Ka Nupepa Kuokoa, Volume LXI, Number 30, 27 July 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao Ino

Kau i ke Aki i ka Manawa Hope

 

            Aole no i loihi loa ia manawa kupono ana o ke kakali ana no ka mea ua hiki io mai. Ma kekahi la ua konoia mai la o Sede Fanamu e kekahi mau hoaloha e holo aku a e hoohala i kekahi mau pule me lakou ma ka Mokupuni Kone, a no ka hopohopo o ka makuahine lapuwale on a, o lilo ko Sede noho mai a ike i kana hana hoopilikia ia Vekinia, a lilo ke kaikamahine i mea komo mai e akeakea @ ka holopono o kana hana, ua ae aku la @ @ a na @ ia Sede.

            Ma ka auwina la mahope mai o ko Sede hala ana aku, hele ae la o Mrs. Fanamu me kana pohoie mea hana, iloko o ka rumi a Vekinia e noho ana, me na olelo maalea o ia olelo ana ae, no kona mehameha ma ia auwina la oia kona kumu o ia hele ana ae, no ka mea, i ka hala ana aku o Sede, na lilo maoli i mea mehameha nona ka noho hookahi ana maloko o kona rumi, a i loaa ai kona hoakamailio, pela oia i hele aku ai. Aole nae oia ka mea oiaio, i hele aku oia e hoonowelo olelo i mea e huai mai ai o Vekinia i kona moolelo piha mai ka mua o ka hope.

            Ma ka manawa a ka Lede Fanamu i komo aku ai iloko o ka rumi e uwe ana o Vekinia Hita, pela kana hoomaopopo aku, mamuli o ka ula o kona mau papalina ame ke upehupehu o kona mau maka, eia nae, iaia i ike mai ai iaia i kona komo ana aku ua pa koke mai la no kana kahea, "Komo mai" ma ke ano ohaoha e hoopepe ole iho ai ka mea komohewa, a hoopau ae la oia i kona mau manao kaumaha o na minuke mamua iho, a hoike mai la i kona mau ano ohohia mau i ka lede, elike no me ia mamua aku.

            Ua hoopihaia ka lede Fanamu i ke aloha ia manawa ana o ka ike ana aku ua uwe o Vekinia mamua iho, aka nae, ua hakiio aku la no oia i na ano apau o ka lede opio elike me ka hiki iaia ke koho aku, a ua hiki koke no hoi iaia ke ike aku i ke kumu o ka hookaumahaia ana o ka naau o ka lede opio.

            No kekahi manawa ko laua kamailio ana maluna o na kumuhana like ole, a i ka hala ana o kekahi manawa, waiho aku la ka lede Fanamu i kana mea humuhumu maluna o ke pakaukau, alaila hopu aku la i kekahi buke e waiho ana maluna o ke pakaukau a huli ae la i kekhau mau aoao, a ninau aku la:

            "He nui no anei kou makemake i na mele a Jean Ingelow i kakau ia ai maloko o keia buke?"

            "Ae; Ma ko'u manao he maikai maoli no kekahi o kana mau mele o ka haku ana a i hoopaaia maloko o kena buke," wahi a Vekinia.

            Huli hou ae la ka Lede Fanamu i kekahi mau aoao, alaila huli ae la i kekahi aoao i hemo o ka buke, oiai ko Vekinia mau maka e haka pono mai ana maluna on a ia manawa.

            Maluna o ia aoao i hemo o ka buke i kakauia ai ka inoa o Sa Wiliama, a nana iho la ka lede me ka hikilele, a minoaka iho la, a ninau aku la ia Vekinia:

            "Alaila o Sa Wiliama anei ka inoa o kau kane?"

            "Ae; oia," wahi a ka Vikinia pane pokole, me ka maopopo ole nae iaia o ka manao nui o ka Lede Fanamu o ia ui ana aku la iaia.

            "Alaila ua mehameha maoli oe i ka noho hookahi ma keia wahi oiai oia e noho kaawale ana mai aoe aku no kekahi manawa loihi, aole anei pela?" wahi a ka wahine.

