Ka Nupepa Kuokoa, Volume LXI, Number 29, 20 July 1922 — Ua Pono ke Kauia ana o ka Hoopa'i Ikaika [ARTICLE]

Ua Pono ke Kauia ana o ka Hoopa'i Ikaika

No ke karaima a kekahi mau keiki opio Hawaii i hana ae ai, o ia ka powa ana i kekahi poe i ka po, he hewa hoi a lakou i ae okoa aku ai imua o ka aha hookolokolo kaapuni maanei nei, i kauia mai ai ka hoopa'i ikaika loa maluna o elua o kela mau keiki opio, e hoopaaia laua maloko o ka halepaahao a pau ko laua ola. Ua hookahua maoli ia ka manao pepehikanaka iloko o kela poe keiki opio, mamua o ko lakou hooko ana aku i ka lakou hana powa, a hoopilikia i ke ola o ka'lehulehu,-i ka po, nolaila i ka hookauia ana mai o ka hoopa'i hoopāahao maluna o na opio kolohe, ua haawiia aku he haawina a'o kupono loa ia laua, e lilo pu ai ia haawina a'o, i kumu e kau ai ka weli i na opio e ae, e hoao ana e lawelawe aku i nā hana powa, a hoopoino i ke ola o ka lehulehu, e hele ana i ka po, a i ke ao paha ma na wahi mehameha. He hapa uuku wale no o na moolelo, o na hana powa, a limanui i lawelaweia e na kanaka opio kolohe; maluna o kekahi poe o keia kulanakauhale, i hoikeia ae i ke akea, aka i wahi e ha'o loa ai ka lohe hou ia o na hana powa, o ke ano hilahila ole, e laweia ae na keehina wikani, e ko kakou mau aha hookolokolo ma ka hahao ana aku i ka poe e ikeia ana Ua pili ka hewa ia lakou, maloko o ka halepaahao, malaila e noho ai, no na makahiki loihi, a i ole pau paha ke ola. Aia maloko o na hale kiionioni, na wahi e hoikeike mau ia nei 0 na kiionioni o na hana powa, mailaila mai kekahi ike, i loaa 1 ko kakou poe kanaka opio, no kela ano hana karaima ame na hana limanui. I ka poe i makee iko lakou mau ano maikai, a i hoolilo i kela ano kii, i mau mea nana wale aku no,' no ka hoohala ana i ko lakou manawa o ke ao ame ka po paha, aole 110 e lilo ana ia mau kii, i kumu no lakou e 1110 ai i poe powa, aka no na opio, ka poe iloko o lakou na manao kolohe, a i ole alakai hewa ia aku paha e ko lakou mau hoa, aole e nele ke ala mai o na manao kuko, e hana āku, me ka lakou i ike ai ma na kiionioni. No' kakou o na Hawaii, e loa i riā hāna powa o keia ano, a kela mau opio, i lawelawe ai. Mai lilo na hana powa a ; kekahi mau, lahui, i hooko aku ai, i mau mea na kakou e lawe j mai ai a hoohalike aku; aka e malama i ka inoa maemae o Hawāii ame ka lahui Hawaii; a e lawelāWe ma na hana wale no e hooiia ae ai na ano maikai iloko o' keia lahui kanaka. # Ma na lawelawe hana ana a ka Hon. Ernest Akina, ma ke kulana lunahoomalu, no ka ahaelele Repubalika i noho ma ka Poalua iho nei, ua hoike mai oia, i kona kupono no kela kulana, a ua haawiia aku hoi na mahalo ana iaia, mai na hoa aku o ka ahaelele, no kona makaukau, i oi aku no, imua o kekahi poe i noho lunahoomalu, no kekahi mau aha o kela ano. Ma ka haiolelo a ko kakou. kiaaina, imua o ka ahaelele Repuhalika, ma ka Poalua nei, i hoike okoa ae ai oia i ke akea, he Repubalika oiaio oia. O na kohokoho ana a kekahi poe, he Demokarata ko kakou kiaaina, mamuli paha o na kakoo ana i haawi aku ai i kekahi poe kanaka kupono o ka aoao Demokarata, i kona wa e noho ana he lunanui no ka nupepa Star-Bulle-tin, aole ia no kona Demokarata ana, aka mamuli o kona haawi ana aku i kana mau hooikaika ana, ma ke ano b ke kupono o ke kanaka, elike me ka hana a kekahi poe Repubalika e ae, i makemake, e lawelaweia na hana o ka lehulehu, e ka poe hoopono, a pololei. , lie mea*pono, e hanaia he mau hoololiloli i ko kakou kanawai wae moho, ma na wahi i ikeia ke kupono ole. Oiai ua hoakika aku keia pepa i ka manao maoli o kela kanawau me ka hoolohe ole ia mai no nae e ko kakou mau alakal kalaiāina; nolaila he hana kupono iloko o l<eia manawā, kā lawelawe ana aku i kekahi mau hana e waiwai ai kela kanawai. 'O ka manao o ke kanawai wae moho, o ia no ke koho pelolei ana o na Demokarata i ka lakou moho a mau moho paha, e alualu ana no kekahi kulana oihana, kohoia e ka lehulehu, me ke koho ole i na Repubalika; a pela hoi na Repubalika e kōho wale ai no i na moho Repubalika, aole i kekahi Demokarata. 0 ka ulia poino i loaa i ke kaaahi ir.ai Waiiiawa mai, ma ka auwina la o ke Sabati aku la i hala, me ka make ana o kekāhi poe oluna o ke kaaahi, ma q ka hu ana o ke kaa enekini ame na kaa ukana; he mea keia e a'o mai ana i .ka hui alahao o Oahu, e hana aku i ke alahao, ma kekahi ano e hoopakeleia ai na ohua ma keia mua aku, a e hoopakele.. pu ia ae ai hoi ka hui alahao, mai na poho mai. 1 ka nana aku, ina e loaa ole ana ka lanakila ia William P. Jarrett, ma ke kau koho baloka laulā o Noyemaba e hoea mai ana, no ke kulana etele lahui; alaila e onou mai ana na Demokarata iaia, i moho no ke kulana meia, no ke Kulanakauhale a Kalana o Honolulu nei, mamuli o ka manaoio o na alakai Demokarata, aole ka Meia J. H. Wilson,;he moho e loaa ai ka lanakila. No ka hoao no keia, e*loaa ka īkāika Ika aoao Demokarata, ma o ka hoomau ana aku i ka poe e noho hana nei, ma na iehulehu o'l:c r.vr>u*"'! kuhnnk-Mi^inle