Ka Nupepa Kuokoa, Volume LXI, Number 29, 20 July 1922 — HAULE HOPE KA MANAWA HOLO O KE KALAUDINA. [ARTICLE]

HAULE HOPE KA MANAWA HOLO O KE KALAUDINA.

Mamuli o ka lilo loa o na mokuahi Kalaudina ame ke Kilauea ma na hana e hiki ai ke hukiia ae ka mokualii Pelekane Valdura i ili ai a paa maluna o na pukoakoa mawaena o ke awa o Honolulu ame ke kowa o ke awa o Puuloa i haule hope ai ka manawa holo o ka mokuahi Kalaudina ma ke aliiahi Poalua nei no kana kelepa mau 110 na awa o Kauai. O na ukana no ke awa o Ahukini na ka mokuahi Helena i lawe aku ma ka Poalua nei a o na ohua o Kauai maluna o ka mokuahi Kinau o ke ahiahi nei ka laweia ana aku no Nawiliwili. Ē lawe ana ka mokuahi Kalaudina ma kahi o ka mokuahi Kilauea, a ma ka hora 8 o ke ahiahi Poalua nei ka holo ana aku. Ua kaohiia ka mokuahi Kilauea mai ka holo ana aku mamuli o ka ili ana o ka mokuahi Pelekane Yaldura no ka lawe ana mai i Ha tona kopaa mailuna mai o ka mokuahi ili a no ia kumu i haule hope ai ka holo paamau ana o ka manawa holo o ia mau moku.