mau Kau, a ua hoao oia e hana i ka pono kaulike o na mokupuni apau, no ka hana ana i ka pono o na makaʻāinana o ua mau mokupuni la, oiai oia e noho ana maloko o ka Hale Ahaolelo o Hawaii.

            He kanaka opio makaʻala, o oi loa aku, ua lawa kona ike kanawai e lilo ai i kukui hoʻomalamalama no kona alahele, ma ke kulana Elele i Wakinekona, no ke kiai ana i kou pono e Hawaii.

            O keia ka ike poʻokela nui loa, e pono e loaʻa i ka mea e alualu ana i ke kulana elele, no ka mea, me ia makaukau e loaʻa ʻai iaia na mea e holomua ai kana hana, a in a kakou e hoʻouna ana i kanaka, i mahele ole ma ia ano, alaila e holopono ole ana kana hana.

            ʻAʻole au e hoina ana i kekahi mau hoa e ae, e manao ana e alualu i ke kulana elele, aka, e haokaka ana au i ke kulana o kau inoa, no ke kulana elele, oia o Nomana Kalnilehua Laimana, no konoa kulana o ka noho lawelawe hana ana, he kulana makaʻala, a he eleu pu, ʻaʻole no paha i nele ka loaʻa o na hemahema iaia ma kekahi mau mea aka, he mea maʻamau no ia e ikeia nei, pela no na mauna o kakou i kahi manawa o Mauna Kea ke nanaia aku ua paʻa ka ohu, pela no ke kanaka ʻaʻole kanaka i nele i ke kauia e ka ohu o na hemaheam, no laila o ka mea wale no i kaʻawale mai ia mau hemahema aku, oia no ke Keiki i hanauia ai maloko o ka hale hanai holoholona o kahi kauhale o Iudea.

            E kuʻu hoaloha maikai D. K. Kaonohilani, ua iini nui au ma keia kukulu manao ana, e lilo pu ana kaua i mau kanaka i iini nui i ke kaulike ma keia ninau elele, a o ia keia. Ma ka moʻōlelo o ko kakou Elele Aliʻi aloha Hon. J. K. Kalanianaole, ua hanauia oia ma kahi Mokupuni uuku o Kauai o Manokalanipo, no laila e ike mai oe ua loaʻa i ua wahi mokupuni la ka hanohano, no ke kulana elele. A oiai ma Oʻahu o Kuhihewa oia i noho ai i ka hapanui o kona ola ana, a ua hoʻhanohano pu ia ka mokupuni o Oʻahu eia no ke kulana elele pu aneane a piha na makahiki he 20.

            Nolaila ʻaʻole e hiki i ka mokupuni o Oʻahu ke ʻōlelo mai, ʻaʻole pu oia i lei i ka hanohano o ke kulana elele. Ma ka hala ana aku o ko kakou elele aloha Hon. J. K. Kalanianaole ma kela aoao mau o ka honua, ua kau aku hoi ka hanohano o ke kulana elele maluna o ka mokupuni o Maui o Kama, ma o ko Hon. H. A. Balawina kohoia ana ma ke kulana elele, a i keia la, ke lei haʻaheo nei o Maui i ka Lei Roselani o ke kulana elele.

            Oiai hoi ua loaʻa mai la ka lono oiaio loa, ʻaʻole o Hon. H. A. Balawina e holo hou ana i ke kulana elele, no laila, e kuʻu hoa kakele o ka makasila D. K. Kaonohilani, ame na mana koho baloka apauni keia Teritore ke makemake kakou no ke kaulike o keia hanohano i na mokupuni o kakou, ke nonoi nei au ma ka inoa o ke Akua o ke kaulike e haawiia hoi ia hanohano o ke kulana Elele, i ka mokupuni o Hawaii Nui O Keawe, ma ia hana ana, ua haawiia na manao kaulike i na mokupuni apau, a o ka moho au e puana ae ai i kona inoa na kaua, a na kakou e koho me na manao lokai i elele no Hawaii, oia no ka Hon. Nomana Kalnilehua, Laimana, me kuu manolana, in a no kona kohoia a puka no ke kulana Elele, e hoao ana oia ma na ano apau, e loaʻa ia Hawaii na pono no kona mau hana like ole, a oi loa aku, e ike mai ana na makua o kakou, oia ka poe kaukanawai i hoʻike moakaka mai ai elko me ka loihi, a oukou e hoʻouna ae ai i kekahi kanaka Hawaii i elele no oukou pela, no makou e ike mai ai, aia no iloko o ko lima ka mana hoʻoponopono, o ko oukou aina.

            Nolaila, ua hiki mai ko kakou manawa e ku ai a nana i kela mau ʻōlelo kauoha a ko kakou mau makua kau kanawai Amerika Huipuia.

