Ka Nupepa Kuokoa, Volume LXI, Number 31, 3 August 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao

Ino--Kau i ke Aki i ka Manawa Hope

 

            "Ua holo mai ka Lede Linetona i Ladana e ike ia'u, a no a@eane ekolu pule kona noho pu ana me maua mamua o ko @aua holo ana mai."

            "A pehea, iloko o kela mau la ana e noho pu ana me olua, aole anei oia i hoike mai ia oe no ka mare ana o kona kaikunane me kekahi wahine o Amerika nei, o Vekinia Abota ka inoa?"  me ke leo nawali ia ninau ana aku ana ia Mrs. Fanamu.

            "Aole oia i hoike iki mai ia'u i kekahi mea o ia ano," wahio ka Mrs. Fanamu pane."  Aohe i lohe mahui iki kona hoa@ha nei i kekahi mea e pili ana i ka mare ana o Sa Wiliama.  Ua manaoioia o Sa Wiliama e knoa mau hoaloha apau ma @nelani ahiki no i keia lo he kanaka i mare ole i ka wahine."

            "I hoopauia aku ai kou paakiki a kuhihewa paha eia mai kana leka i kakau mai ai a e heluhelu iho oe; o kena @a mea nana e hooiaio mai ka‘u mau mea apau i hoakaka aku nei ia @e."  wahi a Vekinia, me ka‘pii ae la o ka wela iaia ia manawa.

            Lalau aku la o Mrs. Fanamu a nana iho la i ka we-hileka.  Ua kakauia mawaho "Mrs. Wiliama Hita-Hokele Fairmont.  Nu loka, U.S.A.  Ma Hitadela i kuniia ai, maloko o ka haleleka malaila.  O ka limakakau mawaho ua kamaaina ia Mrs. Fanamu, nolaila, aohe ana hoohewahewa and iho i ka mea nana i hoouna mai ia leka.

            "Mrs. Wiliama Hita!"  wahi a Mrs. Fanamu o ka heluhelu ana ae a ni ka leo.  Aole oia i kakau mai ma kou inoa pololei @a Lede Hita oiai o oe hoi kana kahine a oia maoli ka inoa @@lolei ana e kakau mai ai."

            ‘O, aole no i kana mai a kou hoohalahala.  Aohe on a nana i ke ano o kana kakau ana mai, no ka mea, ia maua ma Amerika nei, a ma na wahi no hoi apau a maua o ke kaahele ana, aole on a hoikeike i kona inoa, a pela no oia i kakau oke mai ai, elike me ia au o ka hoohalahala ana mai la i nei manawa," i nane aku ai o Vekinia.

            "Aha, pela ka!  A pehea, ua hoakaka mai nei no nae paha @@a maloko o keia leka e kii hou mai ana oia ia oe ame ka bebe?"  me ka makemake loa o ka lede ia manawa e ike oia i na ma@@ o Sa Wiliama i kakau mai ai maloko o ka leka.

            "E heluhelu i ho no hoi oe i kona manao i hoopaaia maloko o kena leka, in a he makemake kou e ike no ka mea, ke ike aku nei au oia mau no kou kanalua me ka manaoio ole mai i ka‘u mau mea apau i hoakaka aku nei ia oe," a huli aku la ko Vedinia alo i kahi e me ka piha i ka hoowahawaha i ka wahine i@i kumuhana.

            No nei olezzo a Vekinia, pii ae la ka ula o ka ukiuki ma na papalina a ma ka lae o ka lede, a i aku la:

            E pono oe e huikala mai ia‘u," wahi ana me ka manao hookamani;" ua ike iho la ua i ko‘u hewa ma o ka hokai wale ana aku nei no i ka mea i pili ole ia‘u, oiai nae o ka mea i pili loa i ka ohana Hita ka pololei e noii mai i na mea apau e pili ana i keia mea, a ke hopohopo nei au, i ko‘u hokai wale ana aku nei no."

