Ka Nupepa Kuokoa, Volume LXI, Number 32, 10 August 1922 — E HOLO KAAPUNI ANA KA HUI HIMENI KAMEHAMEHA [ARTICLE]

E HOLO KAAPUNI ANA KA HUI HIMENI KAMEHAMEHA

No ka efiia o na manawa e kaahele liou ana na keiki a ka Hui Himeni KaMehameha, no ka Mokupuni o.Maui ame Hawaii, no ka imi ana i kokua, no ke kukulu ana i ka Home lila M. Pope. Ma ka makahiki aku nei i hala, i hele kaapuni mua loa ai kela hui himeni, me ka nui o ko lakou ohohiaia, a ma na wahi apau a lakou i kipa aku ai, ua apoia mai lakou me na manao hiipoi e na kamaaina. Mamuli o ka holomua loa o kela huaka'i kaapuni himeni, ua noi hou ia mai nei kela poe keiki, e holo hou no ka> elua o Jta manawa, nolaila e haalele iho ana lakou ia Honolulu nei ma ka la 18 o ka mahina o Augate nei. Ua kaa ke alakai ana o kela puali himeni malalo o Mr. George E. K. Awai, ma ka makahiki aku nei i hala ,a oia ana no ke alakai ma keia hele kaapuni hou ana aku. I kulike ai me ka papa kuhikuhi i hoomakaukauia, no na wahi ame na manawa a kela hui himeni e kipa aku ai ,e ikeia no malalo. iho nei penei: Ma ka la 19 o Augate, maloko o ka Hale Hoikeike Fea ma Kahului lakou e himeni ai; ma ka la 21 maloko o ka Hale Kiionioni o Haiku, Haiku; Augate 22, maloko o ka Halekoa ma Lahaina. Ma ka la 24 o Augate, maloko 0 ka Hale Kalapu o Kohala, Kohala, Hawaii, lakou e himeni ai; Augate 26, maloko o ka Hall 6abara o Waimea; Augato 28, maloko o ka halekula o Kailua, Kona; Augate 29, ma ka halekula o liealakekua; Augate 30, maloko o ka Hall o Kealiauka,. Hookena; Augate 31, maloko o ka Hall McComber, Waiohinu, Kau; Sept 1, maloko o ka Hale Kalapu o Pahala; Sept. 2, maloko o ka Hall Masonic, Hilo; Sept 4, maloko o ka halekoa ma Papaikou; Sept 5, maloko o ka Hale Kalapu o Laupahoehoe, a īna Sept 6, maloko o ka Lyeeum, Honokaa. O ka poe e komo ana iloko o keia puali himeni, oia ka iPuukani Miss Amy o Waialua i mare ia Jack Paoakalani Heleluhe, a o laua like ke ukali aku ana ma keia huakai'kaapuni himeni a na keiki Kamehameha. Pela hoi me Kid Abe, ka loea hookahi ohe Saxophone ame ka hui hookani pila a Keoki. Ilok(* o na makahiki ehiku i hala āku nei ,ua kaapuniia e Jack Heleluhe. ame kana wahine, na wahi like ole o Amerika, ma ka hana himeni, me ka nui o ko laua kaulana, a ma ka makahiki koke akif nei no 1 hala, i huli hoi mai ai laua no Hawaii nei. Mawaho ae o na hana himeni, e n.alama pu ia ana he mau aha hulahula, a na ka hui hookani pila e hoolako aku ana i na mele, no ia hana. Nolaila ma ka la 18 o keia mahina, he hookahi pule mai keia Poalima aku, e haalelē iho ai kela mau keiki himeni, ma kar lakou huakai no Maui ame Hawaii, no ka haawi ana aku i na ahamele, ma na wahi i hoikeia ae nei maluna.