            Me kua manaolana e kaulike ana ko kaua mau manao @ o keia ninau Elele, a ke nonoi ae nei au i na Mana Lani,  e haawi mai ia kakou i na manao kaulike no kiea ninau Elele.

            Ke hooki nei au maanei, a ke haawi pu aku nei i ko'u aloha lululima pu me oe e D.K. Kaonohilani.

            Kaua no a mau,

                        KA UA KANILEHUA,

NA MEAHOU MA KA EKALESIA O PAIA, MAUI.

            Solomon Hanohano; Aloha pumehana kaua: --E oluolu mai kou ahonui e hookomo iho i na meahou o keia mau la, o na hana hoonee iloko o ka ekalasia o Paia e nee nei.

            Ma keia Sabati, o Iune 18, A. D. 1992, e malamaia ae ai ka Papa Ahaaina a ka Haku e ke kahu o keia Ekalaesia, Rev. Moses M. Kahiapo. Na hua maikai i loaa mai he umikumamakahi (11) ka nui o na hoahanau i hookomoia i ka Ekalesia ma keia Sabati, ame 4 bebe i bapetizoia.

            Ka nui o na Lunakahiko kane i poniia i mau lunakahiko hou no keia makahiki e nee nei, he 4 makuakane ame 2 makuahine, huina 6.

            Na hoike i loaa mai i ke keena o na hana Misiona Kuloko, o keia Ekalesia, mai ka Haiolelo John Kukahiko mai o Honolua ame Honokohau, aia keia mau apana ke nee la na hana imua. Ke kulana o kona kihapai, he maikai. Na loaa ahamele i hoikeia mai, he $386.00, no na lilo kaahele o na Elele i ka Paeaina.

            Ka hoike i loaa mai, mai ka Haiolelo I. D. Kealoha mai o ka Ekalesia o Huelo, Maui. Eia keia kihapai ke nee nei imua o keia mau la. Ua malamaia ka papaahaaina a ka Haku e ke Kahu Moses M. Kahiapo.

            Hookomoia i ke Ekalaseia he hookahi hoahanau hou, hookahi bapetizo ame hookahi Lunakahiko i poniia. Hooholo ae keia Ekalesia e haawi i ko lakou Haiolelo i mau kokua paamau nona, i kela ame keia mahina.

            E hoomaikai nui loa ia ka inoa o Iehova Sabaota, ke Keiki ame ka mana o Kona Uhane Hemolele; Amene.

            Haawi i ke ke aloha hope ia oe e Mr. Lunahooponopono ame na keiki o ka papapa'i.

                        JAMES KAHAAWINUI,

            Kakauolelo Misiona Kuloko âme Kuwaho Ekalesia o Paia, Maui T.H.

 

            SAN ANTONIA, Texas, Iune 29--He ekolu mau koa a'o lele mokulele i make i nehinei, i ka manawa i hale ai ko lakou mokulele mai kahi kiekie mai o 200 kapuai maanei nei.

 

            NA LETA KII OLE IA MAI AHIHI I IULAI 8, 1922.

Aiona, Annie               Keohokalole, Moses D.K.

Aki, Lonokapu            Kuai, John M.

Akui, Geo. E.              Kulaia, Mrs. Lydia

Kealoha, Peter             Lonoehu, John

Keanu, Lucy               Lukela, David

Keawe, Albert             Malakaua, Mrs. Pikula

Keiki, Mas. Louis        Makahio, John

Kealo, Rose                 Makalii, Mas. J.

Alan, Mrs. Lily K.       Moepono, Ahia

Alapa, Eunice              Nule, Mrs. R.E.

Apio, Mrs. S.               Paia, William (2)

Eleni, Mr.                    Palea, Mrs. Eugenie

Inaina, Moses K.

Kapoko, Mrs Rose A

 

            E ninau mai ma na leta i hoolahaia ke kii mai.

                        D. H. MacADAM,

                                                Luneleta

 

He Mana Hoonee Nui No Na Kaa Otomobile Nui

            E wae oe i kou kaa me ka makaala loa no ka Maikai ame ka Mana.. E wai pu i ka aila o kau kaa ma ia ano like. He hana maikai ole ka hanai ana i kekahi kaa maikai au e hoohana ai me ka mana pololei a i aila maikai ole ke hoopihaia maloko.

            O ka "RED CROWN" ka aila maikai loa no ka hooko ana aku i ke kauoha a ke enekinia no kekahi aila kaa motor e hoohikiwaweia ai ka mahu me ke kailike loa maloko o ke carburetor a pa-hu ae me ka maemae loa maloko o na ipumahu.. O ka wela i hoouluuluia maloko o na ua hoolilo koke ia i mana hoonee ma na huila e hooholo ana i ke kaa.