            Aole i pau pono mai kana mea i makemake ai e kamailio huki ae la oia i ka leka mailoko ae o ka wa-hi, wehewehe ae la i ke opi, a hoomaka iho la e heluhelu, aole no hoi oia i hoom@ha iki a noonoo iho he hana hewa loa kana i hana ai ma o ka heluhelu ana i na manao maloko o ka leka i kuleana ole iaia e heluhelu, o ka wahine wale no i haalele ia iho e kana kane, me kona nana ole aku i ka haawiia ana mai o ke kuleanan iaia e heluhelu iho i na manao oloko.

            Ma na manao apau o ka baroneta opio o ke kakau ana mai i kana wahine aole hiki i ka wahine imihala ke kanalua iho i ka haawi pau ana mai o ke Sa Wiliama i kona uhane ame kona aloha apau maluna o Vekinia, no ka mea, ua hoakaka ke Sa Wiliama i kona hilinai ame kona aloha hiki ole ke mokuhia i na waikahe he nui, o ka make wale no.

            "Eia nae, maloko o no aoao apau ewalu o ka leka a Sa Wiliama i kakau mai ai, aohe wahi huaolelo iki e olelo ana, "Kuu wahine".  He nui na inoa kapakapa a Sa Wiliama i kakau mai ai no kana wahine, na inoa e hoopunahele ana i ka wahine, a e hoike pu ana hoi i ke aloha a pela aku.

            No eia nele o ka huaolelo "Kuu wahine" maloko o ka leka, ua lilo ia i mea na ka Lede Fanamu e nalu nui ai a e hoolilo ai hoi ia mea uuku loa i mea nui, he huaolilo hoi ana i manao a@ e hiki ana ke kokua mai iaia ma ka hoao ana e hoole i ko Vekinia mare ana me Sa Wiliama.

            Mahope o kela heluhelu ana ana, ua oi ae ke kuoo o kona helehelena mamua o kekahi manawa mamua aku, a me ka helehelena kaumaa oia i hooki iho ai.

 

                                                                                    Mokuna XV.

            "He kii anei kekahi me oe o ko kane, ke Sa WIliama, e MRs. Ilita?  i ninau aku ai o Mrs. Fanamu, i kona manawa o ka opiopi ana iho i ka leka a hookoma iho la iloko o ka wa-hi.

            Me ka pane ole mai, ku ae la o Vekinia a hele mai la ma kahi o ke pakaukau, a lalau iho la i kekahi buke ALabama, he buke i piha me na kii i paiia, a i kona wehe ana ae a loaa ke kii o ke kane, waiho mai la mamua o ka lede imihala.

            I ka manawa no i kau iho ai ka ike a ko Mrs. Fanamu mau maka maluna o ke kii o ke Sa WIliama, hooho ae la oia i kekahi leo o ka mea i poho ko manaolana, a o kekahi no hoi‘ia o na kii maikai loa o ke Sa Wiliama o ke pa‘iia ana, a e huli pono ae ana no hoi iluna e nanaiaia, a in a paha he leo ko ia kii ia manawa, in a la ua pane ae owau ke kane a Miss Vekinia Abota o ka mare ana.

            "Ae; o ke kii i‘o no keia o Sa Wiliama Hita, o ka HItadela; aohe kanalua ana iho aka, o e Mrs. Hita; ua noii aku hei au ma ka ninau ana ia oe, i mea e hoopauia ae ai ko‘u pohihihi," wahi a Mrs. Fanamu o ka pane ana akku.

            "Heaha kou manaoio ma ia olelo ana mai la au?"  I ninau iho ai o Vekinia me ia mau no o kona ku iluna, a nana pono iho la hoi i ka lede me ka hulili o kona mau maka me he ahi la, e hoike okoa iho ana o ia Mrs. Fanamu, e akahele loa oia ma kana hana a ma kana kamailio ana aku.

