Ka Nupepa Kuokoa, Volume LXI, Number 31, 3 August 1922 — Make Hookahi Limahana i ke Kaa Otomobile I Lele Mailuna Aku ke Kaa Kalaka Ohua ke Kumu i Loaa ai i Kela Poino MA KE ALANUI MA PUULOA KELA ULIA POINO Poho Wale ka Manaolana o Kela Limahana e Hoi no ka Ike Ana i Kona Ohana [ARTICLE]

Make Hookahi Limahana i ke Kaa Otomobile

I Lele Mailuna Aku ke Kaa Kalaka Ohua ke Kumu i Loaa ai i Kela Poino

MA KE ALANUI MA PUULOA KELA ULIA POINO

Poho Wale ka Manaolana o Kela Limahana e Hoi no ka Ike Ana i Kona Ohana

Maloko o ka Halema'i Tripler, ma ka hora elua, a oi, o ka auwina la o ka Poaono aku nei i hala, i make loaa ai he kanaka Rukini, nona ka inoa o Moses Barrett, mamuli o kona piiia ana e na huila o ke kaa otomobile, ma ke alanui o Puuloa. He limaliana kela Rukini, nolalo ae nei o Puuloa, he pena kana hana, me ka oihana kaua. Ma kela «nuwina la Poaono, ua kau aku kela Rukini, me ka nui ae o na limahann, maluna o kekahi kaa kalaka, no ka huli hoi ana mai i Honolulu nei. Ma ke anuu e kau aku ai iluna o ke kaa kalaka, halihali 'ohua, mahope mai, kahi i kau ai o kela Kukini, me elua mau limahana e ae, a iloko hoi o ke kaa kalaka o na ohua. Oiai ke kaa kalaka e holo ana ma ke alanui o Pu-uloa, ua oili aku la he kaa otomobile mai Honelulu nku nei, nolalo o Puuloa, e hookeleia ana e Frank Schoen o Hflo; no ka niakomake o Schoen, e hooholo aku i kona kaa, ma kekahi aoao o ke alanui, ua holo ae la oia ma kona aoao pololei, ia manawa hookahi nae, i ike aku ai oia, i ka oili ana mai o kekahi kaa otomobile okoa aku, mahope mai o ke kaa kalaka. I wahi e hooku 'i ole ai kona kaa otomobile, me kela kaa maliope aku o ke kaa kalaka, ua hoopaa iho la oia i ka peleki, me ka hoohuli ana ao nae mahope q ke kaa kalaka, ma i» hana ana, i hooku'i aku ai ka pale mawaho o kona kaa, i kalii a na kanaka e noho ana ma ke anuu ohope o ke kaa kalaka. No kela hooku'iia ana aku pāha o ke anuu o ke alapii o ke kaa kalaka i maka'u ai ke kanaka Rukini, e hooku'iia aku ana oia, o konn lele koko aku la no ia mailuna aku o kana wahi e noho ana, ma ia hana ana nae pela, i kaa pono ai oia mamua o kahi o na huila o ke kaa oto'mohile, o Mr. Schoen e holo aku ana, 0 kona halawai no ia me ka poino. Ma ka manao nae o na kanaka o ke aupnni, he hookalii kumu o ka poino, o ia no ka helii hewa ana o Mr. Schoen, i kahi no ka hooholo ana i ke kaa imua, mahope iho o kona hoopaa ana i ka holo o ke kaa, no ka mea, ua ikeia, ua holo aku kela kaa a hooku'i i kekahi mau pou o ka pa, a liakihaki. He Rukini kela i manao, e huli hoi aku no ka halawai pu ana me kona makuahine ma Rusia, eia ka e hooko ole ia ana ia iini ona; a maluna o kona kino, i loaa aku ai he palapala ae, no kona haalele iho 1 keia Teritore.