            ..O ka "RED CROWN" he kailike ma kona ano maikai-- o kela ame keia galani he kulike loa ka maikai, makahi au e kuai ai a ma ka manawa hoi au e kuai ai ia aila.

            E hoopiha i kau kaa me ka aila RED CROWN ma kahi o ka hoailona e kau ana-- ma na halekuai aila, ma na halekaa, a i ole me kekahi poe kua ai aila e ai.

            STANDARD OIL COMPANY

                        (California)

 

            Perfection Home Bakery

            Alanui Beritania ma ka aoao Waikiki o ke Alanui 'ea.

            Maanei e loaa ai ia oe na Meaono ono loa no ke kumukuai haahaa loa. Na Pai hua, Apala a pela wae aku.

            Ua hiki ke hoolawaia na kauoha mai na kuaaina mai.

            Na Ahahui Manawalea, he emi lo ke kuai ia lakou.

 

O ka Poe i Holopono ma ka Hoahu Ana Akahele ka Lakou Hoahu Ana

            He nui ka poe i hoomaka e hoahu, a ua haule pahu nae me ka nee ole aku miua. O ko lakou hoomaka ana e Hoahu Liilii, aole ia he mea nana e hoolilo ia lakou i poe holomua ma ia hana. He hoomaka mua wale ana no ia.

            He alahele maikai nae ia a lakou i hoomaka ai, aka, o kekahi mea ano nui loa, o ia no ka hoomau ana me ka pauaho ole ma ia alahele o ka hoomakaulii, me ka hoahu mau ana i kekahi hunahuna liilii no ka hoomahuahua ana ae i ka huina mua i hoahuia.

            O ka papa kuhikuhi hoahu holomua loa i ka makou hoomaopopo ana iloko o kiea manawa loihi, a makou i lawelawe ai i keia hana, o ia no ka hooholo ana i ka nui o ka mea e hoahu ai i ka pule a mahina paha. Alaila, hoomau i ka hoahu ana ma ia huina. He ano paakiki no i kinohi, aka, he hiki wale no nae oiai kela manao hoomakaulii e pii mahuhua ae ana i kela ame keia wa.

            Aole anei e hiki ia makou ke hohikeike aku ia oe i ke alahele e lilo ai oe i mea hoahu holomua.

            He 4% ukupanee a makou e uku nei no na hoahu liilii apau o ka makahiki.

            Hauoli loa makou i ka lawe ana mai i kau mau hoahu ana, in a no he uruku ia.

            Chinese-American Bank

                        KIHI O NA ALANUI MOI AME NUUANU.

P.O. Box 2000.          Honolulu, Hawaii.                 Kelepona 6119

 

            E Hoahu me ka Banako Holomua!

                        O ka

            The Liberty Bank of Honolulu,

                        LIMITED.

            He Banako ia i lawa pono me na loina hana holomua o keia au nee mua.

            Ka Makaukau, ke Kamaaina ma ka Hana, ka Hilinaiia Ana, ka Nui o na Loaa e komo Nei, ame ka Lawelaweia o na Hana me ka Makaukau Maoli.

            He Hoahu i Kau Mau Wahi Hunehune Liilii, a e Nana Aku o na La Ua.

            E nee aku ana makou no ko makou kahua hou ma ke kihi o na Alanui Maunakea am Moi ma ka mahina o Iulai e hoes

 

 

            HE HOOMAIKAI NUI.

            Ke haawi aku nei au i ko'u hoomaikai nui palena ole, i na hoahanau, amena hoaloha no lakou na inoa malalo iho nei, no na kokua he nui i loaa mai ia'u, no ke kokua ana aku i ka Aha Paeaina, i malamamaia ma Kawaiahao Honolulu Oahu, i Iune 27, 1922 penei:

            Na Kokua ma na Meaai.

            Kaneohe Ranch Co., 1 Pipi, 450 paona, Mr. ame Mrs. Lee Hoy Wah, @ eke Laiki; Mr. ame Mrs. Ching Fook, 2 Eke Uwala; Mr. ame Mrs. Ahu You, 160 paona poi; Mr. ame Mrs. Richard Malamalama, 1 eke Opihi; Mr. ame Mrs. Pakoma Kepau, 2 Moa.

             Na Kokua ma ke Dala.

            Kula Sabati Home o Kaneohe, $25.00; Mr. Daniel Damien, $5.00; Mr. and Mrs. Bell $2.50; Mr. ame Mrs. Kailiwai, $2.00; Mrs. Kihei Hollerson, $2.00. Huina nui $36.00.

            Nolaila, na ke Akua Kiekie Loa i piha i ke aloha ame ka lokomaikai e kiai, malama, a e hoopomaikai mai ia oukou apau me kona lokomaikai.

            me ka haahaa,

                        MRS. M. KUIKAHI,

            Kaneohe, Oahu