            "E oluolu oe, e ka lede, e hoomaalili iho i kou inaina,"  wahi a ka lede o ka pane ana ae me ka leo mihi.  "Noho iho ilalo maanei ma kuu aoao, a e hoakaka aku au ia oe i ke kumu o keia hele ana mai nei au i hoouluhua aku ia oe.  Eia no ka mea oiaio a‘u e hoike aku ia oe, ke manaoio mau nei makou ahiki no i keia la he kanak ke Sa Wiliama me knoa hanohano nui i hoopaumaele ia."

            "Ma ke ano hea i hoopaumaeleia ai kona inoa hanohano?  E @akahele loa oe i kau kamailio ana i kekahi mea e pili ana i kuu kane!"  i pane iho ai o Vekinia me ka leo o kekahi mea mana a i ike ole iho hoi ai mea he maka‘u, eia nae, me ka leo no o ka ehaeha iloko on a."  He kanaka haohano o Sa Wiliama, no ia mea, aole au e ae aku ana ia oe e kamailio mai i kekahi huaolelo e ku‘e ana, iaia imua o kuu alo!"

            O, e kuu keiki, ke manoio nei au ua hoopunipuni ino loa ia mai oe!  Pehea ana la e hiki pono ai ia‘u ke hoakaka aku ia oe no ia mea!"  i namunamu liilii iho ai o Mrs. Fanamu, me ka leo haalulu, a he hiohiona hoi e hoike ae ana i ka piha o kona naau i ka ehaeha.

            "E pono oe e hoike koke ami ia‘u ia mea i nei manawa me ke kali ole aku.  Aole au e ae ana e ku maanei a hoolohe aku i kekahi mau olelo palaualelo a hakuepa o ke ano ino loa e pili ana no kuu kane, a in a e hoolohe ole mai ana oe, e pono e hookaawale koke mailoko aku o keia keena.  Ima he mau mea hou aku kau e kamailio mai ana ia‘u, hoike mai i nei manawa, a mai hoomau loa iho ia‘u e noho maanei me keia manao ulupuni i ka inaina a hoopilihua i ka noonoo!"  wahi a Vekinia o ke wahine a nana pono iho la i na maka e nana ae ana i kona, me kona mau maka hulili, elike me ko kekahi tiga wahine i makaukau e lele mai maluna o kona enemi.

            I na paha o Sa Viliama kekahi malaila ia manawa a ike mai i keia hana koa loa a kana wahine e haheo loa ana oia iaia, no ka mea, aole manawa e ae i oi aku ai ka u‘i ame ke koa o ko Vekinia helehelena mamua o keia, oiai nae ua piha o Vekinia i ka inaina ia manawa, a ua hele ae la hoi kona helehelena a haikea loa ia manawa.

            "Aohe a“u mea e ae e kamailio hou aku ana ia oe o keia wale no, o kela mareia ana o Sa Wiliama me oe, he mea hiki a kupono ole loa ia e hanaia.  Aole loa oe e lilo ana i hakuwahine no ka Hitaleda!"  iaia i kaili aku ai i kona lima mai ka paa ana a Vekinia.

            "Hoomau aku i kau kamailio ana!"  i kauoha iho ai ka wahine opio i piha me ka inaina,  me he mea la, he leo mana loa kona."  Ua hoakaka mua mai nei oe i kou manao, nolaila he mea pono ia oe ke hooiaio mai ia olelo au."

            "A eia no, no ka mea, ka mua, ina o oe kana wahine mare, in a ua hoike ae oia ikona ohana ame kona mau hoaloha he manawa loihi aku nei i hala, o oe kana wahine o ka mare ana, ma ka mea oiaio, aohe mea iki ana o ka hoike ana ae."

            "Ina aole oe i lohe ke hoike aju nei au ia oe, ua hana oia ia mea, no ka mea, mahope koke iho no o ko maua mare ana, ua kakau koke aku oia i kekahi leka i kona makuahine a i kona kaikuanihe e hoakaka aku ana no ia mareia o maua,"  wahi Vekinia."

