Ka Nupepa Kuokoa, Volume LXI, Number 29, 20 July 1922 — KUU MAMA ALOHA UA HALA. [ARTICLE]

KUU MAMA ALOHA UA HALA.

I ka Nupepa Kuokoa; Aloha oe:— Palanehe ke kiina a ka make, pahola mai la kona mau lima a kipa mai la ma ko'u home, a ua oluolu i ka Makua Lani i ka lawe ana aku i ka hanu hope o ko'u mama aloha, ma ka la 4 o Iulai 1922, a waiho iho la i ka ukana luuluu, na'u ame ko'u papa hulu makua hookahi e u i ke aloha poina ole no ko'u mama. Ke paiauma nei makou nou e mama, haalele iho la oe ia makou i neia aina malihini, a kakou i hookamaaina ai, a ke ku meha nei ka home, e u pu ana nou, ua hala, ua hala, i ke ala hoi ole mai. Ua nui pauaho ka oluolu o ka Makua Lani i ka haawi ana mai i ko'u mama a hapa kenekulia ame 10 makahiki o kona ola honua ana, a waiho aku la i ka opu o ka honua. Hanauia kuu mama aloha ma Hoopuloa, Kona Hema, ma ka la 12 o Augate 1862, a hoohuiia i ka berita o ka mare me ko'u papa, ma ka la 30 o Iulai 1875, a ua pili paa ia ko laua noho ana me ka maluhia. A. KALEI AONA,