Ka Nupepa Kuokoa, Volume LXI, Number 30, 27 July 1922 — HE MANEWANEWA WALOHIA NO LOTA K. KAUWE. [ARTICLE]

HE MANEWANEWA WALOHIA NO LOTA K. KAUWE.

E ka Nnpepa Kuokoa, ka manu nunu ahai lono apnni na moku, ame kou pailaka ahonui; e oluolu mai hoi e lawe aku i na kipona waianuhea a ke aloha e kau ae la maluna, a nau hoi ia e uwila aku, he anapu ana i Kumukahi ma ka hikina, a malamalama aku i ka mole 0 Nihoa, ka palena o na moku, e hai aku ana i ka meahou, o Lota Kanluaokalani Kanwe, ua hala i ke ala hoi ole mai, i ke ala polikua hoi a Kane; Aloha wale hoi e! Me ka nanea nui, me ka haupo mua ole, a halia la hoi Le poino nui e kau iho ana maluna o ka mea nona ka inoa maluna ae, eia ka, e kii koke mai ana ka anela o ka make, a lawe aku la me na lima menemene ole, e hooko ana i ka makemake o ka mea Nana i hana, he mahu wale no ke ola o ke kanaka 1 pu-a ae a nalo iho, ma ka hapalua hora eono o ka Poaono la 15 iloko o 10 wale no la i kaa ma'i ai. He flu ka ma'i, a loli ae la a i ka numonia, ke kumu o ke hikiwawe ana. laia i hala aku la, ua waiho iho oia ma keia ao, kana mau mea aloha he wahine ame na keiki makua ole, he mau hoahanau, na ohana, na makamaka ame na hoaloha he nui wale, e hoomanao mau ana nona, | me ke aloha nui ia. j Nolaila, o makou o na haumana o ke Kula Sabati o Maluhia, ma 0 ko makou mau komite la, ke komo pu aku nei e auamo i na ehaeha, na kaumaha, ame na naau i mokuhokuahua i ka eha i ka eha lima ole a ke aloha, e u pu ana hoi, 1 loaa ka hooluoluia mai, ame ka hoomamaia mai, e ka lokomaikai 0 ke Akua o ke kaulike, ka mea Nana i hana, a Nana i kii mai la a kai palanehe aku la. Iluna i ke ao, Kuu home mau; He malihini au, Ma keia ao; He waoakua nei, He pilikia e; Ka lani iluna a-e, Kuu home mau. Ma ka mulama o Novemaba 1921, 1 hui launa pu ai makou ma na hana Kula Sabati, a mamuli o ko makou ike ana, he mea oia i lor.a ke talena kiekie o ka ike himeni, ua haawi koke ia aku iaia ke alakai ana i ke Kula Babati o Maluhia, malalo o kana ao ana, a ua hoomaha hoi na alakai mua, a nana i alakai keia Kula Sabati ma na hoike apau i malamaia; he elua manawa ana i alakai ai mauka o Kalihi a o ka hapanui ma Kawaiahao, ma na hoike hapaha ame ohana, i kekahi manawa me ka minamina nui nae, no ke oki pu ia ana iho la o na la o kona ola ana, "Kai ka haule ana o ka poe ikaika."

0 kekahi o kona mau ano maikai, 0 ia kona hoomanawanui, ka hooko hana ame ko kulana makaala ina 1 ke ao a ina i ka po, na manawa ana e kauoha mai ai no kona hiki mai, i ka manawa o a'o ai i na haumana, oia la ka mua ma kahi ame ka manawa i haiia, oia o ka wahine ame ka laua kaikamahine,, a mahojpe aku na haumana, o ka mea i maa, o ka haumana ka mua, a o ke kumu ka hope iaia nei nae 0 ke kumu ka mua, a o na haumana aku ka hope, walohia wale no hoi ke 'hoomanao ae. O kekahi o na mahele hana poina ole iaia, o ia ka hoomanao ana i na hua mua o kana loaa, a "i ole, ka hapanui paha, e lawe mai ana oia no ka waihona o ka makou Kula Sabati, he haawina a'o mai keia 1 ka poe i loaa ole ia noonoo, e pono ai e hoomahui aku, ma na hana maikai no ka hooholomua ana i ko ke Akua aupuni ma ka honua nei, anoai wale hoi el Oiai, e waiho ana kona kino wailua maloko o ka hale hoomaemae o H. H. Williams, ua meleia mai Ja kekahi o kana mau mela i haku ai a i a'o ai i ka poe e noho ana ma Maluhia, he hapa wale no nae ia 0 ka Papa hiaieni o ke Kula Sabati, eia nae, ua pii no ke anu maele a ke aloha iloko o na haumana apau 1 hiki ae ma ke Sabati la 10 i hala, a hookahi meie maloko o ka Luakini o Kawaiahao, he hoailona hoi e hoike ana i ke aloha i kaakoluia. Ka hoopau ana ae i ka makou ka* naenae aloha no ka mea i hele aku ma ke ala kokoolua ole, ke noi ae nei ka makou mau leo pule i ka Makua Mana Loa, e haawi i ka uhaiie hooluolu a hoomama i ka wahine kane-make, na keiki makuaole, na hoahanau, na makamaka ame na hoaloha, a no ka mea, wahi a Davida ke alii kaulana o ka Isaraela, "Aole oia e hoi hou mai io'u nei, aka, owau ke hele aku ana iona la." O makou no me ke aloha, MR. & MEB. D. K. KAEO," MR. &. MRS. P. K. KAEO, MR. & MRB. O. K. KAMA,