Ka Nupepa Kuokoa, Volume LXI, Number 28, 13 July 1922 — Hopuia Ekolu Mau Keiki Opio No Ka Lawelawe i ka Hana Powa Ma ka Ulia Laki i Loaa ai na Hoohuoi Ana i ka Makaikiu McDuffie no Kela Mau Keiki me ka ae Okoa Ana i ko Lakou Hewa [ARTICLE]

Hopuia Ekolu Mau Keiki Opio No Ka Lawelawe i ka Hana Powa

Ma ka Ulia Laki i Loaa ai na Hoohuoi Ana i ka Makaikiu McDuffie no Kela Mau Keiki me ka ae Okoa Ana i ko Lakou Hewa

Mahope iho o ka hookolo ana o ka oihana makaikiu, ma ka meheu 0 ka poe na lakou i ki ia Benjamin Irvinc, me ka manao powa mauka ae nei o Manoa, ma ka po Sabati, lie rlua ae nei pule i hala, i paa ae ,- i he ekolu mau keiki opio Hawaii 1 ka hopuia, ma ka Poaha aku nei, a noho nui ana i Kuapapanui. 0 ka inoa o keia mau opio, oia o Harrv Palama, George Kahikiwawe ame Pcter Kamai, a ma ka olelo a na makai, o lakou nei no na keiki, na Likou i paa ia Wayson Williams ma kekahi manawa ae nei i hala, a pela hoi me kekahi wahine inawaho ae nei o ke alanui Kapiolani. Ma ka ulia laki wale no nae, i paa mai ai kela poe keiki ekolu i ka hopuia. Ma ka hora ekolu me ka hapa o ka wanaao o ka po Poakolu a ao ae ka Poaha, ua loaa aku la i ka Makaikiu McDuffie, he kahea ma ka kelepona, no ka aihueia ana ka pahuhao o ka hui California Keed company, nolaila me ka hoohakalia ole . iho, holo mai la oia no ka nana ana i ka pahuhao, i loaa ai iaia ka ike, aole lie aihue a ma kana nana ana iko i hanaia, aka ua waihoia no kela pahuhao me ka hamania, mamuli o ka poina. Oiai nae ka Makaikiu McDuffie e huli hoi ana a hoea no ke alanui Alapai, ua iko oia i k'ekahi keiki Hawaii, e hoao ana i wahi e hiki ai i kona kaa otomobilo ke holo, nolaila hookokoke aku la ka makaikiu iaia, a ike aku la he hookahi, keiki iluna o ke kaa, a o ko laua nīau inoa, i hoikeia mai ai iaia, o Peter Kamai ame Harry Palama. . I p Aohe inea a ka Makaikiu i hana' aku ai no kela mau keiki, aka nae ninau aku la oia, i ko laua mau wahi e noho hana ana, a hoike mai la laua, i ka inoa o ka hui nana i hoolimalima ia laua. Ma ka laua hoike, iwaho laua o Keko Head i ka lawai'a a o ko laua huli hoi ana mai no ia ma kela manawa o ka po. Paa i ka Hopuia ( * Aia ka manao hoohuoi iloko o ka Makaikiu McDuffic, no kela mau keiki, aka i wahi nae o kuhihewa ole ai oia, ua hēle okoa aku oia _o ; iu; nau, i ke ao ana ae, i na haku o ka hui i noho hana ai o kela mau keiki, a o ka mea i hoikeia mai iaia, ua noho hana i'o no kela īuau opio nie kela hui mamua, aka ua hoopauia mailaila aku. Xo keia hoakaka, i hoouna okoa *aku ai ka Makaikiu McDuffie, i kona mau makai, maliope o k:t meheu o kela mau keiki, ma ia la, a iloko o ka manawa pokole, ua paa mai la

laua i ka hopuia, a laweia ae no ka halewai. Ma ka ninaninauia ana o kela mau kanaka opio, i ae okoa ae ai laua, no ka pili i ka hewa powa, a mai ia laua mai, i hoikeia mai ai kahi i noho ai o ko laua hoa, o George Kahikiwawe ka inoa, o ke kiiia no ia o kela keiki e ko kanaka 0 ke aupuni, a he hookahi ko lakou noho like ana iloko o ka halewai.' Ua ae ae kela mau keiki, no ko lauā powk ana ia WilUama, a ma kela manawa ka, o Kahikiwawe no kekahi, ua holo nae oia, no ka piha 1 ka maka'u. Ma ka po mai o ke Sabati, i kiia ai o Irvine i ka pu, 0 lakou no a ekolu ka i hele e p^wa 1 kela haole, a o Harry Palama ka mea nana i ki i ka pu panapana. O ke kaa otomobile a kela poe keiki e kau ana, he kaa ia o ka ai- ! hueia ana mai ia T. Fukumaya aku, 0 ke alanui Beritania, a i hoike mua ia aku ai hoi ka lohe i ka oihana makai, no kela aihueia ana. Ua weheia nae ka helu o kela kaa otomobile, a kauia aku he helu okoa, no kekahi- kaa otomobile no a lakou o ka aihue ana. Loaa ka Pu Panapana Ma ka huliia ana o kela mau keiki, i loaa aku ai ka pu panapana, 1 kiia ai o Irvine mauka ae nei o Manoa, malalo o ka malu o Kahikiwawe, ua wa-hiia, me ka uhimaka, a lakou o ka huna ana i ka helehelena, ma kela po Sabati i hanaia ai ka powa maluna o Mr. Irvine. He keiki opiopio loa o George Kahikiwawe, nona aa makahiki he 17, a no kona jaau koa, 21 ko laua maumakahlki pakahi. Ua noho mua o Palama ame Kamai maloko o lee kula hoopololei o na keikikane ma Waialee, a no Kahikiwawe hoi, he keiki oia i komo mai iloko o na hana powa, ma ka po o ka la Sabati. Wahi a Palama ame Kamai, ma o ka laua mau olelo hoohiki,. o ka waiho ana ae imua o ka Makaikiu McDuffie, na lakou 'ekolu, i powa i kekahi poe, ma ke alanui Kapiolani, ma Puowaina, pela hoi ke ki ana ia Irvine me ka pu ma Manoa. Ua hua'ipau maoli o Palama ame Kamai, i ka lakou mau mea i hana ai, mamuli o ko laua mau manao .ponoi, me ka hookikina: i5 'a 'ua kakau hoi i ko laua īnau inoa, malalo o ka laua mau palapala hoohiki pakahi, me ka manao kuokoa. Ua kulike loa, na hoakaka a kela mau kanaka opio ma na ano apau, no ,ke ano o na hana powa a limanui i lawelaweia, o kahi wale no o ka like ole, o ia ke kapa aku o kekahi, na kekahi i laweiawe.na hana limanui, e hhopilikia aku ana, i ka poe i powaia.