            "Ae no hoi; ke kau aku nei na maka la o kona hoi hou mai e kii ia maua, eia nae o ka hala no ia o keia mau mahina, aohe on a holo mai o ka mea hoi i hookaumaha loa ia iho ai o ko'u noonoo, aohe loaa mai o kana leka, hookahi a elua no ana leka o ka loaa ana mai, o ke oki no ia, a ke haohao nui nei au no ia loaa ole mai o kana pane no ka'u mau leka o ha hoouna ana aku nei iaia, no ka manawa wale no nae keia kaawale ana o maua."

            "Ua kaawale aku anei oia mamua o ko maua hoea ana mai ianei?"

            "Ae, mamua iki iho; ua kauoha ia mai oia mai ka home mai e hoi koke aku, mamuli o ka ma'i nawaliwali loa o kona makuahine aneane ekolumahina i hala aku nei."

            Hoike mai la ka Lede Fanamu i kona kahaha a ninau hou mai la:

            "A no ke aha la ka hoi kou mea i holo pu ole aki ai me ia i kela manawa on a i kauohaia mai ai?" i ninau mai ai ka lede, me he mea la he mea kupanaha loa ia i kona manao ko Vekinia holo pu ole ana me kana kane.

            "Aohe hiki ia'u, ua paa loa mai ke kauka aole au e holo maluna o ka moku ma kela manawa a ke Sa Wiliama i holo aku ai, no ka hopohopo o ke kauka o pilikia au a i ole ka bebe paha mamuli o ko'u ma'i maluna o ka moku; ua hoole loa ke kauka i ka manao o Sa Wiliama, me ka olelo pu aku o ke kauka ia Sa Wiliama, ua hiki no iaia hookahi ke hoi,  a e noho no au ianei malalo o ka ke kauka malama ana ame kana makaala mau ana mai ia'u, no ia kumu i hiki ole ai ia'u ke holo pu aku me ia."

            "Pela io ka. Aole hiki ia oe ke holo aku ma ka moku i kou wa pilikia! Maikai loa kela manao o ke kauka," wahi a ka lede me ka luli ana iho o kona poo.

            "Ae, O ka home o kuu kane aia no ma kekahi wahi o Enelani ua ike paha oe a aole paha?" wahi a Vekinia.

            "Maloko o Enelani! a eia nae hoi, aole oe i hoike iki mai ia maua he wahinepu oe no ko maua onehanau, Mrs. Hita!" i pane  mai ai ka lede Fanamu, ma ke ano e hoahewa loa mai ana i ka Lede Hita no kona hoakaka mua ole ana aku ia laua ia mea mamua.

            "Aole au he wahine Pelekane, elike me olua. Ma Kaleponi au i hanauia ai a he wahine Amerika au, eia nae, he kakaikahi loa ko'u hoakaka aku i kekahi poe malihini, elike me olua i ko'u onehanau ame ko'u lahui." wahi a Vekinia o ka pane ana mai.

            "He kumu maikai no kau e ka wahine opio," wahi a ka lede o ka pane ana mai, a i hou mai la me ka leo nui, a e hoike ae ana hoi i kona kaumaha:

            "He hana hoao koikoi loa maoli kela ia oe ka hookuu hookahi ana aku i kau kane e hoi aku i kona home me kou ukali pu ole aku iaia a e noho kaawale olua iloko o keia mau mahina loihi."

            "Ae no hoi, he hoao ikaika loa keia ia'u, aka, e ike mai no nae oe aole hiki ia'u ke paa mai iaia oiai hoi kona makuahine e waiho mai ana i ka ma'i nawaliwali loa, no ka mea, ma ka leka o ka loaa ana mai, e hoakaka mai an ia no ka uku o ka loaa aku o kona makuahine iaia ame ka ole."

            "Me ia anei ka ikaika loa o ka nawaliwali o kona makuahine?"

            "Pela ka manao o ka leka o ke kakauia ana mai, no ka mea, in a aole pela aole e ae ana kuu kane e haalele ia'u. Ua loaa o Mrs Hita, ka makuahine o Sa Wiliama me ka ma'i huki a lolo me ka hiki wawe loa," i pane aku ai o Vekinia," a no ia ma'i i hiki ole ai ia Sa Wiliama ke noho hou iho."