            "Ua ikemaka aku no nae oe i kona hookomo ana i kana leka iloko o ka pahuleka o ka haleleka?"

            "ale au i ike, aka nae, ua maopopo ia“u ua hooko aku no oia.  He kanaka manao oiaio loa oia e hiki ole ai ke kanaluaia kana mea e olelo a e hana aku ai," i hooia ai ai o Vekinia.

            "A pehea, ua ike no nae paha, oe a i ole heluhulu hoi i kekahi leka mai kona ohana mai e hoakaka ana no ko lakou ike ana mai ia mare ana on a ma ke ano kupono a i aponoia?"  wahi hou a ka lede.

            "Aole au i ninau aku iaia no ia mea,"  wahi o ka Vekinia pane.  "O ke kumu no he mau la kaumaha loa ia no‘u, he ma‘i nawaliwali loa ko kuu makuakane ia manawa, a i make hoi ma ia hope iho, no ia kumu ua hoopioo loa ia ko“u noonoo e loaa ole ai ia“u  kekahi manawa maikai e ninau aku ai iaia no ia mea."

            "Aole ia palapaa mare me a“u i nei manawa, aia no i kuu kane."

            "Ahe,‘ wahi a ka lede o ka hooho ana ae me ka leo o ka mea i piha me ka hauoli.

            "O, e ka madame, aole anei ou ike iho i kau mau ano hana e hana mai nei he mesa hoomahuahua wale mai no ia o ko‘u ukiuki?  Me ke kanalua ole au e olelo aku nei ia oe i nei manawa, ua lohe maopopo loa mai oe mai kekahi mea mai, a ke ole au e koho hewa, mai ka Lede Linetona mai no ia, a eia nae, ke huna loa mai nei oe i kekahi mea mai a‘u aku.  Ina he aloha kou‘ia‘u e hana mai oe e hiki koke aku ai i ka hopena o keia hoopilijuaia ana o ko“u noonoo."

            "E ae aku ana au me ka maikai, a e oluolu nae hoi oe e pane mai i ka haina o ka‘u ninau.  He mau hoke no anei kekahi i ikemaka i kela mareia ana o olua?"

            "Ae, eha ka nui."

            "He ninau keia a Mrs. Fanamu, no ka mea, in a e lawe mai ana ka wahine opio i na hoik eha i ikemaka ai i ko laua mareia ana no ka hooiaio ana i ka mare, e hookoia ana ka manao o ka holomua kana papahana i hoolala ai, no ka hoohoka ana ia Vekinia, aka nae,he mokuaina mamao loa o Nevada mai Enelani mai, a he hana paakiki no hoi ka lawe ana mai ia mau hoike no ka ninaninau a hooiaio ana i ko Vekinia ma mare ana.

            "Eha mau hoike i ikemaka i ko maua mareia ana; ka mua, oia no kuu makuakane eia nae, ua make aku la oia, ka lua, ke kahunapule nana maua i mare; ke kolu, he wahine e noho kokoke mai ana ma kahi a maua i noho ai me kuu maukakane, a i kiia aku hoi e hele mai e hoomakaukau i na meaai no ko maua la i mareia ai, a o ka ha, oia no kahi Pake kuke a maua.

            "He oiaio paha ia au i olelo mai la a aole paha, a oiai aohe ka palapala mare o olua me oe i nei manawa, a wahi no au i olelo mai nei aia no ia palapala me Sa Wiliama, aohe hoike maopopo loa ma kou aoao i nei manawa e hooiaio mai ai no ia mare ana o olua, a e lilo ai hoi oe i wahinemare i ku i ke kanawai na ka Sa Wiliama, nolaila ke makemake nei au ia oe e kauoha aku i kela mau hoike au i olelo mai nei me ka hoohalike ole, oiai o lakou wale no na hoike na lakou e hooiaio mai i kou pono ame ka pono o kau keiki,"  wahi a Mrs Fanamu, me ka hookoikoi o kona leo o ia kamailio ana mai ana, a i lilo ai hoi ia mau olelo me he kui la e hou ana i koa puuwai.

