Ka Nupepa Kuokoa, Volume LXI, Number 28, 13 July 1922 — Pakele ke Ola o Kekahi Pake Aoo ma ka Apua Hooku'iia Aku Oia e ke Kaa Kalaka o ka Oihana Kinaiahi me Loaa Nae o ka Eha NO KA HOOKUNANA KE KUMU O KA PILIKIA Loaa Nae ka Poino i ke Kaa Kalaka no ka Hoao Ana e Alo Ae Mai ka Hoku'i Ana [ARTICLE]

Pakele ke Ola o Kekahi Pake Aoo ma ka Apua

Hooku'iia Aku Oia e ke Kaa Kalaka o ka Oihana Kinaiahi me Loaa Nae o ka Eha

NO KA HOOKUNANA KE KUMU O KA PILIKIA

Loaa Nae ka Poino i ke Kaa Kalaka no ka Hoao Ana e Alo Ae Mai ka Hoku'i Ana

Ma ka ulia pomaikai ka pakel» ana o ke ola o kekahi Pake nona ka inoa o Ah Chin, ma ka -auwina la o ka Poaono nei, ina paha lie moeuhane ino ko ka po, ina o k9ba la no kela, e ike hope ai i ka malāmalama o ka la, aole nae pela, ua pakele mai kona ola, me ka loaa nae 0 kekahi eha ma kona kino. He kaa pahu-lima ka kela Pake e pahu ana ma ke alanui, i ka manawa o ke kaa kalaka o ka oihana kinaiahi, e holo ana no ka hale kiionioni Star mauka ae nei o Kalihi, no ka hooko ana ī ke kahea pauahi, o ka hookaniia ana ae mai kela wahi mai. 1 ■ E holo aku ana ke kaa kalaka oto o ka oihana kiuaiahi me ka puahia, me ka nui no nae o ka manawa a kela Pake, e pa-hu ai i kona kaa, a lioea no kekahi aoao o ke alanui, a i ole, kakali malie iho no hoi i kahi hookahi, ahiki i ke kaa ana o ko kaa kalaka ma kekahi aoao; aole nae pela, me kona ike aku no i ka holo mai o ke kaa kalaka ua hoomau aku la no oia i ke pahu ana i kona kaa imua, a i ka hiki ana iwaena o ke alanui, ku iho la oia, me ka huki hou ana mai i ke kaa ihope o ka mea apiki nae, i ka wa i koleoke loa aku ai o ke kaa kalaka, o kona manawa ia, i pa-hu ino aku ai i ke kaa imua. Ua ike ke kiakaa o ke kaa kalaka i ka poino, nolaila hoohuli ae la oia i v kona kaa ma kekahi aoao, no ka lioopakele ana i ke ola o ka Pake, ma ia hana ana nae, ua pii aku la kekahi huila o ke kaa kalaka, noluna o ke alanui kau aoao, me ka loaa lihi ana aku nae o kela Pake, a hina ana ilalo, me ka loaa o ka pala-pu iaia, me ka nui hoi o ka poino i kau aku maluna o ke kaa kalaka. Ma ka hoakaka a ka Luna Kinaiahi Thurston, ina aole o Mr. W. Kamai, ke kiakaa nana e hookele ana i kela kaa kalaka, o ka mea maopopo loa, ua make ka Pake, me ka nui pu o na poino, e kau aku maluna o kekahi poe helowawae, aka no Mr. Kamai, ua ikeia kona makaukau, me ke akahele, ma ka hookele ana i ke kaa.