            "Alaila hoike mai la o Mrs. Fanamu i kona kaumaha, me he mea la akahi no oia a lohe no ia ma'i o Mrs. hita, a nana pono mai la hoi ia Vekinia no kekahi manawa loihi, he nana ana mai hoi ana i lilo ai i mea maikai ole no ko Vekinia noonoo me ka haohao pu iloko ona no ka manao o ia nana pono aha mai a ka lede iaia, me he mea la e hakilo mai ana i kona mau @ apau.

            "A pehea, ke ola mai no nae paha oia i nei manawa?" wahi o ka ninau hoomaoe a ka wahine, me ka nana pono mai no ia Vekinia.

            "Ae, ke ola mai la no, elike me ko'u lohe hope loa mailaila mai; a no ia kulana kupilikii loa o kona ola kino i manaoia ai he hana pono ka hoomalu loa ana ialoko o ka hale me ka hoohalulu a honakeke ole."

            "Pehea ae nei ka loihi o ia lohe o ka hoikeia ana mai ia oe?" wahi hou o ka Mrs. Fanamu ninau.

            Aohe pane koke aku o Vekinia no ia ninau a ka lede, mamuli o kona manao ana iho ia manawa no ke kuleana ole o ka noke loa wale mai no o ka lede e ninaninau iaia. Ma kona manao iho ia manawa ua ae loa ka lede ma o aku o ka palena kupono. Aka nae, i ka hala ana o kekahi manawa iaia o ka noonoo ana, me he mea la ua loaa iho la iaia ka manao he mea pono ke kaana pu kekahi mea okoa aku i ka haawe kaumaha me ia a pane mai la me ka leo kuoo:

            "He mau mahina elua a oi i hala aku-a ke hopohopo nei au ua lawe hewaia aku na leka a ka'u kane e kekahi mea, a i ole ua loaa i kekahi mea manaoino a ua pau i ka heluhelu a haehaeiaa puhiia aku i ke ahi, a ua lilo hoi ka pilihua o ko'u manao no ka loaa ole mai o kana leka i mea hoehaeha loa i ko'u noonoo e noho nei."

            "Ea, he mea kupanaha loa io hoi ha ka kela, e Mrs. Hita, me he mea la i ka nana aku, in a he oiaio kena mau olelo au aia no kekahi mea kupanaha loa i hanaia e hiki ole ai ke hoakakaia ae," wahi a Mrs. Fanamu o ka pane ana aku."

            Nana mai la o Vekinia iaia me ka pahaohao no ia olelo ana ame ke ano o kona leo o ia pane ana aku, a no ko Vekinia pahaohao ninau okoa mai la. "Ea, ke maopopo pono ole aku la kena mau olelo au i olelo mai la ia'u la."

            "O, ua maopopo ia oe he mau wahine Pelekane maua," i pane aku ai ka lede. "Ae, no ia mea ua maopopo ia'u, no ka mea, ua hoakaka mai ko kaikamahine pela ma ka la mua loa i hookamaaina ae ai maua," wahi a Vekinia.

            "Ua hoike mai nae paha oia ia oe no ko maua ike ana i kekahi poe maloko o Enelani ma ka inoa o Hita?"

            "Aohe oia i hoike mai. A pehea, ua ike nae paha ohe? "No ka mea e pili ana i ke kakau leka ole mai o kana kane iaia, ke kumu o kona ninau koke ana aku, me kona manao ua ike ka lede.

            "ae, ua maopopo ia'u ia ohana, a i hoike aku au ia oe, o kekahi ohana hanohano a waiwai loa ia maloko o Enelani. no ke Kalana o Hamesire lakou, a he mean maikai na'u ka hoike ana aku ia oe he ohana hanohano, ko'iko'i a waiwai loa ia, a o kekahi hoi o na ohana alii kuonoono loa o Enelani."

            "O ke kaikamahine hiapo a na mea no laua kela wahi i kapaia ka Hitadela, a i mare aku hoi i kekahi o na kanaka ko'iko'i o Enelani, o ka'u aikane pilipaa aloha loa ia, a o Sa Wiliama kekahi keiki a na mea no laua ka Hitadela."

            "O Sa Wiliama!" i hooho ae ai o Vekinia, me ka pii ae la o ka ula ma kona mau papalina.