            "O, kuu keiki!"  wahi a Vekinia o ka hooho ana ae me ka leo o ka ehaeha, a ia manawa o kela aloha apau o kekahi makuahine ua hoalaia ae, a i mai la:

            "No ke aha oe i kamailio mai ai ma ke ano nanenane?  Ina he mea kau i makemake ai e kamailio mai e pili ana no‘u hoike mai mamua o ke kaawale ana aku o ka manao maikai mai a‘u aku!"

            "Kali iki iho pela, e kii ae au i kekahi leka, a lawe mai e hoikeike aku ia oe, he leka i loaa koke mai nei ia‘u, a i ka manawa e pau ai o ko‘u heluhelu ana aku ia oe, ia manawa oe e ike iho ai i ke kumu o ko‘u ohiuhiu ana aku i na mea e pili ana i kou mare ana me Sa Wiliama, a o ke kumu hoi o ko‘u niele loa ana aku nei ia oe i na mea apau e pili ana no ko olua mare ana."

            Me key mau huaolelo hope o ke ku ae la no ia a Mrs.Fanamu a haalele iho la i ka rumi a laua o ka noho ana, a ia Vekinia hoi e nalu nui ana iloko iho on a me na manao hoohuoi no ka manao i kakauia maloko o ka leka a ka lede o ke kii anan a lawe mai, me he mea la he pahi ka i houia mai i kona puuwai, no ia kumu, noho iho la oia iluna o ka noho me ka haalulu me ke kali ana aku o ka hoi mai o ka lede Fanamu.

            Aohe i loihi loa ia hele ana aku a ka lede hoi hou mai ana.  Ua kakau mai ka Lede Linetona iaiai no ka uluhua loa o Sa Wiliama i ka noho loihi i Enelani a no kona kaawale loihi loa ana hoi mai kana wahine aku, a ua aneane oia e lilo i kanana mai mamuli o na mamao uluahewa no ka loaa ole aku o kekahi leka iaia mai kana wahine aku, a ua maka‘u ka Lede Linetona no ko Sa Wiliama hiki ole ke hoomanawanui hou aku a e holo koke mai ana oia e kii i kana wahine me ka nana ole i ka ma“i o kona makukahine, nolaila, o na hana apau e hiki ai e hookaawale loa ia o Pekinia mai a Sa Wiliama mai he mea pono e hanaia me ka hikiwawe loa.

            "O keia leka," wahi a Mrs. Fanamu o ka hoomaka ana mai e kamailio mahope o kona noho ana iho iluna o ka noho, a huki

ae la no hoi i kekahi apana pepa mailoko ae o ka wa-hileka," mai ka Lede Linetona mai ia, kuu hoaloha, a kaikuahine hoi o Sa Wiliama, e ike iho ana no oe, oia au e heluhelu aku ana o ka mana i haawiia mai ia‘u he mea hiki ole ia ke hoopaapaaia.  Eia nae, malia, paha, e makemake ana oe nau no e heluhelu ponoi iho i nei leka, in a o kou manao ia ea, eia mai,"  me ka paa ana ai i ka leka  no ka haawi ana mai ia Vekinia.

                                                                        (Aole i pau)

 

WAHOIA AE I KA LOIO KUHINA

NA KA NOONOO ANA O KA

MAKEKE HOU

 

            No ka hooholo ana mai o ka Leie Kuhina Harry Irwin i ka ninau e pili ana no ka aeia aku o ka Oahu Makeke e hooau aku i ka lawelawe hou ana i na hana maloko olaila me kona kulana maemae ole i hoopiiia ae ame ka ole, i waihoia aku ai imua on a.  He kumuhana keia i hapaiia ae a noonooia ma ka halawai a ka Papa Ola Teritory, ma ka auwina la o ka Poakolu o ka pule aku la i hala, a i mea e maopopo ai kekahi keehina maopopo a ka papa ola teritore e hooholo a e hana aku ai pela iho la i waihoia ae ai i ka Loio Kuhina Teritore no kona manao kanawai maluna o nei kumuhana.

