Ka Nupepa Kuokoa, Volume LXI, Number 31, 3 August 1922 — Nuhou Kuloko [ARTICLE]

Nuhou Kuloko

O ke Sabati mua ame ke Sabati elua o keia mahina, na manawa hope loa o ka halawai o ka pa ilina o Kalaepohaku. Aolie ho-a hou o ka luahine o ka lua i kana alii i keia mau la elike me ka hoike a T. A. Jaggar, ka luna nana e nana mai la ka Hale Kilo ma Kaluaopele. + O kekahi o na mokuahi hou loa o ka laina Matson, o ia ka Mahukona, o Castle & Cooke na akena maanei, e haalelo aku ana ia Kapalakiko- ma keia la no Honolulu nei. E holo kaapuni hou ana no ka mokuahi Kilauea i ka mokupuni o Molokai ma keia Sabati iho, Aug. 6, lehulehu ka poe i helo mua ae e hoopaa i ko lakou mau inoa ma ke keena o ka hui mokuahi. Ma ka Poaono aku nei i hala, i kulike ai me kekahi meahou, i paa ae ai he ulua nui, o 57 paona, i ka Ilamuku Amerika Oscar P. Cox ma Waialua, kahi ana i hoohala ai i kona mau pule lioomaha. Eha mau opio i hopuia mai la e ka Luna Nui Boles o ka Paka Lahui Kilauea ma Hawaii no ka loaa pono a/ia aku e lawe ana i ka waiona maloko o na palena o ia paka. Ua kaa ia Charles B. Makanui o ILilo, ka lielu ekahi, o ka waiho ana mai i kona palapala noi holo moho, no ke kulana lunamakaainana, no keia kau koho baloka wae moho iho. Ua hokohu ae nei ka Lunakanawai O. P. Soares ia Paalua D. Kellett, i maheleolelo Hawaii noloko o ka alia. hoomalu o HonOlulu nei, ma kahi o John Matthews i hoopauia aku. i • Ma keia kakahiaka, e huli hoi mai ai ke Kamaliiwahine Kalanianaole mai Kauai yiai, kahi ana J holo aku nei, no ke kukulu ana i na kalapu o na wahine Jcoho baloka malaila, ma ka aoao Repubalika. E malama ana ko Maui poe i ka hoikeike fea, ka elima o na makahiki, ina na la 12, 13 ame 14 o Okatoba, na la a na kahuwaiwai o ka fea o ke Kalana o Maui ame ka Aliahui Heihei Lio i apono ai. Ma ka hora eiwa, o ke kakahiaka o keia Sabati iho, e liolo hou aku ana ka mokuahi Kilauea, no ka lawe ana i ka poe 'mākaikai i ka Mokupuni o Hina. Q keia ka ekolu 0 na huakai makaikai i ka nani o Molokai. No ka hoao o kekahi mau kanaka opio, no laua na inoa o Robert Kama ame Harry Kuaana e koi i na kaikamahine o ke kula hoopololei e holo mai ke kula aku, i paa ae ai laua i ka hopuia, ma ka po o ka Poakahi iho nei. Ma ka halekula o Kaiulani, ma ka hora elua, o ka auwina la, o keia Sabati iho, e noho ae ana ka halawai a ke kalapu Demokarata, o ka mahele 20, apana elima, ua ; mar kemakeia na lala o kela kalapu, e hoea ae ma ia halawai. Ma ka mokuahi Manoa o ka haalele ana mai i keia awa, no Kapalakiko, i kau aku ai ka Lunakanawai Kaapuni John R. Desha, nj ka hoohala ana i kekahi mau puīe ma Kapalakiko, mamua o kona huli hoi hou ana mai no Honolulu nei. » Mahope iho o ka loaa ana o na p.mihakahaka ma ko lar mau kulana oihana pakahi, i wehe ae ai ka Lunaknwai Kemp ame ka Loio Amerika Huber, i mau koena loio no laua ma keia kulanakauhale, no ka lawelawe ana aku i ka oihana loio maanei, ma ke ano hoa-hui. E malama hou ia ae ana ka hala wai o ka Ahahui Pa Ilina o Kalaema ieahi o Dan Maunakea, ma ka hora elua me ka hapa o ka auwina la o keia Sabati iho, a ua makemakeia ka poe apau i kuleana 1 kela ahahui, e hoea kino suo, ma kahi ame ka; manawa i hoikeia ae la. * Ma ka Poalua iho nei, i hoakaka mai ai ka Lunakanawai Kaapuni Desha, i kona manao ku-e ikaika, i ke ano a ka Loio \V. C. Aehi Sr., o ka hooko ana aku i kana hana, ma ke ano he kahu no Maud K. C'rowell, ma ke kaki wale ana*i kekahi mau huina dala> he uku nona, ma ke ano he loio. E alawa ae e na Demokarata o ka mahele 12 apana 4, i ka hoolaha halawai e puka aku nei ma kekahi walrt o keia pepa, jio ka halawai e malamaia ana ma kahi o Mrs. Lawelawe, ma ke kihi o na alanui Kawaiahao me Hema, ma ka hapalua o ka hora ehiku o keia ahiahi Poaono iho.