            "Ae, oia ka inoa o ke keikikane a na mea no laua ka Hitadela, a o ka hoilina hoi o kela mau aina waiwai nui ame kekahi home nui a nani i kapaia ka Hitadela. He baroneta oia, a ma ka moolelo, iaia i Amerika nei i loaa ai kona makuahine i ka ma'i lolo. He mea kupanaha no ke nana iho o kona inoa mua oia ka inoa like o kau kane."

            "Ae, e Mrs. Fanamu, o Sa Wiliama ka inoa o ka'u kane, hiki anei ia oe ke hoike mai i kekahi mea e pili ana nona, oiai o ka ekolu mahina keia o kona kaawale ana mai a'u aku, aole nae au i lohe iki mai i kekahi mea e pili ana nona no ka mahina a oi, a ua hele au a aneane e kuapupule no ka piha i na manao pihoihoi me ka pilihua no ke kali aku iaia o ke kii mai ia'u."

            Hina mai la ka Lede Fanamu ihope o kona noho a nana aku la i ka wahine opio i hooluuluuia ka manao, a i aku la:

            "E kuu keiki! Ua pupuleia anei oe! O Sa Wiliama kau kane! Kupanaha maoli! He mea hiki ole loa ia e hanaia!"

            Hina aku la o Vekinia ihope o kona noho a nana mai la i ka lede me he mea la ua kuiia aku la oia me kekahi puupuu mahanahana loa ma kona umauma ma kahi kokoke loa i kona puuwai.

            Mamua koke iho ua hoakaka aku o Mrs. Fanamu iaia he hoaloha pilipaa loa o Miriama, a o ka Lede Linetona hoi, nona a eia nae, i kona lohe ana aku ua mareia ke Sa Wiliama ua hookahaha nui ia aku kona uhane, me he mea la, aole oia i mahui iki no ia mea mamua aku.

            Aole anei i hoike iki aku ke Sa Wiliama i kona ohana oia o Vekinia kana wahine o ka mare ana, i loaa ole ai ka ike ia Mrs. Fanamu, a i pane mai la hoi iaia elike iho la me keia? Aneane loa e lilo keia manao i mea hoololo mai iaia no kekahi manawa, a i kona noonoo ana no kekahi manawa no kana mea pono e pane mai ai, i mai la nae me ka piha i ka inaina.

            Aole au i pupule: 'Ua kakau aku oia he leka mahope o ka leka i kona makuahine ame ke kaikuahine, elike me kana o ka olelo ana mai, no ka hoike ana aku no ko maua hoi aku @ e hoike aku ana i na mea apau i hanaia e Sa Wiliama iloko o kona manawa apau kaawale mai ai mai Enelani mai, eia nae, he mea kupanaha loa i ka noonoo iho ka hoike ole ana ae o ka Lede Linetona ia oe kana aikane, no ia mare ana o Sa Wiliama."

            Oiai oia e nalu nui ana no keia mea, haupu ae la oia no ko Mrs. Fanamu kaahele ana maloko o Amerika no kekahi manawa loihi i maopopo ole iaia, a malia oia paha ke kumu o ko ka Lede Fanamu maopopo ole ana a lohe ole ana hoi no ka mare ana o Sa Wiliama. Ina aole i holo leka me ka Lede Linetona alaila aohe alahele e loaa ai iaia ka ike no ko Sa Wiliama mare ana.

            I ka hala ana o kekahi manawa iaia ma keia noonoo ana, @ aea h.aaaaaaa shrdlu etaoin cmfwyp shrdlu cmfw etae la kona poo iluna a nana mai la i ka Lede Fanamu, a i mai la:

            "Ma ka mea oiaio, e Mrs. Fanamu, aole au i pupule, a he mea hiki ole no hoi ke hooleia mai aole au he wahinemare na Sa Wiliama. Ma ka mahina o Sepatemaba i hala i mareia ai maua, a mahope iho o ka make ana aku o kuu makuakane, he mea ma'i loa oia ia manawa, ua kaahele aku la maua ma kekahi mau mokuaina no kekahi mau mahina a hiki loa mai la i Nu Ioka nei, me ko maua manao maanei e kau aku ai i ka moku a holo aku no Enelani, ma ka pule hope o ka mahina o Mei, eia nae, ua ko ole ia manao o maua, mamuli o ka paa loa ana mai o ke kauka, elike me ia a'u o ka hoike mua ana aku nei ia oe."