            Ua hoike ae ka Loio Kuhina Irwin, i kona manao e lawe koke ana oia i nei kumuhana a noonoo maloko o kekahi manawa kokole, a e hooholo ana oia i ka hiki i ka Makeke Oahu ke hoomau aku ia kana lawelawe hana ana elike me ia i hoohanaia i na manawa aku la i hala ame ka ole, me ka loaa ole ae a kekahi palapala ae mai ka Papa Ola Teritore ae, a pela hei kekahi laikini mai ka Puuku ae o ke aupuni kalana.

            Ua hoole ka oihana hoomaemae o ka Papa Ola i ka hoopka ana ae i kekahi palapala ae i ka poe na lakou e hoolimlima mai nei i ka Oahu Makeke, o ke kahua o ka hoole ia ana ae oia no ka maemae ole o ka malamaia ana o ka makeke, a he kumu pololei loa ia no ia hooleia ana ae, no ka mea malia o lilo ka maemae ole i mea hoopoino i ke ola o ka lehulehu, no ka mea, malaila e kuaiia mai ai na meaai a ka lehulehu e ai mau nei.

            Mamuli o kekahi hoopii ma ke kanawai e ku nei i nei manawa maloko o ka aha hookolokolo, ua hoole na on a i ka hana ana ai i na hana hou i koiia ae e ka papa.  No na kanaka hoi na lakou na pakaukau kuai i‘a ua ae ka lakou e hana ae i na hana hou i keiia aku, oia hoi ka hoomaemae ana ae i na wahi i ikeia ka maemae ole, aole ka hoomaemae wale ana ae no ma na wahi i pili ana i ka lakou mau pakaukau kuai i]a, aka ua hoike pu ae ka lakou i ko lakou aa e auamo i na hoolilo no ka hana hou ana ae i na kaupaku o ka makeke me na hoololiloli e ae i koiia aku e ka oihana hoomaemae o ka pap ola.

            Eia nae, o na on a ame ka poe na lakou i hoolimalima ai makeke ua hoole lakou i ka ae ana ae i na kanaka na lakou na pakaukau e hana ae i kekahi mau hana hou i koiia aku, o ka lakou kumu o ka hoike ana ae in a ka no ko lakou aeia aku e hana pela e lilo ana ia i mea e loli anoe ae ai ka hihia e ku nei mamua o ka aha hookolokolo.

            Ne ka aneane ae nei e piha ka makahiki o ke ku ana o ka hoopii imua o ka aha, a in a nei no ka huli ku-e o ka olelo a ka aha kiekie i na on a na lakou ia makeke a pela hoi i ka poe na lakou i holimalima, e lawe loa aku ana lakou i ka hihia imua o ka aha hookolokolo kaapuni eiwa ne na hoopii hoohalahala a in a no he mea pono e hoea loa aku ana  lakou i ka hihia imua o ka aha hookolokolo kaapuni eiwa ne na hoopii hoohalahala a in a no he mea pono e hoea loa aku ana ia hihia imua o ka aha hookolokolo kiekie ma Wakinekona.

            Ma ka hoakaka a na luna o ka Papa Ola o ka hoike ana ae ma ka Poakolu aku la i hala, me ko lakou nana ole aku i na hoopaapaa mawaena o na on a ame ka poe na lakou i hoolimalima i ka mekeke,

KELA AME KEIA MEA.

(Kakauia e Thomas K Maunupau)

No ke Kanaka Makapo.

