Ka Nupepa Kuokoa, Volume LXI, Number 28, 13 July 1922 — E Makaala Loa ia ka Palekana [ARTICLE]

E Makaala Loa ia ka Palekana

Mauka ae nei o Kalihi, maloko o ka hale kiionioni Star, i pakele mahunehune mai ai he mau ola lehulehu, mamuli o ka haule ana iho o na papaa puna, i kapiliia aku iluna o ke kilina o kela hale kiionioni. Ma ka ulia pomaikai wale no i pakele ai ka poe maloko o kela hale, i ka wa i haule mai ai na papaa puna iluna o ka papahele, mamuli nae p kela pilikia i ikeia, ua konoia mai ka lehulehu, e koi aku i na otia o na hale kiionioni, e ha,na i ko lakou mau hale kiionioni, a paa loa, e palekana ai ke ola o ka lehulehu. He nui na poino i manaoia maloko o na hale kiionioni, iloko o na manawa o ka ulia, 110 ia mau poino, e oi loa aku ka pono, e makaala loa ia ka hana ame ke kukuluia ana o na hale kiioni— oni, a ina he mea hiki, e nana pono ia aku, ka nui ae o na hale kiionioni, ina ke ku nei kela mau hale, ma ke k'ulana paa, e palekana ai ke ola o ka lehulehu. E makaala pono ia na wahi, e hiki ai i ka poe maloko o na hale kiionioni, ke holo no ko lakou palekana iloko o na nianawa 0 ka ulia, pela hoi na meapaahana, i kukuluia ai kela mau hale; e lilo kela pilikia i loaa i ka hale kiionioni o Kalihi, i kumu e hooiia aku ai na makaala ana, ma ka aoao, o na luna oihana, 1 kuleana i na hale o kela ano, a e hoopauia ae na manao hopohopo me ka maka'u iloko o ka poe apau e hele ana maloko o na hale kiionioni. Ma kekahi manawa ae nei i hala, ua paniia ka puka, ō kekahi hale kiionioni, e ka lunanana pauahi, no ka hana ole ia ana o kela hale, ma ke ano e palekana ai ke ola o ka lehulehu, i ka wa pauahi; he keehina maakalaa kela i laweia ae, aka nae, e hooiia aku ia maakala, ma o keia ulia i ikeia, malia aia no na kulana napele o kekahi kiionioni e ae, e pono loa ai, ke kuekaaia aku iloko o ka wa kupono loa, mamua o ka hoea ana mai o ka poino.