            "A, ke hoia hou aku nei au imua ou he mea hiki a pono ole kela mare ana ou me ke Sa Wiliama. O ke Sa Wiliama a'u i olelo aku nei ia oe oia ka haku o kekahi aina waiwai nui i kapaia ka Hitadela, maloko o ke Kalana o Hamesire, Enelani, nolaila aole i kupono kou mare ana me ia, a ke manaoio nei no au aole o ke Sa Wiliama kau kane o ka mare ana."

            "Ka, ua olelo mai no ka'u kane ia'u oia ka Haku o ka Hitadela, maloko o ke Kalana o @, Enelani, a ina he Sa Wiliama okoa no ia au e kamailio mai nei, alaila ua lehulehu loa no ka paha na Sa Wiliama maloko o Enelani," i pane mai ai o Vekinia, me kona haaheo loa no ka lilo ana o ka Haku o Hitadela i knae nana.

            O ka Mrs. Fanamu pane wale no no keia pane ana aku la a Vekinia oia kona @ mai i kona kahaha loa.

            "E ae mai ana anei oe ia'u e ninau aku, e Mrs. Fanamu, no ka loihi o kou mau la o ka noho ana ma Amerika nei?"

            "Ma ka la 6 o Mei i haalele aku ai maua ia Livapulu a holo mai la no Amerika nei.

            A pehea, ua halawai no nae paha oe me ko hoaloha, ka Lede Linetona, maloko o kekahi mau mahina kakaikahi mamua aku o kela manawa?" 

 

He Manewanewa Walohia

No Lota K. Kauwe

 

            E ka Nupepa Kuokoa, ka manu nunuahai lono apuni na moku, ame kou pailaka ahonui; e oluolu mai hoi e lawe aku i na kipona waianuhea a ke aloha e kau ae la maluna, a nau hoi ia e uwila aku, he anapu ana i Kumukahi ma ka hikina, a malamalama aku i ka mole o Nihoa, ka palena o na moku, e hai aku ana i ka meahou, o Lota Kauluaokalani Kauwe, ua hala i ke ala hoi polikua hoi a Kane; Aloha wale hoi e!

            Me ka nanea nui, me ka haupu mua ola,  a halia la hoi Le poino nui e kau iho ana maluna o ka mea nona ka inoa maluna ae, eia ka, e kii koke mai ana ka anela o ka make, a lawe aku la me na lima menemene ole, e hooko ana i ka makemake o ka mea Nana i hana, he mabu wale no ke ola o ke kanaka i pua ae a nalo iho, ma ka hapalua hora eono o ka Poaono la 15 iloko o 10 wale no la i kaa ma'i ai. He flu ka ma'i, a loli ae la a i ka numonia, ke kumu o ka hikiwawe ana.

            Iaia i hala aku la, au waiho iho oia ma keia ao, kana mau mea aloha he wahine ame na keiki makua ole, he mau hoahanau, na ohana, na makamaka ame na hoaloha he nui wale, e hoomanao mau ana nona, me ke aloha nui ia.

            Nolaila, o makou o na haumana o ke Kula Sabati o Maluhia, ma o ko makou mau komite la, ke komo pu aku nei e auamo i na ehaeha, na kaumaha, ame na naau i mokuhokuhua i ka eha i ka eha lima ole a ke aloha, e u pu ana hoi, i loaa ka hooluoluia mai, ame ka hoomamaia mai, e ka lokomaikai o ke Akua o ke kaulike, ka mea Nana  hana, a Nana i kii mai la a kai palanehe aku la.

            Iluna i ke ao,

            Kuu home mau;

            He malihini au,

            Ma keia ao;

            He waoakua nei,

            He pilikia e;

            Ka lani iluna ae,

            Kuu home may.

            Ma ka malama o Novemaba 1921, i hui launa pu ai makou ma na hana Kula Sabati, a mamuli o ko makou ike ana, he mea oia i loaa ke talena kiekie o ka ike himeni, ua haawi koke ia aku iaia ke alakai ana i ke Kula Sabati o Maluhia, malalo o kana ao ana, a au hoomaha hoi na alakai mua, a nana i alakai keia Kula Sabati ma na hoike apau i malamaia; he elua manawa ana i alakai ai mauka o Kalihi a o ka hapanui ma Kawaiahao, ma na hoike hapaha ame ohana, i kekahi manawa me ka minamina nui nae, no ke oki pu ia ana iho la o na la o kona ola ana, "Kai ha haule ana o ka poe ikaika."