            Ua nele ke kanaka makapo i ka ike ana i na nani lehulehu i maa i na lahui kanaka, oiai nae aole oia i nele i ke ola honua ana.

            Ua pahola mai ka la i kona mau kukuna; aka ua ike ole oia ia mea; ua hoomalamalama ae na hoku i ka lani ahiai; aka ko lakou nani ua ike ole oia; ua pahola mai ka mauu uliuli imua on a elike me ka moena veleveta; aka kona nani ua hunaia iaia; ua mohala mai na pua me ko lakou mau waihooluu nani; aka ua olioli ole kena mau maka; ua kikoo ae ke anuenue kamahao i na lani; aka ua hoomaopopo ole oia i kona nani; ua lehe oia i na leo nahenahe o na manu, aka; ua ike ole oia i ko lakou mau kulana hauoli; ua ike ole oia i na malaai e anaanapa ana elike me ke gula, e iuli ana imua o ka makani aheahe, aole hoi ka ululaau, iaia e nape ana i ka olu a ke aheahe makani; ua ike ole oia i keai mau mea, a ua loaa ole kekahi hoomamao ana iaia i ka nani o ke kuahiwi, ame ka nani o ka aina nui  palahalaha.

Na Mea Pono

            Aohe mea i  oi ae o ka maemae mamua o ka hoopono aohe mea makaala i oi ae mamua o ka lokomaikai; aohe mea pumehana i oi ae mamua o ke aloha; aohe mea i oi ae ka waiwai mamua o ka naauao; aohe mea alohilohi i oi ae mamua o ka pono, aohe mea i oi ae mamua o ka manaoio.

            Ua a‘o mai ke akahai oiaio ia kakou e haawe i ka luuluu o kekahi e hauoli me ka mea e hauoli ana; e uwe me ka mea e uwe ana; e mahalo aku i ka hana maikai a kou hoalauna; e lokomaikai, a e puuwa@ hamama aku, e aloha hoomaele a e laulea aku, e kokua i ka poe nawaliwali, a e hoomanawanui imua o na kanaka apau.

            Aole oia e hoolaulea hou ana i ka nanaina la‘i, ua omalino, ua kapae oia i kana mau buke, ua kiloi ae ois.  i kona mau manao kuhalahala; ke aia o kana mau pua, ua heni ele oia, ua makemake ole oia;; ua hiki ole i kona pepeiao e hoelono i ka hanehane o ke mele olioli, aka, e iini ana ne ka leo o ka o=le ame ka leo halulu o ka pukuniahi.

No ke Aloha ka Mana o ke Aloha

            He hoopake ke aloha, he ume kaomi ka aloha, a he mea hoomahuahua a hoohuahui aku  i ka maikai.  Ke hoopumehana mau ia nei na eheu o ke aloha e uhi aku aunei oia i na ino he nui, a hekau mai ka malie mamua pono.

            Na ka inaaina e mawehe ae i ke ka@aunu mai ke poo ae o na moi, a na ke alelo lapalapaahi e ha@u ae ia mea, aka, na ke aloha no e kaomi malie iho.

            Hooko-o ae la ka inaina i ka noho hoaloha ana, aka na ke aloha no e hoolauna hou ia laua a kuikahi pu.

            O ka ikaika ume o ka aloha, ua kela aku ia i ak ikaika o na mea ume eono o ka honua ame na ume apau, a i oi loa aku hoi i ko ka mageneti.

            Puoho pukalaki ae la ka inaina me he kaikooo ia e pa ana i ke kumupali, aka, kaomi malie iho la nae ke aloha a iliwai like.

            E honi oluolu aku i ke aloha, a e mahalo aku i ka lokomaikai, oiai o laua a elua he mau hoaloha pilipaa aua kekahi i kekahi.

            Ina aloe ke aloha, makehewa ka lokomaikai, ke nele i ka manawaiea, ua auhee na hoomanao ana no ke aloha.

