Ka Nupepa Kuokoa, Volume LXI, Number 30, 27 July 1922 — HE LEKA HAMAMA NO KE KULANA HOLO MOHO ELELE [ARTICLE]

HE LEKA HAMAMA NO KE KULANA HOLO MOHO ELELE

Mr. Lunahooponopono:—E noi aku ana au i kou oluolu, a lokomaikai piha, e hookomo i keia mau manao o'u malalo iho nei i mea o maopopo pono ai i ka lehūlehu koho baloka ko'u kulana maluna o ka ninau holo mōho elele ma ka aoao Eepubalika. Ewalu pule i kaahope ae nei, 'ua hele au e hui kino me Senatoa John Wise, no ka ninau ana aku iaia ina he moho oia no keia kau no ke kulana elele, a penei kana i pane mai ai ia'u: 1. Ina e holo hou ana o Harry Baldwin, aole au e holo. 2. Ina e holo ana o Clarence Cooke, aole no au e holo ana. 3. Manao au ua oi aku no ka maikai o holo au i senatoa no ka aha senate o kakou, no ka mea, ua manao au he oi aku na pomaikai e loaa mai ana i ke Teritore ame ka lahui o kaua, mamuli o ka'u liana maloko o ia hale. 4. O kekahi no hoi, maka'u au i ka nui o na lilo o ka noho ana ma Wakinekona. I ko'u lohe ana i keia mai kona waha ponoi mai, ike aku la au, aia oia iloko o ke kanalua ame ke kulanalana. I kekahi la ae hoolaha au ma ka nupepa i ko'u holo moho elele, a ia wa hookahi no, ua hoike aku au l ka lehulehu, aole au e hoi hope ana. Aohe makemake o Hawaii i ka noho kulanalana a kanalua "wale. Ke hoomaopopo mai la oe, he ewalu ae nei pule o ka ike ana o na makaainana i ka'd hoolaha, a ano walo iho nei no ka puka ana mai nei o ka lioike a Wise o holo ana oia. Nolaila, ke yaiho aku nei au na ka lehulehu e noonoo mai, a hooholo no lakou iho maluna o keia ninau: "Owai ka moho i hoike mua i kona holol" O kahi i maikai loa ai, he poe okoa kekahi i lohe i keia mau olelo a Senatoa Wise. -

O kekahi manao, o ia keia: Ke hoolaha nei o Wise ame kona poe kokua, ua kauoha ke Alii Kuhio e hoouna ia Wise ma kona wahi i elele ma Wakinekona. Eia ka,mea apiki, aohe i hooko o Wisc i kela kauoha, a ua hoouna aku nei ka lehulehu me ke ohohia nui launa ole ia Balu\yina. I keia wa ke noonoo nei na mana koho o Hawaii i elele i pani ma kahi o Baluwina i -waiho mai i ka hana. Aohe pono, o ka hoolauwili wale aku i ka noonoo o na mana koho, a 0 ka hoike aku i ka pololei ka mea 1 makemakeia. He hookahi no ninau nui i koia wa: "Owai ka elele e koh,o ai i pani no Ealuwina?'' He ekolu mau moho Repubalika; waeia ae ke kanaka i kupono, i hiki ke hilinaiia, i makaukau ma na ano apau, i elele nau e Hawaii e hilahila ole ai. Owau iho no me ka oiaio, CHARLES E. KING, (Kale Kini), Moho Elele e Holo Ana. lulai 24, 1922.