            O kekahi o kona mau ano maikai, o ia kona hoomanawanui, ka hooko hana ame ka kulana makaala ina i ke ao a ina i ka po, na manawa aua e kauoha mai ai no kona hiki mai, i ka manawa e a'o ai i na haumana, oia la ka mua ma kahi ame ka manawa i haiia, oia o ka wahine ame ka laua kaikamahine,, a mahojpe aku na haumana, o ka mea i maa, o ka haumana ka mua, a o ke kumu ka hope iaia ne nae o ke kumu ka mua, a o na haumana aku ka hope, walohia wale no hoi ke hoomanao ae.

            O kekahi o na mahele hana poina ole iaia, o ia ka hoomanao ana i na hua mua o kana loaa, a i ole, ka hapanui paha, e lawe mai ana oia no ka waihona o ka makou Kula Sabati, he haawina a'o mai keia i ka poe i loaa ole ia noonoo, e pono ai e hoomahui aku, ma na hana maikai no ka hooholomua ana i ko ke Akua aupuni ma ka honua nei, anoai wale hoi e!

            Oiai, e waiho ana kona kino wailua maloko o ka hale hoomaemae o H.H. Williams, ua meleia mai la kekahi o kana mau mele i haku ai a i a'o ai i ka poe e noho ana ma Maluhia, he hapa wale no nae ia o ka Papa himeni o ke Kula Sabati, eia nae, ua pii no ke anu maele a ke aloha iloko o na haumana apau i hiki ae ma ke Sabati la 16 i hala, a hookahi mele maloko o ka Luakini o Kawaiahao, he hoailona hoi e hoike ana i ke aloha i kaakoluia.

            Ka hoopau ana ae i ka makou kanaenae aloha no ka mea i hele aku ma ke ala kokoolua ole, ke noi ae nei ka makou mau leo pule i ka Makua Mana Loa, e haawi i ka uhane hooluolu a hoomama i ka wahine kanemake, na keiki makuaole, na hoahanau, na makamaka ame na hoaloha, a no ka mea, wahi a Davida ke alii kaulana o ka Isaraela, "Aole oia e hoi hou mai io'u nei, aka, owau ke hele aku ana iona la."

            O makou no me ke aloha,

            MR. & MRS. D.K. KAEO;

            MR. & MRS. P.K. KAEO,

            MR. & MRS. G.K. KAMA,

 

Ku I Ka Poka A Makapaa Kekahi Maka

 

            Oiai o K. Kanehaku, he keiki Hawaii nona na makahiki he 12, e hele ana i ke kimanu ma ka auwina la o ka Poalua o ka pule aku la i hala, ma Kahaluu, ma kela huli Koolau, o Oahu, ua kani hewa ae la kana pu kimanu e paa ana a lele ka onohimaka akau me ka papaa pu o kona papalina akau i ka pauda. Ma ka lono o ka hoikeia ana ae ma ia po iho e lele ana kona onohimaka.

            Ua laweia mai kela keiki me ka awiwi loa no Honolulu nei, maluna o ke kaa otomobile a aneane i ka hora 6 p.m., i hoea ae ai i ka Halema'i Moiwahine Ma ka oleloia o kekahi no keika o na hua awahia i hoohua ia mai mamuli o ka ike ana aku o nei keiki i na hana a na kii Cowboys ma na hale kiionioni.

 

Na Leta Kii Ole Ia Mai Ahiki I Iulai 22, 1922

 

Aana, Miss Chris-Kane, Mrs. Paul

    tina                                      (2)

Aki, Frank                   Kealoha, Mrs.

Apolo, James K.            Kelly

Avilla, Manuel A. Keoki,  Miss K.

Haili, Mrs. Lei             Keopuhiwa, Wm.

Kaai, Laura                 Kipu, Mrs. Mary

Kaahea, Kaaihala        Kuahulu, Mas.

