Ka Nupepa Kuokoa, Volume LXI, Number 30, 27 July 1922 — HOOPOHIHIHIIA NA MAKAI O KE KALANA O MAUI. [ARTICLE]

HOOPOHIHIHIIA NA MAKAI O KE KALANA O MAUI.

E hoakaka ana kekahi meahou o ka'hoikeia ana ae mai Haui mai no ka hoopohihihiia ana o na noonoo o na makai o kc Kalana o Maui no ka nalowale honua ana o na Pilipino ekolu na lakou i powa i ka halekuai o„ Doong Soong, he Pake, nona ka halekuai e ku ana ma ke alanui Makeke ma Wailuku a lilo aku he $3600 mai ka pahu waiho dala aku ma ke ahiahi o ka Poaono o ka pule aku la i hala mahope o ka hoi ana mai o na Pilipino mai ka hale kiionioni mai. Ma ka oleloia he hana powa kela i hoolala mua ia pela ka hoomaopopoia, no ka mea, mamua o ka hele o na Pilipino i ka hale kiionioni ua hoea mua ae kela mau Pilipino i kela halekuai a kauoha aku la ia Soong no kekahi mau waiwai a lakou i makemako ai e kuai, me ka olelo pu aku iaia e lioi hou aku ana lakou no ka uku ana aku i ke kumukuai no ia mau waiwai a lakou o ke kuai ana a ia manawa lakou e lawe aku ai ia mau waiwai. Mahope iho o ka hora 10 p. m., ua hoea hou aku la ua mau Pilipino la i ka halekuai o Soong a haawi aku la ia Doong Soong i kekahi bila o $20. No ka lawa ole o ka Soong mau dala liilii ua welie mai la oia i kana pahuhao, i ka manawa i hemo mai ai o ke pani o ka pahuhao, o ka manawa ho ia o na Pilipino ekolu i lele aku ai maluna o Doong Soong a kulai iaia ilalo mahope o ka uumi ana i kona kania-i a pailaia iho kekahi mau eke kopaa maluna ona, a i ka loaa ana o nia dala i lea poe powa palaualelo o ko lakou liolo aku la ia a nalowale. He $3000 i laweia e na powa ma na dala pepa a he $600 ma ke dala gula. Ma ka olelo a Soong, ka Pake i powaia ai, he mau aahu maikai ko na Pilipino ma ia po. Ua loaa i na makai na apau no na ano apau o ia mau Pilipino a ua paa ko lakou manao mamua o ka hala ana o kekahi manawa loihi e paa ae ana lakou i ka hopuia. Ua kiaiia na mokuahi apau e haalelo aku ana ia Maui no ka hakilo ana no nei mau Pilipino i ole ai lakou e haalele aku ia Maui, eia nae aohe ike iki ia.

E nolio hou ana ka l.alawai a ka papa o na lunakiai kulanakauhale ma ka hora 1 p. m'., o ka auwina la o ka Poaha Aug. 3, no ka noonoo a hooholo ana i ka papa ukuhana.