Ka Nupepa Kuokoa, Volume LXI, Number 31, 3 August 1922 — KUU HOAPILI UA HALA. [ARTICLE]

KUU HOAPILI UA HALA.

Mr. Solomon Hanohano, Aloha oe:—E oluolu oe e hookomo iho iloko o ka Nupepa Kuokoa, o ia keia malalo nei. Kuu mea aloha ua halg, aloha kuu hoapili i haalele mai ia'u ame ka maua mau keiki i hooneleia ka makuahine, aloha, aloha kuu hoapili iloko o na makahiki he 15. Ua hoohuiia maua i ka berita o ka mare i ka mahine o Feb. 2, 1908; ua haalele mai oia i keia ola ana i ka 12 o lulai 1922, ma ko maua home ma ka Helu 3001, Kāpahulu Road. Aloha kuu hoapili i haalelo mai ia'u, ame ka maua mau keiki i nele i ka makuahine, ua hala, ua pau ko makou ike ana iaia ame ka ohana no apau loa. Mahalo a nui i ka ohani. apau loa, i hele mai me ka lakou makana bo-ke pua, ame na kokua e ae. Luuluu wale au i kuu wahine aloha, Mrs Mary Kaleohano. *He 38 ona mau makahiki. Ua hele mai maua i Honolulu i ka makahiki 1918 no kona pilikia a waiho ana kona mau iwi i ka aina malihini; aloha kuu hoapili ua hala oia mao, ua haalele mai oia ia'u kana kane ame ka maua mau keiki ekolu. Makou me ke kaumaha, GEORGE KALEOHANO, MISS MARY KALEOHANO, MAGARET KALEOHANO, HATTIE KALEOHANO, —: ffIACON, Ga., Aug. I.—Ua kailiia mai na makai mai he paele o John Glove, ka inoa ka mea i hoopiiia ae ai nana i pepehi a make i ka hope makai, me kekahi paele e iho i keia la, e kekahi puulu kanaka piha iua* ina, a kiia a make me ka pu.