Ka Nupepa Kuokoa, Volume LXI, Number 31, 3 August 1922 — NA HOOKOHU OIHANA NO KA HALEPAAHAO. [ARTICLE]

NA HOOKOHU OIHANA NO KA HALEPAAHAO.

Elike me ka mea maa, i lawelawe mau iaj ma ka manawa c pii ae ai kekahi mea ma ke poo o na keena oihana maanei, ka hokohuia aku i poe hou, ma na wahi o ka poe kahiko, pela ka Makai Kiekie Lane, i hookohu aku ai i kekahi poe Repubalika, ma na kulana oihana i paaia e na Demokarata„ maloko (i ka halepaahao Teritore. Ua hoomau aku no oia i na Repubalika kahiko, i paa i ko lakou mau kulana malalo o ka Makai Kiekie Jarrett; he hoike keia, no kona makemake, e hoonoho aku, i ka poe oloko o kona Jfrao kalaiaina iho, ma na kulana oihana, i kaa mai ai ka ma-. nookohu iloko o kona lima. Maiwaena ae hoi o ka poe hou he mau hanen ka nui, i makemake aku e noho hana maloko o ka halepaahao, ua hookohu mai oia, i ka poe ana i manaoio ai, o lakou ka i kupono no keia manawa mua o kona lawe ana mai i kona kulana oihana hou, me ka minamina no nae iloko ona, no ka hiki ole iaia ke hoolawa mai i hana, na ka poe apau i waiho aku i ka lakou mau noi oihana. . O ka poe, i hookohuia mai no na kulana oihana a lakou i noi aku ai. ua hauoli lakou, ua hoea mai i ka hookoia ana o ko lakou makemake, aka no ka poe i nele, he mea maikai ke kon-*) ana o na manao ohumu, a hooku'eku'e makanui iloko o lakou; aka e hoomanawanui iho no pela, malia he manawa 110 ma keia hope aku, e hoolawa like ia aku no lakou, me na hana e pono ai. O ka mea nui ma keia nee ana aku, o ia no ke ku okoa mai iwaho, a komo kino iloko o na hooikaika kalaiaina ana, pela e ikeia mai ai e na alakai kalaiaina, aole o ka noho aku i kuono, a i ka wa oke noi oihana, oka wa iho la ia e oili mai ai. Aole keia he nuku aku i na Repubalika, i loaa ole ia lakou na kulana oihana, malalo o ka Makai Kiekie Lane, aka o ka mea oiaio maoli keia; a oiai eia aku ke koho baloka Teritore a hoea mai, iloko o na mahina kakaikahi wale no i koe, a pela hoi ke koho haloka kulanakauhale, i keia makahiki ae; e kau i ko kakou mau manaolana ilaila, o ka hiki ana i ka aoao Repubalika, e lanakila iloko o keia mau koho baloka a elua, he mea auanei ia e hiki ai, ke hoolawaia mai ka poe i hooikaika maoli, no ka ikaika o ka aoao, a no ka lanakila o na moho, me na- ljana, e l>ono ai lakou.