Ka Nupepa Kuokoa, Volume LXI, Number 32, 10 August 1922 — NA KUHINIA ONO O KA UANOE O KOLOA. [ARTICLE]

NA KUHINIA ONO O KA UANOE O KOLOA.

Ua hoea mai la na keiki o ka huikaiilup. o ke kaona ma Koloa nei, Mr ame Mrs Leone Mahu, Mr. ame Mrs Willie Hoomana, no ka ike ana i na ohana ame ka hoonuu ana i na ono o Poipu, o ko puu lapuwale ke moni. Huli hoi aku la no ma ka moku o ka la 4 ,no ka uluwehi o ko kaona o Honolulu, ua haawi ae la ko laua papa Mr. J. K. Keawe he paina moa, a ua akoakoa aku la na ohana, a o kou meakakau kekahi ma ia papaaina; ua ai a lawa i na kohi kelekele a ka puukolu. Nolaila ke haawi aku nei kou meakakau i ka mahalo nui i k'a mea nana i lioomakaukau keia mau mea apau loa, Mrs. Peter Kealoha, o ke ola no kou a kau i ka puaaneane. Ua hala aku la no Honolulu o Mra. Albert Akana, Mrs. Peter Kamano ,Mr. ame Mrs. Jacob Mahu no ka ike ana i na ohana ame ko lakou papa o na pnukani iho la no ia o Poipu, ke hele la a hu ka lina i Haleauau, o Lihue i Malamanui. Ma ka la 3 o keia mahina i hoea mai ai ma Koloa nei ke Kamaliiwahine ame kona mau ukali, no ke kukulu ana i kalapu o na wahine ma Koloa nei ,elike nie kana hana ma Honolulu ,a pela no hoi ma na wahi apāu o Kauai nei. i

Ua ku koke no ke kalapu ia la a kohoia no na lunanui no keia maahiki e nee nei, me ka hakalia ole. Pela no hoi ma Waimea, ma ka la 29 o ka mahina i hala, ua ku no ke kalapu malaila, a kohoia no na lunanui ,nui ke ohohia o na wahine, ua haawi pu ae la ka Ahahui Kaumualii, he paina luau nui na na malihini, no ka hookipa ana mai ia lakou, malalo o ka hooponopono ana, a ka Hoahanau W. 0 .Crowell, ua ai a lawa, a hoi wahi puolo no hoi kekahi poe. Ua malamaia na hana me ka maikai; ahiki i ka hookuu ana me ka ulumahiehie. t Me ka Lunahooponopono ka mahplo nui ame na keiki oniuhua kepau o kou papapa'i ko'u welina pau ole. Owau mau no, PETER KAMANO SR. Koloa, Kauai.