Kaaihue, Mrs.                           Paul

  Mary                         Makanani, Mrs.

Kaapuni, Lei                 Kalehua

Kahlbaum, Lilia          Naai, Henry

Kaleimomi, Mrs.         Peahi, R.N.

            John                 Pomaikai, Daniel

Kamae, Mrs. Alice      Waiwaiole, Moses

Kumueli, Mas.             George K. Mr.

            John M.

            E ninau mai ma na leta i hoolahaia ke kii mai.

                                                D.H. MacADAM

                                                            Lunaleta

 

Kopa Moi Keokeo No Ka Mikini Holoi

-------------

He Kopa maikai loa i hiki ke hoohanaia

no na ano hana apau i pili i ka home.

Hiki ke holoi i na lole nahenahe loa me

ka pilikia ole. O kona oi loa aku o ka

maikai no na mikini holoi---No ka holoi

i na pa ame holoi hale.

----------------

KUAI I PUOLO MAI KOU HALEKUAI MEAAI

MAI

-----------------

T.H. Davies & Co., Ltd.

Na Akena Wale no no ka Paeaina Hawaii

 

E ka Poe Hookuonoono

Ke Makemake Oukou i na Lako----

            NO KA HOME A NO KA AINA MAHIAI PAHA E KIPA

AE MA KE KEENA O NA LAKO PILI HAO O KA

 

AMERICAN FACTORS, LIMITED

No na mea elike me keia:

Kapuahi                         Meahana Mahiai        Uwea Pa Moa me Pa.

Lako Mahiai                  Meahana Kamana       Pena me na Palaki.

Lako Halekuai me Pa.    Pili Hao a Ano e Ae.  Aila me Vaniki

 

O ke kanaka Kuai i na Lako Hana Maikai ua Lanakila e no Oia i ka Hapa o ka Hakaka

 

Aole hiki ia oe ke lawelawe i na hana maikai me na meahana inoino.

O ke kanaka e hoao ana e hana me na meahana inoino, e hoea

mai ana i kona wa e kiola ai, a kuai i na mea kupono in a he noonoo

oia. Aka nae ua poho wale ka manawa ame ke dala ma ka hana ana pela.

Ke kuai nei o Lewers & Cooke, Ltd., i na lako hana maikai wale no.

 

KE MALAMA NEI MAKOU HE AHUA PIHA PONO LAULA O NA

LAKO MAHIAI AME NA LAKO KUKULU HALE

 

He Makemake Paha Kou i

KO'I, KIPIKUA, KOPALA, HO, HAMARE, PAHIOLO, KO'I LIILII, NA

LAKO KAMANA PIHA PONO, HOANA HOOKALA, PAKEKE.

 

Papa o Kela âme Keia Ano, na Lako Hao, Pena, Aniani

 

Kakau mai a i ole kipa mai no na hoakaka. E hookoia no na

kauoha apau ma ka leka me ke akahele ame ka hikiwawe loa.

 

LEWERS & COOKE, LIMITED

Honolulu

 

Na I'o Pipi Momona Waeia Mai na Aina hanai

Pipi Like Ole Mai o Hawaii Nei

 

O eia i'o pipi momona, ka papa maikai hookahi ma ka makeke, a ke kuai

hoolilo nei makou, ma ke kumukuai haahaa, me ka hoopono maoli.

Eia keia mau kumukuai malalo loa iho o ko na makeke e ae, a hui pu iho

me na kulana maemae e hoohanaia nei e makou ma ka lawelawe ame ka hoahu

ana i na i'o pipi, he mea pono, e lilo ko makou makeke i makeke nou.

 

Pipi Ku Mokupuni………………………15c  o ka lb.

      Kulana Aoao o ka Pipi………………15c  o ka lb.

Ku'eku'e Pipi…………………………………12 1/3c  o ka lb.

Pipi Palai Iwi Hoehoe……………………15c  o ka lb.

Pipi Palai Uha……………………………15c  o ka lb.

Kulana Aoao Koala…………………………15 1/3c o ka lb.

I'o Hipa Ku………………………………10c o ka lb.

I'o Umauma o ka Hipa…………………10c o ka lb.

I'o Hoehoe Palupalu………………………12 1/3c o ka lb.

WAIUBAKA MAILE……………………50c o ka lb.