 

Kopa Moi Kekeo Na Ka Mikin Holoi

He Kopa maikai loa i hiki ke hoohanaia no na ano hana apau i pili i ka heme.  Hiiki ke holoi i na lole nahenahe loa me ka pilikia ole.  O kona oi loa aku a ka maikai no na mikini holoi - No ka holoi i na pa ame holoi hale.

            KUAI I PUOLO MAI KOU HALEKUAI MEAAI MAI

T. H. Davies & Co., Ltd.

Na akena Wale no no ka Paeaina Hawaii

 

 

OI KA HOOLANA LENALENA O IA KE KOPE MAIKAI

O ke Kope Kona Kamehameha, e ikeia no ma ka holopapa o kou halekuai meaai, ma konahoailona lenalena, e kupono ana ia ia oe.

 

Ua ohiia ia a waeia ae me ka lima.  Ua hoomo‘aia ia me ke akahele loa.  Ua hookomoia ia iloko o na puolo o 1-paona ame na tini 5-paona, kahi e waiho ai me ka makamakahou, ahiki i kou kii ana aku e hoohana ahiki i ka pau ana.  Ua kawilia ke kuni Kamehameha ma ke ano kupono oi loa i ka ono na Hawaii.  E noi aku no ia mea ma kou halekuai meaai.

 

AMERICAN FACTORS, LIMITED

 

O Ke Kanaka Kuai i na Lako Hana Maikai ua Lanakila e no Oia i ka Hapa o ka Hakaka

 

Aole hiki ia oe ke lawelawe i na hana maikai me na meahana inoino.  O ke kanaka e hoao ana e hana me na meahana inoino, e hoea mai ana i kona wa e kiola ai, a kuai i na mea kupono, in a he noonoo oia.  Aka nae ua poho wale ka manawa ame ke dala ma ka hana ana pela.  Ke kuai nei o Lewers & Cooke, Lte., na lako hana maikai wale no.

 

KE MALAMA NEI MAKOU HE AHUA PIHA PONO LAULA O NA

 

LAKO MAHIAI AME NA LAKO KUKULU HALE

 

He Makemake Paha Kou i

KO‘I, KIPIKUA, KOPALA, HO HAMARE, PAHIOLO, KO‘I LIILII, NA LAKO KAMANA PIHA PONO, HOANA HOOKALA, PAKEKE.

 

Papa o Kela âme Keia Ano, na Lako Hao, Pena, Aniani

 

Kakau mai a i ole kipa mai no na hoakaka.  E hookoia no na kaouha apau ma ke leka me ke akahele ame ka hikiwawe  loa.

 

LEWERS & COOKE. LIMITED

HONOLULU

 

 

 

Lawa Pono ka Poe i na I‘o Hipa ma ke

Kuai Hoemi a ka Makeke Metropolitan

maka Poakolu Aku Nei

 

            Nui na ohana i hoolawa maikai ia me na i‘o hipa hou a palupalu, ma ke kuai hoemi a ka Makeke Metropolitan ma ka Poakolu nei no ke  kuukuai haahaa loa o 7 keneka o ka paona.  Eia na Makuahine o na Home ke komo mau nei malaila i keia ame keia la, no ka haawi ana i ka lakou mau hoomaikai ana i ka Lunanui, Mr. Lui, no kana mau hana kokua nui loa, ma o kela kuai hoemi ana e haawi mau nei malaila i kela ame keia pule.

 

He Kuai Hoemi Hou no ko Keia Poakolu Ae

            Ina he makemake kou e hoolawa i kou Ohana Nui me na I“o Bipi Ku Momona, e hele mai no keia Makeke, a e loaa no ia oe. me ke Kumukuai Emi Loa i loaa mua oie ia oe ma na Makeke e ae apau.

 

METROPOLITAN MEAT MARKET

E ninau no LUI; he oluolu na kuka‘i ana ma ka kaua olelo makuahine

Hele Mai, mai hilahila!